Genesis 26:22 - Bible Ni Thothup

²² Me chuw u rom nge yan i ker reb e luwed. Madakun malu’agthin ni bochan e binem, ere tunguy fithngan ni “Pufmat’won.” Me ga’ar, “Chiney e ke pi’ SOMOL mat’awdad ni ngad pired ko giney, ni irera’ e re gi binaw ni bayi fel’ rogdad riy i yan.

Genesis 26:22 Iomraidhean Croise

Genesis 17:6

Bay gu pi’ owchem ni pire’ ma boch i yad e bay ra pilunggad. Bayib owchem ni pire’ ni pire’ ngar manged girdi’en boch e nam.

Genesis 26:21

Miki fu’og e pi tapigpig rok Isak reb e luwed. Mukun tugthin ni bochan e binem e luwed, miki tunguy Isak fithngan ni “Togopluw.”

Genesis 28:3

I Got ni Gubin ma Rayag Rok e nge fal’eg wa’atham ko mabgol rom nge pi’ ngom e bitir ni pire’, ngam mang chitamngin bo’or e nam.

Genesis 41:52

Miki ga’ar, “Re nam ni kug pir’eg e gafgow riy, e ir e ke pi’ Got e bitir ngog riy”; ma aram me tunguy fithingan e bin l’agruw e pagel ni fan ni Efraim.

Psalms 118:5

U fithik’ e ngochngochan’ rog mu gu pining SOMOL, me fulweg lungug nge chuwegeg u fithik’.

Psalms 119:32

Rug ra fol ko tin kam ta’chiylen nib pasigan’ug ngay, ni bochan e bay mu gelnag e tamilngan’ rog.

Psalms 18:19

Me ayuwegneg ngug chuw u fithik’ e riya’; i ayuwegneg ni bochan e ba felan’ ngog.

Psalms 4:1

Mu fulweg taban e meybil rog, A Got, ni gur e rungrung rog! Nap’an ni ug moy u fithik’ e oloboch, ma gur e mu aywegeg. Mu gol ngog e chiney ma ga rung’ag e meybil rog.

Exodus 1:7

ma pi’in owcharad ni piyu Israel, e ke yo’or pifakrad, ma aram mra yo’or ra yo’orgad ngar pired ni yad ba gel ma kar yo’orgad u daken e nam nu Egypt.

Isaiah 54:2

Mu ga’nag e tent ni ga be par u langgin! Mu n’uwnag gafan ma ga gelnag richiben u but’!

Isaiah 54:3

Bay mu ga’nag e mathil rom u gubin yang; girdi’ rom e bay ra sulweged fare but’ ni girdi’ nu yug boch e nam e be par riy. Pi binaw ni kann’ag e chiney e bayi sug ko girdi’.