Genesis 32:3 - Bible Ni Thothup

³ Me l’oeg Jakob boch e girdi’ ngar mon’od rok ngranod ngak Esau ni be’ nib mo’on ni walagen, ni be par u bangi binaw ni kanog yu Seir ngay, ni bay ko nam nu Edom.

Genesis 32:3 Iomraidhean Croise

Genesis 14:6

nge girdi’ ni kanog e Horite ngorad ni yad ma par u daken e burey i yan u Seir nge yan i mada’ nga El-paran, ni bay ko gin ni tabab fa gi ted ni desert riy.

Genesis 25:30

me ga’ar ngak Jakob, “Ku gum’ ko bilig; mpi’ buchuuw e pi n’ir nib row nggu way.” (Aram fan ntunguy Edom ngak.)

Genesis 32:11

Wenig ngom, mu ayuwegneg rok Esau ni walageg. Kug rus ngak ya richey nge yib i li’mad ni gamad gubin, nib mu’un e ppin nge bitir ngay.

Genesis 32:7

Me par Jakob ni kari rus ma be wagagey laniyan’. Me ruw raba’nag e girdi’ ni yad be un ngak, ma ku er i tay e saf rok nge kaming, nge garbaw, nge kamel ngar pired ni yad ruw ulung.

Genesis 33:14

Wenig ngom, mm’on rog, ya bay ug saf’og i yib, ni bay gub ni gu be fol u payngin e garbaw nge bitir, nge mada’ ko ngiyal’ ni bay gu taw ngom nga Seir.”

Genesis 33:16

Ma karofen nem me sul Esau nga Seir.

2 Samuel 2:8

Fare tolang ko salthaw rok Saul, i Abner nib mo’on ni fak Ner, e kar milgow Ishbosheth ni be’ ni pumo’on ni fak Saul kar th’abew e lul’ ni Jordan kranow nga Mahanaim.

2 Kings 6:17

Me meybil Elisa ni ga’ar, “SOMOL, mu bing owchen e tapigpig rog nge guy.” Me pingeg SOMOL e changar rok fare tapigpig me guy fare burey nib sug ko os nge chariot nnifiy nib liyeg e gin’en ni bay Elisa riy.

1 Kronicles 12:23

Nap’an ni immoy David u Hebron, ma bo’or e salthaw ni kan fonow nagrad ko mael nra manged ko fa raba’ i salthaw rok ni ngar ayuweged nge mang pilung nge yan nga luwan Saul, ni bod nike micheg SOMOL. Ba’aray urngirad u reb e ganong ngu reb: Judah: 6,800 e pumo’on ni bay rorad talin e cham ni bfel’ rogon, kar feked e shield nge sarey; Simeon: 7,100 e pumo’on ni kan fonow nagrad ko mael ni bfel’ rogon; Levi: 4,600 e pumo’on; Pi gachalpen Jehoyada ni be’ ni owchen Aron: 3,700 e pumo’on; Pi girdi’en Zadok ni be’ ni kab pagel nib bung ko cham: rliw’ nge l’agruw e pi tagafaliy e salthaw; Benjamin (ganong rok Saul): 3,000 e pumo’on (bo’or e girdi’ rok Benjamin nra pired ni kayad ba yul’yul’ ngak Saul); Efraim: 20,800 e pumo’on nib gilbugwarad u fithik’ fa yuke girdi’ rorad; Ba’ ni Ngal e Manasseh: 18,000 e pumo’on nni mel’egrad ni ngranod ra guyed rogon nge mang David e pilung; Issakar: 200 e tolang ko salthaw, nib mu’un e pi salthaw ngay ni yad ma gafaliyrad (pi tolang ko salthaw ney e yad manang e n’en nthangri rin’ yu Israel nge ngiyal’ nib manigil ni ngan rin’ riy); Zebulun: 50,000 e salthaw ni yad ba yul’yul’ mab pagan’uy ngorad ni kar fal’eged rograd ko cham, ma kan fonow nagrad u rogon e cham ko gubin mit talin e cham; Naftali: 1,000 e pi tolang nge cheag 37,000 e salthaw ngay ni bay e yungi shield nge sarey rorad; Dan: 28,600 e salthaw ni kan mu’ i fonow nagrad; Asher: 40,000 e salthaw ni kar fal’eged rogorad ni fan ko mael; Pi ganong u ba’ ni Ngek e Jordan — Ruben, Gad, nge ba’ ni Ngek e Manasseh: 120,000 e salthaw ni kan fonow nagrad u rogon e cham ko gubin mit e talin e cham.

Tang Ko Pitang 7:1

I gur re rugod ni dabiyag i yog fel’ngim! Rifrifen em e rib gamog u lan e sandal. Rogoni thir daken ayim e bod e maruwel rok be’ nib salap ko dumow m’uw.

Isaiah 21:11

Irera’ e thin ni murung’agen yu Edom. I tolul be’ ngog u Edom ni ga’ar, “Matnag, ke chugur ni nge rran fa dawor? Mog ngog ko mingyal’ e ra mus.”

Jeremiah 49:7

Irera’ e n’en ni yog SOMOL ni Gubin ma Rayag Rok u murung’agen yu Edom: “Gur, girdi’ nu Edom e ke man lanin’rad? Gur, dakir yog e pi tafanow rorad e n’en ni ngar rin’ed? Gur, gubin e gonop rorad ma ke chuw?

Malaki 3:1

Fulweg rok SOMOL ni Gubin ma Rayag Rok ko re bugithin ney e be ga’ar, “Bay gu l’oeg ba tafek thin rog nge ngongliy rogon e kanawo’ rog. Ma aram e fare SOMOL ni gimed be changar nag e bay mu gin gad ma keyib ko Tempel rok. Fare tafek thin ni gimed be finey ni mang e yug mu guyed e bayi taw ni nge weliy murung’agen e m’ag rog.”

Numbers 24:18

Bayi gel ngak e pi to’ogor rok u Edom me tafnay e nam rorad, me par yu Israel ni be gel i yan.

Luke 9:52

Me l’oeg e mol’og rok ngar m’onod rok ngranod ngalan ba binaw rok e girdi’ nu Samaria ni ngar fal’eged rogon urngin ban’en ni fan ngak.

Deuteronomy 1:2

Ra ngan milekag ko Burey ni Sinai nga Kadesh Barnea ni nga ni yan u Edom ni go’ burey, ma ragag nge ta’reb e rran.

Deuteronomy 2:22

Ma ku ireram e n’en niki rin’ SOMOL ni fan ngak piyu Edom, ni pi’in owchen Esau, ni ur pired u lan e nam ni go’ burey u Edom. Ya thirif piyu Hor u but’, me yan yu Edom ngar pired ko fare nam rorad, ni aram e gin ni kayad be par riy e chiney.

Deuteronomy 2:5

machane thangri dab mu tabab niged e mael ngorad, ni bochan e dab gu pi’ ngomed ta’bochyang ko binaw rorad. Ya kug pi’ yu Edom ni nge tafnay e pi’in owchen Esau.

Joshua 13:30

Re gin’em ni taferad e yan nge mada’ nga Mahanaim nib mu’un ga’ngin yang yu Bashan ngay — nge ga’ngin yang e gin ma gagiyegnag Og ni Pilung nu Bashan, ma ku errogon gubin fa nel’ i ragag e pi binaw nu Jair ni bay u lan yu Bashan.

Joshua 24:4

mu gu pi’ Jakob nge Esau ngak Isak. Gu pi’ ngak Esau fare nam nu Seir ni go’ burey ni nge tafnay, me yan Jakob nge pifak nga Egypt.