Genesis 20:17 - Bible Ni Thothup

¹⁷ Ma aram me meybil Abraham ngak Got, me golnag Got Abimelek, nge bpin rok nge pi sib rok ni ppin, nge yag ni kur fakyed boch e bitir bayay,

Genesis 20:17 Iomraidhean Croise

Genesis 12:17

Me pi’ SOMOL e liliy nib gel nge yib ngak Farao nge girdi’ ni be par u tafen, ni bochan e ke fek Farao Sarai ke yan i tay nga tafen.

Genesis 20:7

Ere chiney, e ngam fulweg e re pin nir ko pumo’on rok. Ya re pumo’on nir e ba profet ma bayi meybil nigem ndab mum’. Fa’anra dab mu fulweg, ma nggog ngom ni gur nge girdi’ rom e gimed ra yim’.”

Genesis 29:31

Ma fa’ani guy SOMOL ni gathi rib adag Jakob Leah, me ayuweg ngi i diyen rok Jakob, me par Rachel nde yog ni nge diyen.

Ezra 6:10

Thingar ni rin’ ni aray rogon ya nge yag nra pi’ed e maligach ni bfel’ u wan’ fare Got nu tharmiy, miyad meybilnag e fel’wa’athan nga dakenag nge ngak pifakag ni pumo’on.

BABYOR NI JOB 42:8

Ere chiney e ngam feked medlip i garbaw ni pumo’on nge medlip i saf ni pumo’on i yib ngak Job ngan pi’ ni maligach romed. Ma bayi pi’ Job e meybil romed, mu gu fulweg taban e meybil rok, nge dab gu gechig nagmed ni rogon nsusun e nge aw ngomed. Ya da mu weliyed e tin riyul’ ni murung’ageg ni bod ni rin’ Job.”

Proverbs 15:29

Nap’an nra meybil e girdi’ ni bfel’ me motoyil SOMOL, machane ma sabalbalyang ko pi’in kireb.

Proverbs 15:8

Ma felan’ SOMOL ko ngiyal’ nra meybil e girdi’ ni bfel’, mma fanenikay e pi maligach nma pi’ e pi’in kireb ngak.

Isaiah 45:11

I SOMOL ni fare Got nib thothup nu Israel, ni en ni be gagiyegnag e tin ni bayib nga m’on e be ga’ar: “Dariy mat’awmed ni ngam fithedgag u murung’agen pifakag, ara mogned ngog e n’en nggu rin’!

Numbers 12:13

Me pag Moses laman ngalang nge yor ngak SOMOL ni be ga’ar, “Got, mu golnag Miriam!”

Numbers 21:7

Me yib e girdi’ ngak Moses me lungurad, “Kug denengad ya kug nonod nib togopluw ngak SOMOL nge gur. Mu meybil nagmad ngak SOMOL nge chuweg e pi porchoyog ney romad.” Ma aram me meybil Moses ni fan ko fapi girdi’.

Matthew 21:22

Fa’anra bmich Got u wun’med ma demturug e n’en ni gimed ra ning ngak ko meybil romed mrayag ngomed.”

Matthew 7:7

“Mu ninged, me yag ngomed; mu gayed mi gimed pir’eg; mu tugtuguyed e mab, min bing e mab ngomed.

Acts 3:24

Ma pi profet nib mu’un Samuel ngay nge tin nrabad nga tomuren, ni urngin e pi’in nra weliyed e thin rok Got ngak e girdi’, e ku ra weliyed murung’agen e tin daba’ e rran.

Filippi 4:6

Ma dariy ban’en ni nge magafan’med ngay, machane fa’an gimed ra meybil ngak Got mi gimed ning ngak e tin nge yag ngomed, ma gubin ngiyal’ ni ngu’um ninged ngak ni gimed be pining e magaer ngak u lanin’med.

1 Thessalonika 5:25

Pi walagmad ni girdi’en Kristus, ku um pi’ed e meybil romad.

James 5:16

Ere um weliyed ngomed e denen ni kam ngongliyed, me bigimed me pi’ e meybil rok bigimed ngak Got, nge yag ni gol nagmed Got. Meybil rok be’ nib mat’aw e bay angin ni ba ga’.