Genesis 33:14 - Bible Ni Thothup

¹⁴ Wenig ngom, mm’on rog, ya bay ug saf’og i yib, ni bay gub ni gu be fol u payngin e garbaw nge bitir, nge mada’ ko ngiyal’ ni bay gu taw ngom nga Seir.”

Genesis 33:14 Iomraidhean Croise

Genesis 32:3

Me l’oeg Jakob boch e girdi’ ngar mon’od rok ngranod ngak Esau ni be’ nib mo’on ni walagen, ni be par u bangi binaw ni kanog yu Seir ngay, ni bay ko nam nu Edom.

Genesis 32:4

Me yog ngorad ni nge lungurad ngak Esau, “I gag Jakob ni tapigpig rom nma fol rom e nggu weliy salpeg ngom i gur Esau, ni masta rog, ug par rok Laban nda gu sul ke mada’ ko chiney.

Genesis 33:13

Me ga’ar Jakob, “Ga manang ni pi’in ni bitir e yad bme’waer, ma thingar gu tafinaynag e saf nge garbaw nge pifakrad. Ya ra ni gur ngorad ni reb e rran, miyad yim’ ni yad urngin.

2 Kronicles 20:10

“Ere chiney e girdi’ nu Ammon, ngu Moab, ngu Edom e ka ra m’aged e mael ngomad. Aram e pi binaw nda mpag e pi chitamngimad ngranod nga langgin u nap’an nrabad nga wuru’ yu Egypt, ere u ranod u wuru’ e pi binaw ney ni dar gathayed.

Isaiah 40:11

Bay i ayuweg fa ran’ i saf rok ni bod rogon be’ nma gafaliy e saf; bayi kunuy fapi fak e saf nga ta’bang, ngi i fekrad nike dibeyrad; bayi pow’iy e pi chitiningrad nib saf’og.

Ezekiel 25:8

I SOMOL ni Th’abi Tolang e ke ga’ar, “Bochan e keyog yu Moab ni yu Judah e ba ta’reb rogon ko gubin e pi nam,

Mark 4:33

Mi i machibnag Jesus e thin rok ngak e girdi’ ni i maruwel nga bo’or e fanathin ni bod e tiney, ni i weliy ngorad urngin e tin nrayag ni ngar nanged fan.

Roma 15:1

Gadad e pi’in nib gel e michan’ rodad ngak Somol e susun e ngad ayuweged e pi’in yad mme’waer ngad uned i fek gilbarad. Ma gathi gadad e ngdarod nga lanin’dad.

1 Korinth 3:2

Ere thingar gu pi’ e milik ngomed, ma gathi ggan nib el, ya dawori taw nga nap’an ni ngan pi’ ngomed. Ni mus ko chiney ma dawori taw nga nap’an ni nggu pi’ ngomed,

Deuteronomy 2:1

ma yuguda pigichelgad ngad sulod nga daken fa gi desert, ni aram e wo’ ni yan ko Red Sea, ni bod ni yog SOMOL ni ngad rin’ed. Ma ba n’uw nap’an ni ud derawgad u daken e nam nu Edom ni go’ burey.

Judges 5:4

SOMOL, fa’an mu chuw ko fapi burey nu Seir, fa’an mub u lan fa gi binaw nu Edom nga wuru’, me rur e but’, me aw e n’uw u lang. Arrogon, i map’ e ran ko manileng nga but’.