Genesis 2:3 - Bible Ni Thothup

³ Me thothupnag e bin medlip e rran nge tay ni reb e rran nib thil nga urngin e rran, ni bochan e chirofen nem e lebguy e tin i sunumeg me tal ko maruwel.

Genesis 2:3 Iomraidhean Croise

Genesis 1:31

Me par Got nge guy urngin e n’en ke ngongliy ma rib fel’ u wan’. Me chuw e binem e nep’, me ni kadbul — ni aram e bin nel’ e rran.

Genesis 2:2

Ma chirofen ni gamen e medlip e rran ngay e mu’ Got ko tin i ngongliy, ma aram e chirofen ni tal ko maruwel.

Genesis 2:4

Ere ara’ rogon ni sunumeg Got e fayleng nge urngin ban’en ni bay u lanelang. Ngiyal’ ni sunumeg fare SOMOL ni Got e fayleng nge urngin ban’en ni bay u lanelang,

Nehemiah 9:14

Mmachibnag ngorad rogon ni ngar ayuweged e pi sabbath rom nib thothup, u pa’ Moses ni tapigpig rom e mu pi’ fapi motochiyel rom riy ngorad.

Exodus 23:12

“Nel’ e rran ni ngam muruliyed e maruwel romed, machane rofen ni medlip ngay e ngam toffangad, ya nge yag ni toffan e pi sib, nge pi milekag ni yad be maruwel romed, nge pi gamanman romed.

Exodus 34:21

“Nel’ e rran ni bay ni ngam rin’ e maruwel rom, machane dariy ba maruwel ni ngam rin’ ko bin medlip e rran, ni demturug ko nap’an ni yibe gi’ e but’ ara nap’an ni yibe t’ar wom’ngin e woldug.

Proverbs 10:22

I SOMOL e ke fel’eg wa’tham kam fla’ab. Math’kenyil’ e dabi yon’ daken e fla’ab rom.

Ezekiel 20:12

Mu gog ngorad ni ngar ayuweged e Sabbath nib pow ko m’ag u thilmad, ni nge puguran ngorad ni Gag SOMOL e gu thothup nagrad.

Levitikus 23:3

Nel’ e rran ni ngam marwelgad, ma dab mpaged talin ni rofen ni medlip, aram e rofen ni Sabbath, ni yaran e toffan. Rofen nem e dab marwelgad, machane ngambad nga ta’bang ngam ted fan SOMOL. Demturug e gin gimed be par riy ma binem e rran e Sabbath rok SOMOL.

Mark 2:27

Me ga’ar Jesus ngak fapi Farise, “Sunumiy Got e Sabbath ni nge yib fan ko girdi’; ma gathi sunumiy Got e girdi’ ni girdi’ e nge yib fan ko Sabbath.

Luke 23:56

Ma aram miyad sul nga taferad ngar ngongliyed rogon e florida nge gapgep ni ngar liyfed downgin Jesus ngay. Me rofen ni Sabbath miyad toffan ni bod rogon nike yog e Motochiyel.