Genesis 32:16 - Bible Ni Thothup

¹⁶ Mra ba ran’ e pi gamanman nem me pag fan ngak reb e tapigpig rok, me ga’ar ngorad, “Mfeked e pi gamanman ney ngam mon’od rog, mi gimed tay thilin e yu ran’ i gamanman ney ni nge m’on ba ran’ me lay ba ran’.”

Genesis 32:16 Iomraidhean Croise

Genesis 32:15

ma guyey e kamel ni bay pifakrad ni yad be tathuthnag, ma aningeg i ragag e garbaw ni ppin ma ragag e garbaw ni pumo’on, ma rliw’ e dongki ni ppin ma ragag e dongki ni pumo’on.

Genesis 32:17

Me ga’ar ngak e bin ni nge m’on e tapigpig, “Fa’anra mada’ nigem walageg i Esau me fithem ni ga’ar, ‘I mini’ e masta rom? Mu uw e ga be sor ngay? Mini’ e fak e pi gamanman nir ni bay nga m’on rom?’

Genesis 32:20

Thangri lungumed ngak, ‘Tapigpig rom i Jakob e be yib ni be lekmad.’” I ga’ar Jakob u wan’, “Tow’ath rok ni kug pi’ ke m’on rog e ra fal’eg laniyan’, ma nap’an ni gamow ra mada’, ma dabisiy nra n’ag fan u wan’ e kireb ni gu rin’ ngak.”

Psalms 112:5

Ba felfelan’ e en nib gol ko tin ma pi’ ni ku yira fulweg ngak, en nib yul’yul’ u rogon nma siyobay.

Proverbs 2:11

Nangan’ rom nge tamilangan’ e ra yororiyem

Isaiah 28:26

Manang rogon ni nge rin’ e maruwel rok, ni bochan e ke fil Got rogon ngak.

Matthew 10:16

“Mu telmed ngog! Nggu l’oegmed ngam marod ni bod e saf ni nge yan nga fithik’ ba ran’ i wolf. Thingar mu ayuwgad ni bod rogon e porchoyog mi gimed munguy ni bod rogon e bulogol.

1 Samuel 25:19

Ma aram me ga’ar ngak e pi tapigpig, “Mmarod mm’onad ma bay ug lekmed.” Machane de yog ban’en ngak figirngin.