Genesis 42:36 - Bible Ni Thothup

³⁶ Me ga’ar e chitamangirad i Jakob ngorad, “Bay mpagedgag ndariy e bitir rog. Ya ke yan Josef; ma ke yan Simeon; ma chiney e gimed be finey ni ngam feked Benjamin rog. I gag e gu ra gafgow!”

Genesis 42:36 Iomraidhean Croise

Genesis 42:37

Me ga’ar Ruben ngak e chitamngin, “Fa’anra dab gu fulweg Benjamin ngom, ma ga thang e fan rok fa gali pagel ni fakag. Mpag fan Benjamin ngog, ya bay gu fulweg ngom.”

Genesis 43:14

I Got ni Gubin ma Rayag Rok e nge gagiyegnag e re mo’on nem nge runguymed, nge yag ni pi’ ngomed fa binem i walagmed me pag Benjamin nge un ngomed ko sul. Me gag, e fa’anra thangri thay e bitir rog u pa’ag, me ere nge thay.”

Genesis 44:12

Me yan fare tapigpig rok Josef u fithik’ e chugum rorad ni tabab rok e en ni pi ilal nge yan i mada’ ngak e en ni bitir, mi ni pir’eg fare kap u tutuw rok Benjamin.

Genesis 45:28

Me ga’ar, “Fakag i Josef e kabfos! Kemus tabon laniyan’ug! Thingar gu wan ngug guy u m’on ni nggum’.”

Genesis 47:12

Mi i pi’ Josef gan e chitamngin, nge pi walagen ni pumo’on, nge urngin girdi’en e tabinaw rok e chitamngin, nib mu’un e bin th’abi bitir ngay.

BABYOR NI JOB 7:7

A Got, dab mu pag talin ni yafos rog e kemus ni ta’ab buchud i nifeng; ma felfelan’ rog e ke taw nga tungun.

Psalms 34:19

En nib mat’aw e bo’or e gafgow nma yib ngak, machane SOMOL e ma chuweg u fithik’ ni gubin.

Eklesiastes 7:8

Ra nmu’nag ban’en ma kabfel’ nga ban’en ni kafinni tababnag. Ku bfel’ e gumaen’ ko tolngan’.

Isaiah 27:9

Kemus ni ta’reb e kanawo’ nrayag ni ngan n’agfan e kireb nge denen rok yu Israel riy: Thingar ra buthuged e pi altar ni malang rok yug boch e kan ngar bilbilged nge yochyang ni bod e chalk, nge dabki par reb e altar ko incense ara reb e pow rok Asherah ni fare got ni bpin.

Isaiah 38:10

Gu leamnag ni bay gum’ ko ngiyal’ ni kari taw nga fel’ngin e yafos rog nggu wan ko fare fayleng ko yam’, ni dab gu par nge mus n’umngin e yafos rog.

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Jeremiah 31:15

Be ga’ar SOMOL, “Ka ni rung’ag ba lam u lan yu Ramah, ni laman e meyor nib gel. I Rachel e be yornag pifak; ndabiyag i fal’eg laniyan’, ni bochan e daki moy pifak.

Matthew 14:31

Ka chingiyal’ nem me k’iyag Jesus pa’ nge kol me ga’ar ngak, “Rib achig e michan’ rom ngak Got. Mangfan ni be maruwar Got u wun’um?”

Roma 8:28

Urngin e pi’in ke piningrad Got ko tin be leamnag ni pi’in nib t’uf Got rorad, e gadad manang nma ayuwegrad Got nge pingeg urngin ban’en nge fel’ ngorad.

Roma 8:31

Mang e bay ni kagadad ra weliy u murung’agen e pin’ey? Fa’anra bay Got u ba’ rodad, me mini’ e rayag rok ni nge togopluw ngodad?

1 Korinth 10:13

Urngin e n’en nma waliy e girdi’ nge denen nike yib ngomed e ireyer e mit i n’en ni ka ma yib ngak e girdi’. Ya Got e dabi thiliyeg e tin ke yog nra rin’ ngodad, ma dabiyag ni nge pagmed nge yib ngomed e pin’en nma waliy e girdi’ nge denen nge pag rogon ndabkiyag romed ni ngam taleged gimed riy; machane re ngiyal’ i n’em e ra pi’ gelngimed ngam k’adedan’med riy, ni aram e ke pi’ e kanawo’ ngomed ni ngambad riy nga wuru’ e pin’em.

2 Korinth 4:17

Re gafgow ney ni gadad be tay nib gafgow nib achig ma dabi n’uw nap’an me m’ay e bayi fek i yib ngodad ba fla’ab ni ba ga’ ni dabi m’ay bi’id, nri kab gel feni ga’ ko re gafgow ney.

1 Samuel 27:1

Me ga’ar David u wan’, “Bayi reb e rran me li’eg Saul nggum’. N’en th’abi bfel’ ni nggu rin’ e ngug mil nga Filistia. Ma aram me pageg Saul ndabki changar nigeg u Israel, mug par ndariy ban’en nra buch rog.”