Genesis 21:30 - Bible Ni Thothup

³⁰ Me fulweg Abraham ngak ni ga’ar, “Nge fel’ u wun’um ya ngam fek e medlip i pifak e saf ney, ya ga ra rin’ ma aram e kam micheg ni gag e gu ker e re luwed ney.”

Genesis 21:30 Iomraidhean Croise

Genesis 21:28

Me fael Abraham medlip e saf u fithik’ e gamanman rok nga bang,

Genesis 21:29

me fith Abimelek ngak ni ga’ar, “Mangfan e medlip nir e saf ni kamfael nga bang?”

Genesis 26:15

Me’ere rsuguyed ko but’ lan gubin e luwed ni fa’ani ker e tapigpig rok Abraham nnap’an ni kabfos.

Genesis 26:18

Me tabab bayay i ker fapi luwed ni ba’ram nu’un ker nnap’an Abraham, ni fa’an ni suguy e Filistine langgin ko but’ u tomuren ni yim’ Abraham. Isak e tunguy fithingan fapi luwed ni wod rogon fithingan ni fa’ani tunguy e chitmangin.

Genesis 31:52

Re ulung i malang ney, nge fare war e nge par ni ngi i puguran fare tha’ u thildow. Dab guthum’ nga barba’ ni nggu cham ngom, ma dab mu th’um nga barba’ riy ni ngam cham ngog.

Joshua 24:27

Me ga’ar ngak urngin piyu Israel, “Mu sapgad ko re malang ney! Bay i par ni ir e mich ko tin kadogned. Ke rung’ag urngin e thin nike weliy SOMOL ngodad. Ere bay i par ni ir e mich nib togopluw ngomed, nge ta’med ni dab mu togopluwgad ngak e Got romed.”