Genesis 24:10 - Bible Ni Thothup

¹⁰ Me fek fare tapigpig ragag e kamel ko masta rok nge tow’ath ni pire’ ni nge pi’ ni bogi n’en nib tolang puluwon, me yib i fal’eg rogon nge yan ko fare binaw rok Nahor ni bay u lan yu Mesopotamia.

Genesis 24:10 Iomraidhean Croise

Genesis 11:26

Ma nap’an nike pag medlip i ragag e duw rok Terah, min gargeleg boch e bitir ngak ni aram Abram, Nahor nge Haran.

Genesis 11:29

Me le’ay Abram Sarai, me le’ay Nahor Milkah, ni be’ ni bpin ni fak Haran, ni Haran e ir e chitamngin Iskah.

Genesis 11:31

Me fek Terah Abram ni be’ nib mo’on ni fak, nge tongin i Lot ni be’ nib mo’on ni fak Haran, miki fek Terah Sarai ni le’engin Abram ni fak me un ngorad ngar chuwgad ko re binaw nem nu Ur ni bay u lan e nam nu Babylonia, miyad yan ni ngranod ko nam nu Kanaan. Miyad mada’ nga Haran miyad par u rom,

Genesis 11:32

me yim’ Terah u rom nike gaman 205 e duw rok.

Genesis 22:20

Fa’ani ta’boch me nang Abraham ni Milkah e ke diyennag meruk e bitir ku Nahor ni walagen:

Genesis 24:2

I ga’ar Abraham ngak e bin th’abi ilal ko tapigpig rok ni ir e bmil fan urngin ban’en rok Abraham ngak, “Mu tay baraba’ i pa’am nga tan eg, ngam micheg bbugithin ngog u p’eowchen Got.

Genesis 24:22

Fa’ani pi’ e ran ngak e kamel nge mu’, me fek fare mo’on ba luwaw nib gol nib tolang puluwon nge tay nga p’ethungun, nge l’agruw gaf i bachal ni gol ma baga’ nge yuy’ nga pa’.

Genesis 24:53

Me fek e silber nge gol nge nunuw nib tolang puluwon, nge mad nge pi’ ngak Rebekah. Miki pi’ boch e tow’ath nib tolang puluwon ngak fare pumo’on ni walagen Rebekah nge ngak e chitiningin Rebekah.

Genesis 27:43

Fakag, mu rin’ e tin nggog. Mu fal’eg rogom ngam mil ngak walageg i Laban ni bay u Haran.

Genesis 29:1

Me ul ul Jakob ko milekag ni be tay ni be sor i yan ngalan e ngek.

Genesis 29:2

Me guy ba luwed u daken e ted ni bay dalip ran’ i saf ni kar pired nga but’ u to’oben. Yu ran’ i saf nem e yibe pi’ e ran ngorad ko re luwed nem, ni bay ba malang ni ba ga’ ni ka ni upunguy ngay.

1 Kronicles 19:6

Me nang Hanun ni Pilung nge piyu Ammon ni aram e yad e ka ra k’arnged David kemang to’ogor rorad, ma aram miyad pi’ gonap’an aningeg i ragag e ton e silber ni pulwon e chariot nge pi’in nge yannag ni bogi pumo’on u Mesopotamia ngu Maakah ngu Zobah ni l’agruw yang i nug nu Syria.

Acts 2:9

Ya da bad u Parthia, ngu Media, ngu Elam; ngu Mesopotamia, ngu Judea, ngu Kappadocia; ngu Pontus ngu Asia,

Deuteronomy 23:4

Ni bochan e pi girdi’ ney e dar pi’ed e ggan nge ran ngomed ko fare ngiyal’ i n’em ni gimed be yib i yib nga wuru’ yu Egypt. Ma ku bochan e ra pi’ed puluwon Balaam, nib mo’on ni fak Beor ni be’ ko fare binaw nu Pethor u Mesopotamia, ni nge bucheg wa’athmed.