Genesis 27:1 - Bible Ni Thothup

¹ Ma ke pilibthir Isak, nike malmit. Me l’oeg e thin nge yan ngak Esau ni bin nib ilal ko fa gali pagel ni fak, me yib me ga’ar ngak, “Fakag!” Me fulweg ni ga’ar, “Gub aray.”

Genesis 27:1 Iomraidhean Croise

Genesis 25:33

Me ga’ar Jakob, “Som’on e ngamog ngog u p’eowchen Got ni ngam pi’ ngog mat’awum.” Ma aram me yog Esau u p’eowchen Got ngak Jakob nike pi’ ngak mat’wun ni bay rok ni fan e ir e nganni’, ni aram e ke pi’ ni puluwon fapi ggan.

Genesis 48:10

Ma gathi ri ka be guy Israel ban’en ni bochan yangren. Me fek Josef fa gali pagel i yib ngak, me gumuchmuch nga bilel’ugunrow nge faray owcherow.

1 Kings 14:4

Ma aram me yan fare pin nga tabnaw rok Ahijah u Shiloh. Ma ke malmit Ahijah ya kari pilbithir.

Eklesiastes 12:3

Ma pa’am ni i yoror rom e bayi par ni be t’on, ma ayim nib gel e chiney e bayi par nike waer. Nguwelem e bayi par nri ka in nike mo’maw’ rogon ni ngam yeng e ggan ngay, ma ke bo’gol e changar rom.

John 9:3

Me fulweg Jesus ni ga’ar, “Malmit nike tay e dariy rogon ko denen rok ara denen rok e gallibthir rok. Ke malmit ya nge yag ni ngan guy gelngin Got ni nge maruwel u fithik’ i downgin.

Deuteronomy 34:7

Moses e 120 e duw rok ko ngiyal’ ni yim’, ni kayigu chirogon gelngin ma kab m’uth owchen.

1 Samuel 3:2

Mi Eli e ngiyal’nem e ke chugur ni nge dabki guy ban’en, me reb e nep’ ni be mol u lan e singgil rok;