Genesis 25:23 - Bible Ni Thothup

²³ Me ga’ar SOMOL ngak fare pin, “L’agruw e nam ni bay u yal rom, ni gal raba’ i girdi’ nem ni bay mu gargeleg e bay ur tagenginggow ngorow; bagayow e bayi par nib gel ngak bagayow, ma en nib ilal e bayi par ni ir e tapigpig rok e en nib bitir.”

Genesis 25:23 Iomraidhean Croise

Genesis 17:16

Bay gu fal’eg wa’athan nge gargeleg bochi pagel ni fakam. Bay gu fal’eg wa’athan nge mang chitiningin bo’or e nam, ma pi’in ni bayra bad ni owchen e bay boch i yad ni bayi mang pilung.”

Genesis 17:4

“Ba’aray fare m’ag ni bay gu tay u thildow: nggog ngom ni gur e bayi mmang chitamngin bo’or e nam.

Genesis 24:60

Miyad yibilay Rebekah ni lungurad, “I gur walagmad e ngam mang chitiningin bo’or e biyu’ e girdi’. Ma pi’in ni owchem e ngar gelgad ngak e pi to’ogor rorad ngar feked e pi binaw rorad.”

Genesis 25:24

Me taw nga nap’an ni nge gargel, me gargeleg l’agruw i athlog.

Genesis 25:27

Me ilal fa gali pagel, me par Esau ni ir be’ nib cheag ko mokol gamanman, ni be’ ni ba’adag e yan u daken e flang i yan, machane Jakob e be’ nder ma non ma yug ma par u tabinaw.

Genesis 27:29

Ma pi nam e ngar manged tapigpig rom, ma girdi’en e pi nam e ngu’ur siro’gad ngom. Ma ga par ni gur e masta rok e girdi’ rom, mi i siro’ ngom e pi’in ni owchen e chitinam. Ma pi’in yad ra yibilayem ni nge buch wa’atham, e nge buch wa’athrad, ma pi’in yad ra yibilayem ni nge fel’ wa’atham, e nge fel’ wa’athrad.”

Genesis 27:33

Ma aram me t’on Isak nreb me fith ni ga’ar, “I mini’ fa’anem nike li’ ba gamanman ke ngongliy rogon ke fek i yib ngog ni nggu way? Ya ka fini gu mu’ i kay ma kam taw. Ere kug yibilay, ma ke par riy ni aram rogon ndariy n’umngin nap’an.”

Genesis 27:37

Me ga’ar Isak ngak Esau, “Kug mu’ i yibilay ni nge par ni ir e masta rom, ma kug yibilay ni urngin e tirok e girdi’ ni ngar pired ni tapigpig rok. Ma kug yibilay ni nge yag e grain nge wayin ngak. Ere be mang e kabay ni gu ra pi’ ngom, i gur fakag?”

Genesis 27:40

Saydon rom e bayi pi’ e ggan ngom, ma bay mu par ni gur e tapigpig rok walagem. Machane ga ra togopluw ngak, ma ga par ndabki gagiyeg nigem.”

Genesis 32:6

Ma fa’ani sul fa pi’in ni l’oegrad Jakob, me lungurad, “Kug warod ngak walagem i Esau, ere be yib ni ngam mada’gow. Ma 400 e pumo’on ni yad be yib.”

Genesis 33:3

Me m’on Jakob rorad me siro’ ni dalip yay me mada’ ngak fare pumo’on ni walagen.

Genesis 36:31

U m’on ni daworisum reb e pilung ni nge yog e thin u lan yu Israel, ma ba’aray e pi pilung ni ur gagiyeg niged e binaw nu Edom: Bala nib pagel ni fak Beor ko binaw nu Dinhabah Jobab nib pagel ni fak Zerah ko binaw nu Bozrah Husham ko nug nu Teman Hadad nib pagel ni fak Bedad ko binaw nu Avith (i gel rok pi Midanite ko mael u lan e nam nu Moab) Samlah ko binaw nu Masrekah Shaul ko binaw nu Rehoboth-u daken-fare Lul’ Baal Hanan nib pagel ni fak Achbor Hadad ko binaw nu Pau (le’engin e Mehetabel, ni be’ ni bpin ni fak Matred ma tutuw rok Mezahab)

Genesis 48:19

Me siyeg e chitamngin ni ga’ar, “Fakag, gu manang, gu manang. Pi’in ni bay yib ni owchen Manasseh e ku er rogorad ni bay ra manged girdi’en reb e nam ni ba ga’. Machane bin ni walagen nib bitir ngak e bayi par ni kab ga’ rok, ma pi’in ni bay yib ni owchen e bay ra manged girdi’en boch e nam nib ga’.”

2 Samuel 8:14

Me n’uf e pi tent ko salthaw u lan yu Edom, ma girdi’ u rom e ra pired nga tan pa’ David. Me tay SOMOL David ngi i gel u gubin yang.

1 Kings 22:47

Ma fare nam nu Edom e dariy e pilung riy; me duwgiliy fare pilung nu Judah be’ ni ngi i gagiyeg u rom.

1 Kronicles 18:13

Me n’uf e pi tent ko salthaw u lan yu Edom i yan, me par e girdi’ nu rom nga tan pa’ David ni Pilung. I SOMOL e gagiyegnag David nge gel u gubin yang.

Obadiah 1:21

Pumo’on ni falu’ nu Jerusalem e bay ra cham gad nga Edom ngar gagiyeg niged. Ma SOMOL e ir e bayi pilung.”

Numbers 20:14

Me pi’ Moses e pi mol’og u Kadesh ngranod ko pilung nu Edom nge lungrad ngak, “Ba’aray e thin nike yib rok pi walagem ni fapi ganong nu Israel. Ga manang urngin e gafgow ni kug ted,

Deuteronomy 2:4

Me yog ngog ni nggu pi’ e pi motochiyel ney ngomed: ‘Aram e ke chugur ni ngam th’abed fa yungi ted ni go’ burey ko fare nam nu Edom, fa gin’en ni tafen boch e girdi’ romed nike palog, ni aram e pi’in owchen Esau. Bay ra rusgad ngomed,

Deuteronomy 2:8

“Ma aram ma gadad chuw ko fare pa’ i kanawo’ ni yan ko fa galoch i binaw nu Elath nge Eziongeber ni yan ko Dead Sea, magdad cheal ko lel’och ni ngek ngad sorgad nga Moab.

1 Samuel 17:14

Mi David e th’abi bitir, fa dalip nem i walagen ni yad ba ilal ngak e nap’an ni yad bay rok Saul,