Genesis 2:4 - Bible Ni Thothup

⁴ Ere ara’ rogon ni sunumeg Got e fayleng nge urngin ban’en ni bay u lanelang. Ngiyal’ ni sunumeg fare SOMOL ni Got e fayleng nge urngin ban’en ni bay u lanelang,

Genesis 2:4 Iomraidhean Croise

Genesis 1:1

Aram ko tabolngin ni tabab Got i sunmiy e fayleng nge urngin ban’en ni bay u lanelang,

Genesis 1:28

me tow’ath nagrow ko re bugithin ni ba’aray ni yog ni ga’ar, “Mu diyen gow nge yo’or pifakmew, nge wear e pi’in owchemew nga gubin yang u fayleng ngar pired riy miyad suwey. Nggu ta’mew ni gimew e ngam suweyew e nig, nge arche’, nge urngin e gamanman ni malboch, ni tin gagang’ nge tin b’achig.”

Genesis 1:3

Me non Got ni ga’ar, “Nge tamilang” — me tamilang.

Genesis 1:31

Me par Got nge guy urngin e n’en ke ngongliy ma rib fel’ u wan’. Me chuw e binem e nep’, me ni kadbul — ni aram e bin nel’ e rran.

Genesis 1:4

Me par nge guy ma bfel’ u wan’. Ma aram me ki’eg e tamilang rok e lumor;

Genesis 10:1

Ba’aray e pi cha’ ni owchen Shem, Ham, nge Jafeth ni pifak Noah ni pumo’on. Ra fakyed boch e bitir ni pumo’on u tomuren fare sugbur ni tharey e fayleng.

Genesis 11:10

Irera’ e picha’ ni owchen Shem. Nap’an ke yan l’agruw e duw nga tomuren nike tharey e ran e fayleng, ma 100 e duw rok Shem e ngiyal’n’em, min gargeleg bochi pagel ni fak ni Arpakshad.

Genesis 2:3

Me thothupnag e bin medlip e rran nge tay ni reb e rran nib thil nga urngin e rran, ni bochan e chirofen nem e lebguy e tin i sunumeg me tal ko maruwel.

Genesis 25:12

Ismael, ni fak Hagar nu Egypt ni sib rok Sarah, e ndiyennag rok Abraham,

Genesis 25:19

Irera’ murung’agen Isak ni fak Abraham.

Genesis 36:1

Ba’aray e pi’in owchen Esau, ni ku yima yog Edom ngak.

Genesis 36:9

Irera’ e pi’in owchen Esau, ni ku yad e chitamngin e Edomite.

Genesis 5:1

Irera’ fithingan e pi’in owchen Adam nni yoloy. (Nap’an ni sunmeg Got e girdi’, me ngongliyrad ni bod ya’an.

1 Kings 18:39

Fa’ani guy e girdi’ e ren’em miyad paraw nga but’ ma yad be non ni ba ga’ lamrad ni be lungurad, “I SOMOL e ir e Got; kemus ni SOMOL e ir e Got!”

2 Kronicles 20:6

me meybil nib ga’ laman ni ga’ar, “A SOMOL ni Got rok e pi chitamngimad, u tharmiy e ga bay riy ni ga be gagiyegnag gubin e nam u fayleng. Gur e ba gel gelngim ma ga ba gel, ni dariy be’ nrayag rok ni nge togopluw ngom.

BABYOR NI JOB 38:28

Gur bay e chitamngin e n’uw nge wa’angachal?

BABYOR NI JOB 38:4

Ummoy u uw ko ngiyal’ ni gu sunumeg e fayleng? Fa’anra er feni yo’or e tin ni ga manang, me’ere mu weliy nggu rung’ag.

Psalms 18:31

I SOMOL, ni kemus ni ir e Got; kemus ni Got e yoror rodad.

Psalms 86:10

Ya gur e rib gel gelngim ma ga ma ngongliy e maang’ang; kemus ni go’ gur e Got.

Exodus 15:3

I SOMOL e be’ ni girdi’en e mael; I SOMOL fithingan.

Exodus 6:16

I Levi e dalip e pagel ni fak ni aram e Gershon, Kohath, nge Merari; yad e chitamngin e yuke girdi’ nni tunguy fithingirad ngorad. Me Levi e par ni bfos nge gaman 137 e duw rok.

Isaiah 44:6

I SOMOL nma gagiyegnag yu Israel mma yoror rorad, ni SOMOL ni Gubin ma Rayag Rok e ba’aray e thin ni nge yog: “I Gag e tabolngin me Gag e tungun, kemus ni Gag e Got; dakuriy yugu reb e Got nga bang ya kemus ni Gag.

Revelation 1:4

Re babyor ney e yib rok John ni nge yan ngak fa medlip i galesiya ni bay ko nug nu Asia: I Got ni ir e bay e chiney, me ir e immoy, me ir e bay yib, nge fa medlip i kan ni bay u m’on ko gin ntagil’ Got e ngu’ur ayuweged gimed ma yad be pi’ e gapas nga lanin’med,

Revelation 1:8

Ke yog Somol ni ir Got ni Gubin ma Rayag Rok, ni ir e bay e chiney, me ir e immoy, me ir e bay yib ni ga’ar, “I gag fare Alfa nge fare Omega, ni aram e tabolngin nge tungun.”

Revelation 11:17

ni be lungurad: “Somol ni Got ni Gubin ma Rayag Rok, ni ir e en ni bay e chiney nge en ni ki immoy! Gamad be pining e magaer ngom ni fan e kam maruwel nga gelngim nib gel ni kam tabab ko gagiyeg!

Revelation 16:5

Mu gu rung’ag fare engel ni ir e bmil fan e ran ngak ni ga’ar, “Gab mat’aw ko pi gechig ney ni kam pi’, i gur e En ni Gab Thothup, ni gur e ga bay e chiney me gur e um moy!