Genesis 28:11 - Bible Ni Thothup

¹¹ Me taw nga bangi n’en me par riy, ya ke aw e yal’. Me pag ir nga but’ nge teyey’ ngab malang.

Genesis 28:11 Iomraidhean Croise

Genesis 15:12

Ma nap’an ni be yan ni nge aw e yal’, me mol Abram, me yib e tamdag ngak nib gel.

Genesis 28:18

Me od Jakob nri kakadbul. Me fek fare malang ni teyey’ ngay nge suwonnag ni nge mang malang ko puguran. Me pu’og e gapgep nga daken fare malang me pining e magaer ngak Got.

Genesis 28:19

Me tunguy fithingan e gin’em ni Bethel. (Re binaw nem e immoy fithingan ni Luz ko som’on.)

Genesis 31:46

Me yog ko tirok e girdi’ ni ngar kunyed boch e malang ngar ubunguyed ngalang. Ma aram miyad abich u to’oben fa ulung i malang.

Matthew 8:20

Me fulweg Jesus ngak ni ga’ar, “Gamanman ni fox e bay e low ni taferad, ma arche’ e bay taferad ni kar toyed, machane en ni Fak e Girdi’ e dariy bang ni nge pag ir riy nga but’ nge toffan.”

2 Korinth 1:5

Ni bod rogon ni bay e f’oth rodad ko pi gafgow ni tay Kristus, ere ku errogon nu daken Kristus e ra yib e ayuw riy ngodad ni ba ga’ ni birodad e f’oth.