Genesis 34:19 - Bible Ni Thothup

¹⁹ ma fare pagel i Shekem e da ki ayal ya kachingiyal’ nem me rin e tin kannog, ni bochan e ke aliliynag fare rugod ni fak Jakob. Ma cha’nem i Shekem e ir e cha’ ni ri yima tayfan u tabnaw rok.

Genesis 34:19 Iomraidhean Croise

Genesis 29:20

Me maruwel Jakob ni medlip e duw ni bochan Rachel, me finey nsusun e ri in e rran, ni bochan e ri ba’adag Rachel.

Genesis 34:18

Me mat’aw u wan’ Hamor nge Shekem e tin karogned,

Genesis 34:20

Me yan Hamor nge Shekem ni fak ko gin’en ni yima mu’ulung riy u langan e garog ko fare binaw mi yow non ko pumo’on ko fare binaw nra ga’ar gow,

Genesis 41:20

Me longuy fapi garbaw nib m’ugm’ug yilen fa tinem e garbaw nib sugsug.

2 Kings 5:1

I Naaman ni pilungen e salthaw nu Syria e ri ma tay e pilung nu Syria fan ma ku bfel’ u wan’, ye maruwel SOMOL ngak Naaman nge gel e salthaw nu Syria ko mael. Ir reb e salthaw nib gilbuguwan, machane ba daraw.

1 Kronicles 4:9

Immoy be’ nib mo’on ni Jabez fithingan, ni ir e yima tayfan u lan e tabnaw rok. I pi’ e chitiningin e re ngachal nem ngak ni Jabez, ni bochan e rib gel amthun e gargel ni tay rok.

Tang Ko Pitang 8:6

Mu ning an’um ko gubin e adag kemus ni birog e ngam bing ngay; dariy be’ ni ngamun’ ngalan ngorngorem kemus ni go’ gag. Adag e bod feni gel gelngin e yam’; amithun e adag e bod feni gel e yam’. Ma gabulbul e daramram riy nge gak’ ni bod ba nifiy nib gelmirin.

Isaiah 5:13

ere bay ni kolmed ngan fekmed nga wuru’ e nam ni gimed bogi kalbus. Pi’in yad ma yog e thin romed e bayi chugur ni nge li’rad e bilig, ma yug girdi’ e bayi chugur ni ngarm’ad ni balel.

Isaiah 62:4

Dakuriy e ngiyal’ ni yira pining ngachalem ni “Kan n’ag,” fa ni pining fithingan e nam rom ni “Fa En ni le’engiy ni Kan Tharbeg.” Bin ni be’ech e ngachal rom e ba’aray “Got e ba fel’uwan’ fare Pin.” Nam rom e bay ni pining ni “Felfelan’ ko Mabgol Rok,” ni bochan e SOMOL e gab fel’uwan’ ma bayi par ni bod nike figirngiy e nam rom.

Numbers 22:15

Me l’oeg Balak yugu boch e pi’in yad ma yog e thin, ni kar yo’orgad ma yad ba tolang ngak e pi’in ka’e l’ograd.

Acts 13:50

Machane me pingeg piyu Israel laniyan’ e pumo’on ni be tay murung’agen e re binaw nem nge pi’in ni ppin ni tolang ni gathi yad piyu Israel ma yad ma meybil ngak Got, ngar tababgad i gafgownag Paul nge Barnabas, miyad therbegrow ko nug rorad.

Acts 17:12

Ma bo’or i yad ni mich Jesus u wun’rad; ma bo’or e ppin nu Greece ni ppin nib tolang nge ku bo’or e pumo’on nu Greece ni ki mich Jesus u wun’rad.

1 Samuel 22:14

Me fulweg Ahimelek ni ga’ar, “I David u fithik’ e tolang ko salthaw rom e th’abi yul’yul’! Ma figirngin fakam, ma ir e ga’ rok e pi matnag rom, ma gubin e girdi’ nma tayfan u lan tafen e pilung.