Genesis 32:28 - Bible Ni Thothup

²⁸ Me ga’ar fare mo’on, “Dabki par fithingam ni Jakob. Kam fathael ngak Got nge ngak e girdi’, ma kam gel; ere nge par fithingam ni Israel.

Genesis 32:28 Iomraidhean Croise

Genesis 17:15

Me ga’ar Got ngak Abraham, “Dab kum pining Sarai ngak le’engim; ya ke par fithingan e chiney ni Sarah.

Genesis 17:5

Ma fithingam e dabki par ni Abram, ya ke par ni Abraham, ya bay gu tem ni gur chitamngin bo’or e nam.

Genesis 25:31

Machane me fulweg Jakob ni ga’ar, “Bay gu pi’ ngom ni fa’an ga ra pi’ ngog mat’wum ni gur e gab nganni’.”

Genesis 31:24

Mra nep’ nem me yib i m’ug Got ngak Laban u malik’ay me ga’ar ngak, “Mguy rogon ni dab mu k’aring e murus ngak Jakob u ban’en.”

Genesis 32:24

Me par u baraba’ ni go ir. Me yib be’ nib mo’on ngak ngar fathaelgow nge kadbul.

Genesis 32:27

Me ga’ar fare mo’on, “Mini’ fithingam?” Me ga’ar, “Jakob.”

Genesis 33:20

Me ubung ba altar u rom, me tunguy El ngay, ni aram e ke ga’ar, altar rok fare Got nu Israel.

Genesis 33:4

Me mil Esau i yib ngak, me yib i gumuchmuch ngak, me faray owchen. Mi yow l’agruw ni yow be yor.

Genesis 35:10

I ga’ar Got ngak, “Fithingam e Jakob, machane chiney i yan ngaram e Israel.” Ma aram me tunguy Got fithingan ni Israel.

2 Samuel 12:25

me yog SOMOL ngak Nathan ni profet ni nge yan i tunguy Jedidiah ngak, ya ba t’uf rok SOMOL.

1 Kings 18:31

Me fek ragag nge l’agruw i malang, nra reb ma fan ngak fare ragag nge l’agruw i ganong ni yad e pi’in owchen Jakob, ni fare mo’on ni tunguy SOMOL Israel ngak.

2 Kings 17:34

Mus ko daba’ ma ka yad be rin’ e pi yalen ni kakrom rorad nem. Darir meybilgad ngak SOMOL ara ra folgad ko pi motochiyel nge ni ke tay SOMOL chiylen ngak e pi’in owchen Jakob, ni tunguy fithingan ni Israel.

1 Kronicles 1:34

Me Isaak nib mo’on ni fak Abraham e l’agruw e pumo’on ni fak, ni Esau nge Jakob.

Proverbs 16:7

Nap’an ga ra fel’ u wan’ SOMOL, ma rayag ni ngam pingeg e pi to’ogor rom ngar manged fager rom.

Isaiah 43:1

Israel, i SOMOL ni ir e sunumiyem e be ga’ar, “Dab mu rus, ya bay gu yoror rom. Kug pining fithingam, ya mmil suwom ngog.

Isaiah 65:15

Ma girdi’ rog ni kug mel’eg e bay u rogned fithngamed nib yabo’. I Gag, fare SOMOL ni Th’abi Tolang, e bay gu thang e pogofan romed. Machane bay gu pi’ reb e ngachal nib be’ech ngak e pi’in yad ma fol rog.

Numbers 13:16

Irera’ e pi girdi’en e damit ni l’ograd Moses ni ngar lekged fare nam. Me thilyeg fithingan Hoshea nib mo’on ni fak Nun nge tunguy Joshua ngak.

John 1:42

Ma aram me fek Simon i yib ngak Jesus. Me changar Jesus ngak me ga’ar ngak, “I gur Simon, ni fak John gur. Nge par fithingam ni Kefas.” (Re ngachal ney e ta’reb rogon fan ko fare ngachal ni Peter.)

Revelation 2:17

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Fare manna nib mith e bay gu pi’ boch ngak e pi’in yad ra gel ndar paged yad ko kireb; ma ku bayi bagayad mu gu pi’ bangi malang nib wech ngak, ni kan yoloy reb e ngachal nib be’ech nga daken, ndariy be’ ni manang e binem e ngachal ya kemus ni en ni kan pi’ ngak e manang.”

1 Samuel 26:25

Me ga’ar Saul ngak David, “Fakag, nge fal’eg Got wa’athmed! Gubin e pin’en ni bay mu rin’ ma bay yan i aw ni bfel’ rogon!” Ma aram me yan David, me sul Saul nga tabnaw rok.