Genesis 2:9 - Bible Ni Thothup

⁹ Me gagiyegnag urngin mit e gek’iy nge tugul ni bfel’ ya’an ma be k’uf ni bfel’ wom’ngin. Ma lulukngun e re gi woldug nem e bay ba ke gek’iy riy nma pi’ e yafos, nge fare ke gek’iy nma tamilangnag an’uy ko tin ni bfel’ nge tin nib kireb.

Genesis 2:9 Iomraidhean Croise

Genesis 2:17

ma kemus ni fare ke gek’iy nma tamilangnag an’uy ko tin ni bfel’ nge tin kireb e dab mu koy. Thangri dab mu koy wom’ngin. Ya rofen ni ga ra kay e ga ra yim’.”

Genesis 3:22

Ma aram me ga’ar SOMOL ni Got, “Girdi’ e chiney e ke bod bagamad, ya kenang e n’en ni bfel’ nge n’en nib kireb. Thingar ri dab ni pag nge kay wom’ngin fare ke gek’iy nma pi’ e yafos, ya ra par ni dabki yim’.”

Genesis 3:24

Nga ba’ ni ngek ko fa gi woldug me tay e kerubim nge bangi saydon ni be daramram ni urngin yang ni be cheal ngay. Ran’ey e nge tay e girdi’ u urel nge dabi chugur be’ ko fare ke gek’iy nma pi’ e yafos.

Genesis 3:3

ma kemus ni fare ke gek’iy ni bay u lulukngun e gi woldug ney e dab gu wew wom’ngin. I ga’ar Got e dab gu wew wom’ngin e re ke gek’iy nem, ara gu mathgow ngay; ya fa’an gamow ra rin’, ma gamow ra yim’.”

Genesis 3:5

I yog Got e re bugithin nir ya manang ni gimew ra kay, mi gimew bod Got me tamilangan’mew ngam nangew e n’en ni bfel’ nge n’en nib kireb ni bod ir.”

Proverbs 11:30

Mat’aw e ma pi’ e yafos, machane ma’ngach e ma chuweg.

Proverbs 3:18

Pi’in nra ur pired ni yad ba gonop e yad ba felfelan’, ya gonop e ra pi’ e yafos ngorad, ni bod rogon ba ke gek’iy ni yug be k’uf.

Isaiah 44:25

Gu be gagiyegnag e pi tamanbay yad be non non ngabang, ma gu be ngochngochan’nag e pi’in yad ma yaliy e t’uf. Thin ko pi llowan’ e gu be dalibnag, be m’ug ni gonop rorad e bbalyang.

Isaiah 47:10

“I pagan’um ngom u fithik’ e kireb rom; um leamnag ni dariy be’ nrayag ni nge guyem. Gonop rom nge fanam llowan’ e ke waliyem nga wuru’ e wo’, mag ga’ar u wun’um, ‘I gag Got — dariy be’ ni bodeg.’

Ezekiel 31:16

Nap’an ni gu ra yin’ fare ke gek’iy nga’ar ko fayleng ko yam’, ma lingan nra aw nga but’ e ra rur e pi nam riy. Urngin e gek’iy nu Eden nge urngin e gek’iy ni bfel’ rogon e ran riy u Lebanon nike yan ko bin nu ar e fayleng, e ra felan’rad ngak ko mul nike tay.

Ezekiel 31:18

Fare ke gek’iy e aram fare pilung nu Egypt nge urngin e girdi’ rok. Dariy baken e gek’iy u Eden ni aram fani n’uw ni bfel’ ya’an. Ma chiney e ke bod ya’an e gek’iy nu Eden, bayi yan nga’ar ko fare fayleng ko yam’ nge cheag ko pi’in tadenen nge pi’in li’rad ko mael. I Gag e gu be non i Gag SOMOL ni Th’abi Tolang.”

Ezekiel 47:12

Ra barba’ e re lul’ nem ma gubin mit e gek’iy mra tugul riy nge pi’ e ggan. Yuwan e pi gek’iy nem e dariy e ngiyal’ nra mororay, ma dabital ko mak’uf. Pi gek’iy nem e ra i pi’ wom’ngin ni gubin e pul, ni bochan e be tarennag fare lul’ ni be yib ko Tempel. Fapi gek’iy e bayi k’uf wom’ngin ni ggan, ma yuwan e pi gek’iy nem e bay un fanay ni falay.”

John 6:48

I gag fare ggan nma pi’ e yafos.

1 Korinth 8:1

Nggu wan nga murung’agen e ggan nni pi’ ngak e liyos nma meybil boch e girdi’ ngay. Bmuduwgil nriyul’ ni “gadad gubin ma ba tamilangan’dad u murung’agen,” ni bod ni kanog. Machane mit i tamilangan’ nem e ma gelnag e ufanthin ko girdi’; machane rogon ni nge be’ me t’uf be’ rok e ra yib wenegan ni bfel’.

Deuteronomy 6:25

Fa’an gadad ra yul’yul’ ngu’ud folgad u gubin e tin keyog Got ngodad ni ngad rin’ed, ma gadad ra fel’ u wan’.’

Revelation 2:7

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Pi’in ni yad ra gel ndar paged yad ko kireb e bay gu pi’ mat’awrad ni ngar ked wom’ngin fare ke gek’iy ko yafos ni bay u Milay’ rok Got!”

Revelation 22:14

Nge felan’ e pi’in ni kar lukniged e mad rorad ke be’ech, ya bay mat’awrad ni ngar ked wom’ngin fare ke gek’iy ko yafos, miyad yan u langan fapi garog ngalan fare binaw.

Revelation 22:2

nge yan u lulukngun e kanawo’ ko fare binaw. Ma ra baraba’ fare lul’ ma bay e gek’iy ko yafos riy, ni ragag nge l’agruw yay nma k’uf u reb e duw, nra reb e pul ma ta’ab yay; ma yuwan e ma chuweg e liliy rok e pi nam.