Genesis 24:30 - Bible Ni Thothup

³⁰ Ya ke gu’ fare luwew ni yima tay nga p’ethunguy, nge fa yu gaf i n’em u pa’ fare pin ni walagen, ma ke rung’ag nike weliy e tin nike yog fare mo’on ngak me yan ko fa gin nib sak’iy fare tapigpig rok Abraham riy u to’oben e kamel rok ko fare luwed.

Genesis 24:30 Iomraidhean Croise

Genesis 24:22

Fa’ani pi’ e ran ngak e kamel nge mu’, me fek fare mo’on ba luwaw nib gol nib tolang puluwon nge tay nga p’ethungun, nge l’agruw gaf i bachal ni gol ma baga’ nge yuy’ nga pa’.

Genesis 24:29

Me Laban, ni be’ nib mo’on ni walagen Rebekah e mil nga wean nge yan ko fare luwed ko gin ni bay fare mo’on riy.

Genesis 24:31

Me ga’ar, “Moy nga darow nga tabinaw. I gur be’ nike fal’eg SOMOL wa’atham. Mang ni kam sak’iy u wean, ya kug ngongliy tagil’im u naun, bay e gin ni ga ra par riy nge gin ni nge par e gamanman rom riy.”

Isaiah 3:19

nge tin nu rifrifen pa’rad. Ra chuweg e mad ni yad ma upnguy nga owcharad

Jeremiah 2:32

Gur rayag rok be’ ni bpin ni kab rugod ni nge pag talin e churwa’ rok nib tolang puluwon, ara pag be’ ni bpin ni nge mabgol talin e mad rok ko m’agpa’? Machane girdi’ rog e ka ra paged talig nike yo’or i yo’or e rran ndabiyag i the’eg.

Ezekiel 23:42

Senggil rorow e urngin ngiyal’ ma ke sug nga lungun e chingaw’ ni dakuriy yarmen ya bogi pumo’on nni fekrad u daken e ted. Pi pumo’on ney e ra yuy’ed e bachael nga pa’ fagal ppin mar te’eliyaw niged yow ko te’eliyaw nib gamog.

Judges 17:2

Me ga’ar ngak e chitiningin, “Nap’an nni iring be’ fa ragag nge ta’reb yang i silber rom, mag yibley e buch wa’athan nga daken e re moro’ro’ nem. Gu rung’ag ni mu rin’. Amsap, ba’aray fapi salpiy rog. I gag e cha’ ni gu fek.” Me ga’ar e chitiningin, “Nge fal’eg SOMOL wa’atham, i gur fakag!”