Genesis 2:2 - Bible Ni Thothup

² Ma chirofen ni gamen e medlip e rran ngay e mu’ Got ko tin i ngongliy, ma aram e chirofen ni tal ko maruwel.

Genesis 2:2 Iomraidhean Croise

Genesis 1:31

Me par Got nge guy urngin e n’en ke ngongliy ma rib fel’ u wan’. Me chuw e binem e nep’, me ni kadbul — ni aram e bin nel’ e rran.

Genesis 2:3

Me thothupnag e bin medlip e rran nge tay ni reb e rran nib thil nga urngin e rran, ni bochan e chirofen nem e lebguy e tin i sunumeg me tal ko maruwel.

Exodus 23:12

“Nel’ e rran ni ngam muruliyed e maruwel romed, machane rofen ni medlip ngay e ngam toffangad, ya nge yag ni toffan e pi sib, nge pi milekag ni yad be maruwel romed, nge pi gamanman romed.

Exodus 31:15

Nel’ e rran ni ngam muruwliyed e maruwel romed, ma rofen ni gaman e medlip ngay e yaran e toffan ni kug turguy kan ognag ngog. Ma en nra maruwel ko rofen ney e yira thang e fan rok.

Exodus 31:17

Ran’ey e ba pow nike par u thilmad e girdi’ nu Israel ni manemus, ni bochan e Gag SOMOL, e gu sunumiy e tharmiy nge faleng u lan nel’ i rran, me rofen ni gaman e medlip ngay e gu tal ko maruwel nggu toffan.”

Isaiah 58:13

Be ga’ar SOMOL, “Fa’anra um ayuwegned fare rran ni Sabbath ngu’um ted nib thothup, me siy um leam niged e win ni nge yib ngomed e rofen nem; me yib fan u wun’med e birog e rran nib thothup mi gimed tay fan nge siy um milekaggad e rofen nem, mi gimed pag e maruwel, me siy ku mu weliyed e thin nib m’ay fan,

John 5:17

Ma aram me fulweg Jesus ngorad ni ga’ar, “Chitamag e gubin ngiyal’ ni be maruwel, ere ku er rogog nthingar gu maruwel.”

Deuteronomy 5:14

ma bin medlip e rran e yaran e toffan ni kam ogniged ngog. Rofen nem e dariy be’ ni nge maruwel — ni gimed, pifakmed, sib romed, gamanman romed, nge ku girdi’ nu bang nma par u lan e nam romed. Pi sib romed e thingar ra toffan gad ni bod gimed.

Hebrews 4:10

Ya en nra yan nge un ngak Got ko toffan e ra toffan ko maruwel rok, ni bod rogon Got ni toffan ko maruwel rok.

Hebrews 4:4

Ba’aray e n’en ni murung’agen e bin medlip e rran ni bay u bayang u lan e babyor nib thothup ni be ga’ar, “Re rran ni man e medlip ngay e toffan Got u urngin e maruwel rok.”