Genesis 21:8 - Bible Ni Thothup

⁸ Me ilal e re tir nem, ma chirofen nda kun duruw’iy ko thuth e ngongliy Abraham ba mur ni ba ga’.

Genesis 21:8 Iomraidhean Croise

Genesis 19:3

Machane me par Lot ngi i wenig ngorow, me munmun miyow un ngak ngranod nga tafen. Me lith Lot e flowa nge ngongliy rogon e ggan ni bfel’ ni nge kay fa gali pumo’on, miyow kay.

Genesis 21:7

Me ul ul ngay nge ga’ar, “I mini’ e susun e ra weliy ngak Abraham ni Sarah e bayi tathuthnag e bitir? Machane kug gargeleg bochi pagel ni fak ko ngiyal’ nike pilibthir Abraham.”

Genesis 21:9

Me reb e rran ni changar Sarah me guy Ishmael, ni fak Hagar ni fare Egyptian, ni yow be fefal Isak ni fak.

Genesis 26:30

Me fal’eg Isak bochi abich ni fan ngorad, miyad abich ma yad be garbad’.

Genesis 29:22

Ma aram me ngongliy Laban ba mur ni fan ko mabgol nge pining urngin e girdi’ ngay ko gin’em.

Genesis 40:20

Ma rofen ni gaman e dalip ngay, ma aram e rofen nike taw ko rran nni gargeleg Farao, me ngongliy Farao e mur ni fen urngin e pi tolang ni yad bay u tan pa’; me fek fa’anem nma pu’og e wayin nga kap rok i yib nga p’eowchen fapi tolang, nge fa’anem ni ir pilungen e lum flowa rok.

2 Samuel 3:20

Nap’an ni yib Abner gak David u Hebron nike un rriliw e pumo’on ngak, me pi’ David ba mur ni fan ngorad.

1 Kings 3:15

Me od Solomon me nang nike non Got ngak u malik’ay. Me yan nga Jerusalem nge yan i sak’iy nga m’on ko fare Kahol ko M’ag rok SOMOL me pi’ e maligach ni mo’oruf ngak SOMOL nge maligach nma gapaseg thilin Got nge girdi’. Me ngongliy ba mur ni fan ngak urngin e pi tolang ni bay u tan pa’.

Ester 1:3

Yan i man e dalip e duw ni i gagiyeg me pi’ ba madnom ni fen urngin e pi tayugang’ nge pi tolang ko am rok. Re madnom nem e immoy e pi tolang ko yu raba’ i salthaw nu Persia ngu Media riy, nge pi governor nge bogi pumo’on nib ga’ lungrad ko yungi nug nem.

Psalms 131:2

Ma kug gapas ma ke paslag lanin’ug. Bod bbitir nike paslag ni be unum e thuth ko chitiningin, ma ku aram rogon lanin’ug nike gapas.

Hosea 1:8

Ma nap’an ni chuguliy Gomer Det’uf nge pag e thuth, miki diyen bayay ngki gargeleg bochi pagel.

Judges 14:10

Me yan e chitamngin nga tafen fare rugod, me ngongliy Samson ba mur u rom. Ren’ey e ba yalen nma ngongliy e pi’in pagel.

Judges 14:12

Me ga’ar Samson ngorad, “Nggog ba salipow ngomed. Guyey yang e mad ni wech nge guyey wu’ e mad ni bfel’ ni gu ra pi’ ngomed ni fa’an gimed ra yog ngog fan u lan e re medlip i rran ney ni yibe madnomnag e mabgol riy.

1 Samuel 1:22

Machane de un Hannah ko yan. Ya ga’ar ngak figirngin, “Nap’an ni yugu ra pag e re tir ney e thuth mu gu fek ko naun rok SOMOL, ni aram e gin bayi par riy u n’umngin nap’an e yafos rok.”

1 Samuel 1:24

Ma nap’an ni pag fare tir e thuth, me fek nga Shiloh, me fek ba garbaw ni dalip e duw yangren nge un ngorad me fek nap’an rliw’ nge lal e pawn e flour nge ba tutuw ni keru’ e gamanman ni kan suguy ko wayin. Me fek Hannah fare tir ni aram rogon ni kab bitir, nge yan ko naun rok SOMOL u Shiloh.

1 Samuel 25:36

Me sul Abigail ngak Nabal, ni kabay u tabnaw ni be mur ni bod e mur ko pilung. Ma ke chingnag Nabal ma ke felfelan’, ere de yog Abigail ban’en ngak nge mada’ ko kakadbul.