Genesis 27:28 - Bible Ni Thothup

²⁸ I Got e nge pi’ e wa’angachal nu tharmiy ngom, me yong’olnag e milay’ rom, me pi’ ngom e grain nge wayin ni pire’.

Genesis 27:28 Iomraidhean Croise

Genesis 27:37

Me ga’ar Isak ngak Esau, “Kug mu’ i yibilay ni nge par ni ir e masta rom, ma kug yibilay ni urngin e tirok e girdi’ ni ngar pired ni tapigpig rok. Ma kug yibilay ni nge yag e grain nge wayin ngak. Ere be mang e kabay ni gu ra pi’ ngom, i gur fakag?”

Genesis 27:39

Me ga’ar Isak ngak: “Dabi yib e wa’angachal u tharmiy ni fan ngom, Ma dariy bang e flang rom nib yong’ol.

Genesis 45:18

Ngar feked e chitamangirad nge girdi’ nu tabinaw rorad ngarbad ngaray. Ma bay gu pi’ ngorad e gin nth’abi fel’ e but’ u lan yu Egypt, ngu’ur abichgad miyad be felfelan’ ko tin be tugil riy.

Genesis 49:20

“Ma girok Asher e binaw e bay yib e ggan riy ni pire’. Ggan nra pi’ e rayag ni nge kay ba pilung.

Genesis 49:25

Ayuw nma yib ngom e yib rok fare Got Nma liyor e chitamam ngak, Ni yib rok Got Th’abi Gel Gelngin. Got e bayi fal’eg wa’atham ko n’uw nge yupa’ i lul’ u but’ Bayi fal’eg wa’atham Nge yo’ornag e pi’in owchem.

2 Samuel 1:21

“Manga yigi siy i aw e n’uw ara wa’angachal nga daken e yungi ted nu Gilboa; manga yigi par daken e ted riy ndab ki tugul ban’en riy. Ya fapi shield ni fen fapi salthaw nib falu’ ko mael e ke par u daken e but’ u rom ni kem’ay fan, fa gi shield rok Saul e daknir gapgepnag.

1 Kings 17:1

Elijah ni fare profet ni be’ u Tishbe u lan yu Gilead e ga’ar ngak Ahab ni Pilung nu Israel, “U fithingan SOMOL ni fare Got nu Israel ni be par nib fos, ni gag e tapigpig rok, e nggog ngom ni bayi par ndakuriy e wa’angachal nge n’uw u lan l’agruw fa dalip e duw, nge mada’ ko ngiyal’ ni bay fin gog.”

1 Kings 5:11

ra reb e duw me pi’ Solomon ngak Hiram 100,000 e barril e wheat nge 110,000 e gallon e gapgep ko olive.

2 Kronicles 2:10

Bay gu pi’ ra’ay e bbiyu’ e barril e wheat, nge 100,000 e barril e barley, nge 110,000 e gallon e wayin, nge ra’ay nge ragag e bbiyu’ e gallon e gapgep ni olive ni fan ngak e pumo’on rom ni girdi’en e dimow ren.”

Psalms 104:15

nge yib e wayin riy ni nge felfelan’ nagmad, nge gepgep ni olive ni nggu felan’gad ngay, nge flowa ni nge pi’ gelnginmad.

Psalms 133:3

Bod e wa’angchal u daken e Burey ni Hermon, ni be mul nga daken e burey nu Zion. Ya ireram e gin ke micheg SOMOL e tow’ath rok riy — ni yafos ndariy n’umngin nap’an.

Psalms 36:8

Gamad be mur ko ggan ni yo’or ni ga be pi’; ka mu pagmad gamad be garbad ko fare lul’ ni aram fel’ngim ni be map’.

Proverbs 19:12

Damumuw ko pilung e bod e tolul rok ba layon, machane ra felan’ ma bod e waangchol u daken ran’ e pan.

Proverbs 3:20

Gonop rok e k’aring e pi lul’ nge yan nlul’ nge manileng ni nge pi’ e n’uw nga fayleng.

Isaiah 45:8

Bay gu pi’ e gel nge mat’aw nge map’ u lang nga but’ ni bod e n’uw; bayi mab e but’ nge fek, me yib wom’ngin ni puf rogon nge mat’aw. I Gag SOMOL e bay gu gagiyeg nge yodoro’.”

Jeremiah 14:22

Dariy reb fapi liyos ko pi nam nrayag ni nge gagiyegnag nge aw e n’uw; lanelang ni go’ ir rok, e dabyag ni nge gagiyegnag nge aw e n’uw. SOMOL, ni Got romad, ku gu pired ni gur e ke l’agan’mad ngom, ya gur e ga be rin’ e pin’ey.

Joel 2:19

Me fulweg ngorad ni ga’ar, ’Chiney e aram e nggu pi’ ngomed e grain nge wayin nge gapgep ni olive, ngam chum’er gad riy. Ma yugu boch e nam e gathi bay kur fananikayed gimed.

Mikah 5:7

Girdi’ nu Israel nra magachgad ni dar m’ad e bay ra boded e wa’angachal niki kakling bayay ni SOMOL e ke l’oeg ni fan nga bokum e nam, ni bod e n’uw nga daken e woldug ni be ilal. Bay ra toergad ngak Got ma gathi girdi’.

Zekariah 8:12

Bay ra yunged e woldug rorad u fithik’ e gapas. Yuke grape rorad e bay yib wom’ngin, me tugul e woldug u but’, ma bayi yo’or yang e n’uw ni ngi i aw. Gubin e pi tow’ath ney e bay gu pi’ ngak girdi’en fare nam rog nra magachgad ni yad bfos.

Zekariah 9:17

Uw feni fel’ nge feni fel’usun e re but’ nem ni bayi par! Pi’in ni bfel’ yangren e yad ra gel mar ilalgad ko grain nge grape ni yad be kay.

Numbers 13:20

Mi gimed guy rogon ngam nanged ko ba yong’ol e but’ riy ma ba sug ko gek’iy fa danga’. Mi gimed athamgil ngam feked i yib ngaray boch e wom’ngin e gek’iy ko re nam nem.” (Ngiyal’ i n’em e ke el wom’ngin e grape.)

Numbers 18:12

“Go’ kug pi’ ngom urngin e tin th’abi fel ko gapgep ni olive, nge wayin, nge grain, nge tin som’on i wom’ngin e woldug ni pi’ yu Israel ngog.

Roma 11:17

Boch i papa’ngin fare ke gek’iy ni olive nni yung e kan t’ar kan n’ag, ma kan fek pa’ngin ba kaen e gek’iy ni olive nda ni yung kan puthuy ngay. Ere gimed e pi’in gathi gimed piyu Israel e gimed bod e re ke gek’iy nem ni olive nda ni yung, chiney e kam gelngiyed gelngin piyu Israel nge tin ni bfel’ nike pi’ Got ngorad.

Deuteronomy 32:2

Machib rog e bayi aw ni bod e n’uw, me ngal’ ni wa’angachal u but’ ni kadbul. Thin rog e bayi aw ni bod e n’uw ni aw ko woldug ni ka fini tugul, ma bod e n’uw ni be sa’aw’aw nga ran’ e pan ni kab mererey.

Deuteronomy 33:13

Me yog murung’agen e ganong rok Josef ni ga’ar: “I SOMOL e ngi i fal’eg wa’athan e nam rorad ngi i pi’ e n’uw ngay, ma be pi’ e ran u tan e but’ nge yib ngay.

Deuteronomy 33:28

Pi’in owchen Jakob e ma par u fithik’ e gapas, ni dariy ban’en nra buch rorad u lan fare nam nib sug ko grain nge wayin, ni wa’angachal nma mul u lang e ma tarannag e but’ riy.

Deuteronomy 7:13

Bay mu pired ni gimed ba t’uf rok mi i fal’eg wa’athmed, ma be yo’ornagmed, ma be yo’or pifakmed; me fal’eg rogon e woldug romed nge yib e ggan ngay ni pire’, ni grain nge wayin nge gapgep ni olive, me pi’ e garbaw nge saf ngomed ni pire’. Bayi pi’ ngomed urngin e pi fel’ rogon ney u lan e re nam nem ni micheg ngak pi chitamangimed ni kakrom ni bayi pi’ ngomed.

Hebrews 11:20

Michan’ rok Isak ngak Got e pow’iy Isak nge yibilay Jakob nge Esau ni nge fel’ wa’athrow.

Joshua 5:6

Ya girdi’ nu Israel e uranod u daken e gi ted nem ni aningeg i ragag e duw. Nap’an ni taw ko ngiyal’nem ma urngin e pumo’on nike taw nga yangarrad ni ngar uned ko mael nra chuwgad u Egypt e karm’ad ya dar folgad ko tin ni yog SOMOL. Ya yog ngorad ndabi pagrad ngar guyed fare nam ni bfel’ rogon ma ba yong’ol e but’ riy ni fa’ani micheg ngak pi chitamangirad nra pi’ ngorad.