Genesis 19:4 - Bible Ni Thothup

⁴ Dawori mol fa gali milekag, me yin’ e pumo’on nu Sodom fare naun nga longob, ni urngin e pumo’on ko re binaw nem nrabad ngaram, ni tin pagel nge tin nike pilibthir.

Genesis 19:4 Iomraidhean Croise

Genesis 13:13

ma girdi’ ni yad ma par u lan yu Sodom e ba kireb e ngongol rorad, ni aram e yad ma denen nib togopluw ngak SOMOL.

Genesis 18:20

Me ga’ar SOMOL ngak Abraham, “Rib kireb e tin kanog ngog nib togopluw ngak yu Sodom nge yu Gomorrah, denen ni yad be rin’ e ke pag rogon.

Exodus 16:2

Miyad gubin nra gun’gun’gad nib togopluw ngak Moses nge Aron u rom u lan e ted ni desert,

Exodus 23:2

Dab mu uned ko kireb ni bochan e aram rogon nima rin’ e tin yo’or e girdi’, ara mu’uned ngorad ngan micheg ban’en nde riyul’ nge dabi gagyel e tin nib mat’aw.

Proverbs 4:16

Girdi’ nib kireb e dabi mol owcharad ni fa’anra dawor ra ngongliyed ban’en nib kireb. Dabiyag ni ngar molod ni fa’anra dawor ra gafgow niged be’.

Jeremiah 5:31

Pi profet e go’ ban e yad ma tay, ma prist e yad be gagiyeg u rogon nike yog e profet, ma girdi’ e dariy ban’en niyad be yog riy. Machane mang e yad ra rin’ ko ngiyal’ nike taw gubin ban’en ko tungun?”

Mikah 7:3

Ri yad ba salap i ngongliy e kireb. Pi tolang nge pi tapuf oloboch e yad be ning pulworad ni ngu’ur sasalap gad. Pi’in ni ba ga’ lungun e yad ma yog ngorad e tin yad ba’adag, miyad luguy nag u ta’bang.

Roma 3:15

Yad ba gur ni ngar maad’adgad ku be’ ara ra thanged e pogofan;

Judges 19:22

Kar pasloggad miy gur gin gad ma ke longbiy bogi pumo’on ni yad ba’adag e pumo’on fare naun miyad tabab i pirdi’iy e mab. Me lungurad ko fare labthir, “Mu fek i yib nga wean fare mo’on nike un ngom nga tafnam! Ya gamad ba’adag ni nggu ngongliyed e tin golong ngak!”