Genesis 24:28 - Bible Ni Thothup

²⁸ Me mil fare rugod i yan nga tafen e chitiningin nge weliy ngak urngin ban’en nike rin’.

Genesis 24:28 Iomraidhean Croise

Genesis 24:29

Me Laban, ni be’ nib mo’on ni walagen Rebekah e mil nga wean nge yan ko fare luwed ko gin ni bay fare mo’on riy.

Genesis 24:48

Mu gu ragbug nggu meybil ngak SOMOL, mu gu pining e sorok ngak, ni SOMOL ni ir fare Got ko masta rog i Abraham, ni ir e ke pow’iyeg nrib fel’ rogon i yib ngak be’ nib mo’on ni walagen e masta rog, ko gin ni kug pir’eg riy ba rugod ni fak ni nge le’ay fare pagel ni fak e masta rog.

Genesis 24:55

Me ga’ar e chitiningin Rebekah nge fare pumo’on ni walagen, “Mpag e re rugod ney nge par romad ta’reb e wik ara ragag e rran mfini un ngom.”

Genesis 24:67

Me fek Isak Rebekah i yan ngalan e tent ni i par Sarah ni chitiningin riy, ma aram me par Rebekah ni kemang le’engin Isak. Isak e rib t’uf Rebekah rok, aram me achig boch e kirban’ rok ngak e chitiningin nike yim’.

Genesis 29:12

Me weliy ngak Rachel ni ga’ar, “Fak Rebekah gag ma be’ rog e chitamam.” Me mil Rachel nge yan ni nge weliy ngak e chitamngin.

Genesis 31:33

Me yan Laban ngi i sapnag u lan e tent rok Jakob; nge mu’ me yan ngalan e tent rok Leah nge ngalan e tent rok la’ruw i sib ni ppin, ma de pir’eg fapi liyos ni got rok. Ma aram meyan ngalan e tent rom Rachel.