Genesis 21:7 - Bible Ni Thothup

⁷ Me ul ul ngay nge ga’ar, “I mini’ e susun e ra weliy ngak Abraham ni Sarah e bayi tathuthnag e bitir? Machane kug gargeleg bochi pagel ni fak ko ngiyal’ nike pilibthir Abraham.”

Genesis 21:7 Iomraidhean Croise

Genesis 17:17

Me ragbug Abraham me yip’ owchen nga but’, machane me minmin ya fa’ani leamnag me ga’ar u wan’, “Gur ku rayag ni nge fakay be’ nib mo’on nike gaman 100 e duw yangren bbitir? Gur ku rayag ni nge gargeleg Sarah bbitir ni aram rogon nike mereb i ragag e duw yangren?”

Genesis 18:13

Me ga’ar SOMOL ngak Abraham, “Mangfan nike minmin Sarah ni be ga’ar, ‘Gur ku rayag ni gu diyennag bbitir ni ara’ rogon ni kari gu pilibthir?’

Genesis 21:8

Me ilal e re tir nem, ma chirofen nda kun duruw’iy ko thuth e ngongliy Abraham ba mur ni ba ga’.

1 Kings 11:20

Me diyennag bochi pagel ni fak Hadad ni Genubath fithingan, ni i chugliy fare pin ni pilung u lan fare naun ni tafen e pilung, aram e gin ni i par fachi pagel riy u fithik’ e pi’in pagel ni fak fare pilung.

1 Kings 3:21

Fa’ani kadbul ni gu od ni gu wan ni nggu tathuthnag e bitir rog, mu gu pir’eg nib yam’. Mu gu fal’eg i yaliy mu gguy ni gathi fa birog e bitir.”

Psalms 86:10

Ya gur e rib gel gelngim ma ga ma ngongliy e maang’ang; kemus ni go’ gur e Got.

Psalms 86:8

A Somol, dariy reb e got ni bod gur, ma dariy reb nike rin’ e n’en ni kam rin’.

Isaiah 49:21

Ma aram e bayi lungum ngom, I mini’ e ke gargeleg e pi bitir ney ni nggu fakay? I mul pifakag u pa’ag, mu gu par ndabkiyag ni gu diyen, nchuwegeg ko nam rog mi ni kalbus nigeg, ere mini’ e chuguliy e pi bitir ney? Ni pageg ngu’ug par ni go’ gag, ere uw e yib e pi bitir ney riy?”

Isaiah 66:8

Bay be’ ni ka e guy ara rung’ag ban’en ni arogon? Bay reb e nam ni yigi puw me sum u lan ta’reb e rran? Zion e dabki n’uw nap’an ni nge gafgow, u m’on ni ngan gergeleg fare nam.

Jeremiah 20:15

Ngan bucheg wa’athan e en ni yib i yog e thin ni felan’ e chitamag ngay ni fa’ani ga’ar ngak, “Bochi pagel! Ke yag ba pagel ngom!”

Numbers 23:23

Dariy ba mmotokan ara bmit e pig, Nra yib angin ko nam nu Israel. Chiney e bayi yog e girdi’ murung’agen yu Israel ni bayi lungurad, ‘Mu sapgad ko tin nike rin’ Got!’

Efesus 3:10

ni fan e nge taw ko ngiyal’ney mu daken e galesiya e nge nang e pi engel nu tharmiy ni yad ma yog e thin nge pi’in yad ma tay murung’agen ban’en u tharmiy feni gonop Got u urngin ban’en.

2 Thessalonika 1:10

ya re Rran ni ba’aram nra yib ni nge yog urngin e girdi’ rok e sorok ngak, me liyor urngin e girdi’ ngak nike michan’rad ngak, e ku errogon gimed ni gimed ra un nga fithik’rad, ni bochan e ke mich u wun’med e thin ni yib rok Got ni kug weliyed ngomed.