Genesis 23:16 - Bible Ni Thothup

¹⁶ Me pining Abraham e kefel’ ngay, me thabthabelnag fare math’eg ni fa’an keyog Efron ke rung’ag fapi girdi’ — ni aningeg mir’ay yang e silber, nrogon ko thabthabel ni yima fanay ko falchuway’.

Genesis 23:16 Iomraidhean Croise

Genesis 23:15

“Siro’, gi but’ nem e aningeg mir’ay yang e silber puluwon — ma mang e binem nga thildow? Mu chubguliy le’engim riy.”

Genesis 43:21

Ma fa’an gu sulod ko gin ni gu pired riy e re nep’ nem, mra bagamad me pir’eg e salpiy rok ni bay u daken e grain u lan e birok e tutuw, ni urngin e salpiy romad nni fulweg nrogon tomalngin. Ere ba’aray romad ni kug fulweged.

Genesis 49:29

Me ga’ar Jakob ngorad, “Chiney e aram e nggu wan ngak e girdi’ rog ni karm’ad, marod mu k’eyged gag ngak e pi chitamag u lan fare yiy ni bay ko fa gi binaw rok Efron, ni ir reb e Hittite,

Genesis 50:13

ra feked i yan nga Kanaan, miyad k’eyag u lan fare yiy ni bay u Makpelah, ni bay ko ngek u Mamre, ni chuw’iy Abraham ni chagiy ko fa gi binaw ni pi’ Efron ngak, ni reb e Hittite, ni fan e ngu’un gum’eyag riy.

2 Samuel 14:26

Rib dub’ag piyan lolugen, mra reb e duw ma ri ta’ab yay nike th’ab, ya kayigi n’uw ma ke tomal. Ma yan i taw tomalngin ko lal e pawn nrogon ko thabthabel nike yog e en ni pilung ni ngan maruwel ngay.

2 Samuel 24:24

Machane me fulweg fare pilung, ni ga’ar, “Dangay, gu ra pi’ puluwon ngom. Dab gu pi’ ngak SOMOL ni Got rog e pi maligach ndariy puluwon ni gu pi’.” Me chuw’iy David fa gin yima n’ag keru’ e grain riy nge garbaw nga wugem yang i silber.

BABYOR NI JOB 28:15

Dabiyag i chuwi’iy ko silber nge gol.

Exodus 30:13

Gubin e girdi’ ni kan the’egrad e thingar ra pi’ed e salpiy ni oren ni kanog, ni bod tomalngin ni kan turguy ni ngan pi’. Gubin e girdi’ nthingar ra pi’ed e salpiy ni aram e kar og niged ngog.

Jeremiah 32:10

Mu gu sayin ngay mu gu pirdi’iy e pow rog ko babyor ni aram e mich riy, mi ni thabthabilnag e salpiy riy u daken e thabthabil.

Jeremiah 32:9

Gu chuw’iy fagi flang rok Hanamel mu gu thabthabilnag e salpiy ni nge yan ngak; me m’ug puluwon ni ragag nge medlip yang e silber.

Ezekiel 45:12

“Rogon e birom e malngin e ba’aray rogon: 20 e gerah=1 shekel 60 shekel=1 mina

Zekariah 11:12

Mug ga’ar ngorad, “Fa’anra m’ag u wun’med, migmed pi’ puluwog. Machane fa’anra dubmed, migmed tay romed.” Ma aram miyad pi’ guyey yang e silber ni puluwog.

Matthew 7:12

“Ere mu rin’ed ngak e girdi’ e tin ni gimed ba’adag ni ngar rin’ed ngomed; ireray fan fapi Motochiyel rok Moses nge tin i fil e pi profet ngak e girdi’.

Acts 7:16

Min chuweg e yil rorad u rom ngan fek i yib nga Shekem, ni aram e gin ntayrad riy ngalan ba malangen e yam’ ni chuw’iy Abraham rok e girdi’ nu Hamor ni pi’ e salpiy ngay.

Roma 13:8

Dab mu tay e malfith ngak be’ kemus nre malfith ni nge aw nga puluwmed e nge bigimed me t’uf bigimed rok. En nra t’uf e girdi’ rok e ke fol ko fare Motochiyel.

Filippi 4:8

Pi walageg ni girdi’en Kristus, n’en ni nggog ngomed u tungun e re gi babyor ney e ngam suguyed lanin’med ko fapi n’en ni bfel’, ni yira yog e fel’ ngay: ni n’en nriyul’, nge n’en nib yal’uw, ma bmat’aw, ma bmachalbog, ma bmanigil, nge tin ndariy thibngin.

1 Thessalonika 4:6

Dariy be’ nib mo’on ni nge ngongliy e kireb ngak be’ ni walagen ni girdi’en Kristus ara kirebnag mat’wun fa’anem ko re bugithin ney. Ma kugogned e re bugithin ney ngomed kafram, ma ri gamad be ta’chiylen ngomed nri ra gechignag Somol e pi’in yad be rin’ e pi kireb ney.