Genesis 21:2 - Bible Ni Thothup

² me diyen me gargeleg bochi pagel ni fak Abraham nike pilibthir Abraham. Chi pagel nem e ni gargeleg ko fa ngiyal’ ni yog Got ni bay ni gargeleg riy.

Genesis 21:2 Iomraidhean Croise

Genesis 17:19

Machane me ga’ar Got, “Ga be oloboch; le’engim i Sarah e bayi gargeleg ba pagel ni fakam ma ngam tunguy fithingan ni Isak. Bay gu tay e m’ag rog u thilmow ngu thilin e pi’in owchen, ni bayi par nib m’ag ndabi math bi’id.

Genesis 17:21

Machane bay gu tay e m’ag rog u thilmow Isak ni fakam, ni bayi gargeleg Sarah ko re ngiyal’ i n’ey u lan e binem e duw.”

Genesis 18:10

Me ga’ar SOMOL, “Nggog ngom ni le’engim i Sarah e ka mereb e pul me gargeleg bochi pagel, ma aram e ngiyal’ ni bay gu sul ngaray.” Ma ke par Sarah u langan e mab ko tent u keru’ Abraham ni be motoyil.

Genesis 18:14

Gur bay ban’en nrib mo’maw’ u puluwon SOMOL? Bayi taw nga nap’an, ni aram e ke mereb e pul ma bay gu sul, ma aram e bayi gargel Sarah ni bochi pagel.”

Luke 1:36

Mu tafinaynag Elisabeth ni be’ rom. Kanog ndabkiyag ni nge fakay e bitir: machane chiney e nga nel’ e pul ir ko diyen, ni yugu aram rogon nike pilibthir.

Acts 7:8

Ma aram me weliy Got ngak Abraham rogon e maad’ad ni ngan tay ngak nge urngin e pi’in owchen, ni nge mang ba pow ko fare m’ag rok Got. Nap’an nni gargeleg Isak ma ta’reb e wik nga tomuren me maad’ad Abraham ngak; me maad’ad Isak ngak Jakob ni fak, me maad’ad Jakob ngak fare ragag nge l’agruw i pifak ni pi chitamngin piyu Israel.

Roma 9:9

Ya Got e micheg e pi thin ni ba’aray ni ga’ar: “Bay taw nga nap’an mu gu sul ma aram me gargeleg Sarah bochi pagel.”

Galatia 4:22

Be yog ni Abraham e l’agruw fak ni pumo’on, bagayow e be’ ni bpin nib sib e gargelnag, ma bagayow e be’ ni bpin nde sib e gargelnag.

Hebrews 11:11

Michan’ rok Abraham ngak Got e ir e ayuweg nge yag ni mang reb e matam ni yugu aram rogon nike pilibthir, ma ku errogon Sarah ndabkiyag ni nge diyen. I pagan’ Abraham ngak Got nra rin’ Got e tin keyog ni bay rin’ ngak Abraham.

Joshua 24:3

Gu fek e ga’ romed i Abraham u lan fare nam ni bay nga ba’nem e lul’ ni Eufrates mu gu pow’iy u lan e nam nu Kanaan ni ga’ngin. Mu gu pi’ ngak e pi’in owchen ni pire’. Gu pi’ Isak ngak,