Genesis 42:24 - Bible Ni Thothup

²⁴ Me chuw Josef rorad nge yan i par ngi i yor. Ma fa’ani yag rok ni ngki welthin ngorad bayay, me sul ngorad, me fek Simeon u fithik’rad nge fal nga bang, me m’ag u p’eowcherad.

Genesis 42:24 Iomraidhean Croise

Genesis 34:25

Dalip e rran nga tom’ren, ma kab m’ar fapi pumo’on ko fare maad’ad ni kan tay ngorad, ma l’agruw ni’ ni fak Jakob, ni Simeon nge Levi, ni walagen Dinah, e ra fekew e saydon rorow nib smamith, ngranow ngalan fare binaw ngar li’ew urngin e pumo’on riy,

Genesis 42:23

Ma be nang Josef fan e n’en ni yad be yog, machane dar nanged, ya ur nonod ngak ni bay be’ ni be afweg e thin rorad.

Genesis 43:14

I Got ni Gubin ma Rayag Rok e nge gagiyegnag e re mo’on nem nge runguymed, nge yag ni pi’ ngomed fa binem i walagmed me pag Benjamin nge un ngomed ko sul. Me gag, e fa’anra thangri thay e bitir rog u pa’ag, me ere nge thay.”

Genesis 43:23

Me ga’ar fare tapigpig, “Dabi magafan’med, ma dab mu tamdaggad. Ya Got, ni fare Got rok e chitamangimed, e ir e ke tay e salpiy ngalan e tutuw romed ni fan ngomed. Ya salpiy ni mpi’ed nga puluwon e ggan ko som’on e kug fek.” Me fek fare tapigpig Simeon i yib ngorad.

Genesis 43:30

Me pagrad Josef nge yan nib gur, ya ke runguy walagen. Ma ke chugur ni nge yor, ma aram me yan nga senggil rok ngi i yor u rom.

Genesis 45:1

Ma dakiyag ni nge athamgil Josef u p’eowchen urngin e pi’in yad ma pigpig ngak, me non ni ba ga’ laman ni ga’ar, “Dabki par be’ u roy.” Me weliy Josef ngak pi walagen ko ir mini’ ko ngiyal’ ni ba’aram ndaki moy be’ rorad.

Genesis 45:2

Me yor ni ba ga’ laman me rung’ag e girdi’ nu Egypt, me taw murung’agen nga tafen e pilung.

Isaiah 63:9

u gubin e gafgow rorad. Gathi ba engel ya SOMOL ni ir e ayuwegrad. I ayuwegrad ni bochan e ri yad ba t’uf rok ma be runguyrad. Kab kakrom i yib ni i ayuwegrad ni gubin ngiyal’,

Luke 19:41

Me chuchugur i yib ko fare binaw, ma fa’ani guy me yornag,

Roma 12:15

Mu uned ko felfelan’ ngak e pi’in kar felfelan’gad, mi gimed un ko meyor ngak e pi’in yad be yor.

1 Korinth 12:26

Fa’anra gafgow bang u dowey, ma urngin e yu yang ni kabay e yad ma un ngak ko gafgow; fa’anra nog e sorok ngak bang riy, ma urngin e yu yang ni kabay riy ni yad ra un ngak fa gi nem ko felfelan’.

Hebrews 4:15

Re prist rodad nem ni fare Prist ni Th’abi Ga’ e gathi reb e prist ni dabi kireban’ ngodad nga fadad me’waer. Ya re prist rodad nem ni fare Prist ni Th’abi Ga’ e yib ngak urngin kanawo’en e pin’en nma waliy e girdi’ nge denen ni bod gadad, machane de denen.