Genesis 26:8 - Bible Ni Thothup

⁸ Nap’an nike par Isak u rom ke n’uw nap’an boch, me reb e rran me sap Abimelek ni Pilung u winda rok nga but’ me guy Isak nge Rebekah ni yow be ngongol ni rogon e mabgol.

Genesis 26:8 Iomraidhean Croise

Genesis 26:7

Ma nap’an ni fith e pi pumo’on nu rom murung’agen e bpin rok, me yog ni re bpin nem e walagen. De yog ni iraram le’engin ya be rus nri cheal e pi pumo’on nem ngar li’ed ngar feked Rebekah, ni le’engin nrib pidorang.

Genesis 26:9

Me mulwol Abimelek ni nge yan Isak i guy me ga’ar ngak, “Ere iraram le’engim! Mangfan ni mog ni ireram walagem?” Me fulweg Isak ni ga’ar, “Gu leamnag ni yira thang e fan rog ni fa’anra gog ni ir le’engig.”

Proverbs 7:6

Bay ba ngiyal’ ni ku gu par u naun rog gu be changar u langan e winda nga wean,

Eklesiastes 9:9

Ngu’um par nib felan’um ko fare pin nib t’uf rom, u n’umngin nap’an e re yafos ney ni dariy gam’ingin ko gin’en nike pi’ Got ngom u roy u fayleng. Mu felfelan’ u gubin e rran ni dariy gam’ingin, ni bochane kemus e n’en rayag ngom ni puluwon gubin e magaer rom.

Tang Ko Pitang 2:9

Adag rog e bod e gazelle, fa deer ni kabbitir. Ba’aram nib sak’iy u charen e rungrung. Ni be changar u winda nga naun me damit u thilin e sagel.

Isaiah 62:5

Bod rogon be’ nib pagel ni fek ba rugod ni dawori nang e pumo’on nge le’engiy, Cha’ ni chamiyem e ra figirngiyem. Bod ba pumo’on nma felfelan’ nga le’engin, e aram rogon e Got rom nra felan’ ngom.

Judges 5:28

Me changar e chitiningin Sisera nga wean u thilin e sagal ko winda; me ga’ar, “Mangfan nike pag nap’an ni nge yib e chariot rok? “Mangfan nike sag’al e pi os rok ko sul?