Genesis 22:8 - Bible Ni Thothup

⁸ Me fulweg Abraham ni ga’ar, “Fakag, i Got e bayi pi’.” Ma aram miyow yan ni yow be yan u but’.

Genesis 22:8 Iomraidhean Croise

Genesis 18:14

Gur bay ban’en nrib mo’maw’ u puluwon SOMOL? Bayi taw nga nap’an, ni aram e ke mereb e pul ma bay gu sul, ma aram e bayi gargel Sarah ni bochi pagel.”

Genesis 22:14

Me tunguy Abraham fithingan e gin’em ni “SOMOL e ma pi’.” I mus ko daba’ nma ga’ar e girdi’, “Ma pi’ SOMOL u daken e burey rok.”

Genesis 22:7

Me ga’ar Isak, “Chitamag!” Me fulweg ni ga’ar, “Fakag, be mang?” Me fith Isak ni ga’ar, “Kug guy ni bay e kol nge l’ud, machane bu uw e saf ni nge mang maligach?”

Genesis 22:9

Fa’an rtawgow ko fa gin’en ke weliy Got murung’agen ngak Abraham, me ubung Abraham ba altar riy, me gad e l’ud u daken ni bfel’ rogon. Me m’ag fare pagel ni fak nge tay nga daken fare altar, nike tay nga daken fapi l’ud.

2 Kings 2:6

Me ga’ar Elijah ngak Elisa, “Mpar u roy, ya ke l’ugeg SOMOL ni nggu wan ko lul’ ni Jordan.” Me fulweg Elisa ni ga’ar, “Rogon feni bmich’ ni gub yul’yul’ ngak SOMOL nge gur, e aram feni bmich ndab gu pagem.” Ma aram mi yow yan,

2 Kronicles 25:9

Me fith Amaziah fare profet ni ga’ar, “Me ere fapi silber ni aram urngin ni ku gu pi’ ni puluwrad e bayi di’in?” Me fulweg fare profet ni ga’ar, “I SOMOL e rayag rok ni nge pi’ boch ngom ni kab yo’or ko tinem!”

Matthew 19:26

Me changar Jesus ngorad me fulweg ngorad ni ga’ar, “Girdi’ e dabiyag rorad, machane Got e urngin ban’en mrayag rok.”

John 1:29

Me reb e rran riy me guy John Jesus ni be yib i yib ngak me ga’ar John, “Ba’aram fare Fak e Saf rok Got ni ir e nge chuweg e denen rok e girdi’ nu fayleng!

John 1:36

me guy Jesus ni be yan nib chugur ngorad. Me ga’ar John, “Ba’aram fare Fak e Saf rok Got!”

Revelation 13:8

Ma urngin e girdi’ ni yad be par u daken e fayleng ni bay ra siro’gad ngak ma yad be meybil ngak, ni aram e gubin e girdi’ ndawor ni yoloy fithingrad ko ngiyal’ ndawori sum e fayleng riy ngalan fare babyoren e pi’in ni kar fosgad, ni fare babyor nib mil suwon ngak fare Fak e Saf ni fa’an nli’ ngem’.

Revelation 5:12

miyad tang ni ba ga’ lamrad ni be lungurad: “Fare Fak e Saf nli’ ngem’ e bay rogon ni nge mil suwon urngin ban’en ngak, min pi’ e fla’ab ngak, nge gonop, nge gelngin, min tayfan, min gilnag buguwan, minog e sorok ngak!”

Revelation 5:6

Ma aram mu gguy ba Fak e Saf nike sak’iy nga lukngun fa gin’en ntagil’ Got nike cholngobiy fa aningeg i n’em ni yad ba fos nge fa pi’in pi’ilal. Re Fak e Saf nem e gowa ka’an li’ kem’. Ma medlip e gagey ni bay u lolugen ma medlip lan mit, ni ireram fa medlip i kan rok Got nnol’oegrad nga gubin yang u fayleng.

Revelation 7:14

Mu gu fulweg ngak ni lungug, “Da gu nang, i gur e ga manang.” Me ga’ar ngog, “Pi cha’nem e fapi girdi’ ni kar thapgad ngaray u fithik’ fare gafgow ni ba ga’ ntay ngorad. Kar luk niged e mad rorad kar wechwech niged nga racha’en fare Fak e Saf.