Genesis 30:22 - Bible Ni Thothup

²² Me leamnag Got Rachel; me ayuweg nge diyen, ni aram e ke fulweg taban e meybil rok.

Genesis 30:22 Iomraidhean Croise

Genesis 25:21

Ma de diyen le’engin Isak, ma aram me meybil Isak ngak SOMOL ni fan ngak le’engin. Me diyen Rebekah, ni aram taban e meybil rok Isak nike fulweg SOMOL.

Genesis 29:31

Ma fa’ani guy SOMOL ni gathi rib adag Jakob Leah, me ayuweg ngi i diyen rok Jakob, me par Rachel nde yog ni nge diyen.

Genesis 30:2

Me puwan’ Jakob ngak Rachel ni ga’ar, “Dabiyag ni nggu wan nga luwan Got. Ir e en ni be tem ndamur diyen.”

Genesis 30:21

Me tomur me gargeleg bochi pin, me tunguy fithingan ni Dinah.

Genesis 35:24

Ma pagel ni fak Rachel e Josef nge Benjamin.

Genesis 8:1

Machane depag Got tilin Noah nge urngin e gamanman ni malboch nge gamanman nib mongmor ni bay rok Noah u lan fare barkow; ma aram me pi’ e nifeng nge thow u daken e fayleng, me sul fare ran i yan nga but’.

Psalms 105:42

Thin rok nib thothup ni micheg ngak Abraham ni tapigpig rok e de pag talin.

Psalms 113:9

I tolangnag be’ ni bpin ni dariy fak u lan e tabnaw rok, me felfelan’nag fare pin ko bitir ni pi’ ngak. Ke sorok SOMOL!

Psalms 127:3

Bitir e ba tow’ath nma pi’ SOMOL; yad e bin riyul’ e tow’ath.