Genesis 37:4 - Bible Ni Thothup

⁴ Ma fa’ani guy pi walagen Josef ni kab gel feni t’uf Josef rok e chitamangirad, miyad fanenikay Josef ni walagrad ndakur nonod ngak nrogon nma non e girdi’ ni bfel’ thilrad.

Genesis 37:4 Iomraidhean Croise

Genesis 27:41

Me fanenikay Esau Jakob, ni bochan e ke fal’eg e chitamngin wa’athan, me yog u wan’ ni ga’ar, “Dabki n’uw nap’an mi ni mowawnag e chitamag nike yim’; ma aram e bay gu thang e fan rok Jakob.”

Genesis 37:11

Me par pi walagen Josef nike awan’rad ngak, machane me par e chitamngin ni be leamnag murung’agen e tin nike weliy Josef.

Genesis 37:5

Bay ba ngiyal’ ni lik’ay Josef, me weliy ngak pi walagen e lik’ay rok. Ma aram me ri gel e fanenikan rorad ngak Josef ni bochan e re lik’ay rok nem ni weliy ngorad.

Genesis 4:5

ma de fel’ Kain nge maligach rok u wan’. Me ri damumuw Kain nge thilpariy owchen.

Genesis 49:23

Pi to’ogor rok e bay ur chamgad ngak nib elmirin, Ra feked e gat’ing nge gan e gat’ing rorad ngu’ur lol’iged.

Psalms 38:19

Pi to’ogor rog e ba gel; ma bo’or i yad e be fenanikayeg ndariy tapgin.

Psalms 69:4

Pi’in yad be fanenikayeg ndariy tapgin e yad ba pire’ nga piyan lolugeg; pi to’ogor rog e yad be lifith l’ugunrad nib togopluw ngog yad ba gel ma yad ba’adag ni ngar li’edgag nggum’. Kar gel niged yad ngog ni nggu pag ngorad bogi n’en ni gathi gu iring.

Jeremiah 12:6

Mus ngak pi walagem, nge pi chonggin e tabnaw rom, marban niged gur; ra uned ko togopluw ni yibe tay ngom. Dabi pagan’um ngorad ni mus ni fa’an yad be yog e thin ngom nib sumnguy.”

Mark 3:25

Ma fa’anra ruw raba’ ta’ab tabinaw ngar chamgow ngorow, ma bmuduwgil ni nge wear fare tabinaw.

Titus 3:3

Ya ku errogon gadad ni ud moyed ba ngiyal’ ni ud balyanggad, ma da ud folgad, ma gadad ba oloboch. Ma ud moyed ni gadad e sib rok e ar’ar nge gubin mit e tin ni yi ba’adag nde mat’aw u mit Got. Ma ud pired ni gadad be leamnag e kireb ngak e girdi’ ma be awan’dad ngak boch e girdi’; ma be fanenikaydad boch e girdi’ ma gadad be fanenikayrad.

1 John 2:11

Machane en ni be fanenikay walagen ni girdi’en Kristus e bay u fithik’ e lumor; ni be yan u fithik’, ni der nang e gin be sor ngay, ya fare lumor e ke pingeg ke malmit.

1 John 3:10

Ba’aray e ren’en nib gagiyel nib thil u thilin e pi’in ni pifak Got nge pi’in ni pifak mo’onyan’: en nde rin’ e tin nib mat’aw ara de t’uf rok e en ni walagen ni girdi’en Kristus e gathi ir be’ ni fak Got.

1 John 3:12

Thingar dab da boded Kain ni i par nib milfan ngak Fa’anem nib Kireb, me li’ walagen ni pumo’on nge yim’. Mangfan ni li’ Kain e cha’nem? Bochan e ngongol ni i ngongliy Kain e ba kireb, ma ngongol ni i ngongliy walagen e bmat’aw.

1 John 4:20

Fa’anra ga’ar be’, “Ba t’uf Got rog”, machane be fanenikay walagen ni girdi’en Kristus, ma be lifith l’ugun. Ya dabiyag ni nge t’uf Got rok, ni be’ nder guy ni fa’anra de t’uf rok walagen ni girdi’en Kristus ni be’ ni be guy.

1 Samuel 17:28

Mi Eliab, ni bin th’abi ilal i walagen David e rung’ag ni be non David ngak fapi pumo’on. Me puwan’ ngak ni ga’ar, “Mang e ga be rin’ u roy? I mini’ e be gafaliy fapi saf rom ni bay u daken e ted? Gab ufanthin ma gab talanglang! Kemus ni kamub ni ngam guy boch e cham!”