Genesis 18:8 - Bible Ni Thothup

⁸ Me fek Abraham e milik ni ka ni mugnin nag, nge milik ni kab be’ech, nge ufin, nge yib i tay nga but’ u puluwon fapi pumo’on. Ma nap’an ni yad be abich, me par nib sak’iy nib chugur ngorad u tan fare ke gek’iy.

Genesis 18:8 Iomraidhean Croise

Genesis 18:7

Me mil Abraham nge yan ko gin bay ba ran’ i garbaw riy me fek ba fak e garbaw u fithik’rad ni kab munguy ufin ma ba sugsug, me pi’ ngak ba tapigpig, me gur fare tapigpig nge ngongliy rogon.

Genesis 18:9

Ma aram miyad fith ni lungrad “Bu uw Sarah ni le’engim?” Me ga’ar, “Bay u rom u lan e tent.”

Genesis 19:3

Machane me par Lot ngi i wenig ngorow, me munmun miyow un ngak ngranod nga tafen. Me lith Lot e flowa nge ngongliy rogon e ggan ni bfel’ ni nge kay fa gali pumo’on, miyow kay.

Nehemiah 12:44

Ngiyal’ nem e nni tay boch e pumo’on ni nge milfan e pi senggil ni tafen e cha’ar ngorad ni aram e gin ni yima cha’riy e pi f’oth nu Tempel riy, nib mu’un e ragag e pasent ni yima pi’ nge tin ni nga’on e grain nge wom’ngin e gek’iy nike lol u reb duw. Pi pumo’on ney e maruwel rorad ni ngar kunuyed ko milay’ i yan nib chugur ko fapi binaw e pi f’oth ni fan ngak e prist nge pi Levite ni bod ni bay ko Motochiyel. Urngin e girdi’ nu Judah mab m’aguwan’rad e maruwel rok e prist nge Levite,

Isaiah 7:15

Ra taw yangren ko ngiyal’ nrayag ni nge turguy ban’en, ma girdi’ e bayi unum e milik miyad kay e honey.

Isaiah 7:22

ma ra yib logowen e thuthrad ni pire’ nge yag ngak fa’anem urngin e milik nib t’uf rok. Errogon, urngin e pi’in bay ra mageygad u daken e nam ndar m’ad e bayi yag ngorad e milik nge honey ni ngar ked.

Luke 12:37

Ri ra felfelan’ e pi tapigpig nem ni sul e masta rorad me pir’egrad ni yad be od ni kar fal’eged rogorad! Nggog ngomed ni ra chichi’iy e luod rok ni aram e ke fal’eg rogon ni nge pigpig ngorad, me yog ngorad ngar pired nga tebel, me mang ir e i yibnag e ggan ngorad.

Luke 17:8

Bmuduwgil ndanga’! Ya ra lungum ngak, ‘Mu ngongliy rogon e ggan rog ko blayal’, ma ga m’ag madan e ta’ang nga daken e mad rom ngu’um pi’ ganag ngu’ug abich ma gu be garbod; nge mu’ ma aram e fin rayag ni ngam koy ban’en ma ga garbod.’

Luke 24:30

Me yan i un ngorow ko par nga tebel, me fek e flowa, me pining e magaer riy ngak Got; me t’ar fare flowa nge pi’ ngorow.

Luke 24:43

me fek nge kay u p’eowcherad.

John 12:2

Ma kar ngongliyed bmur ni nge mang bmadnom ngak u rom, me un Martha i f’oth e ggan rok e girdi’, ma bay Lazarus nike par nga tebel ni yow Jesus.

Acts 10:41

Gathi urngin e girdi’ ni guy, ya kemus ni gamad e pi’in ke turguymad Got ni nggu manged mich riy. Gu uned ngak Jesus ko abich nge garbod u tomuren nike faseg Got Jesus ko yam’.

Galatia 5:13

Machane gimed, pi walageg ni girdi’en Kristus gimed, e ke piningmed Kristus ni ngam chuwgad u tan fare Motochiyel. Machane ren’em ni kam chuwgad u tan fare Motochiyel e ngam guyed rogon ni dabi mang ba tawey ngomed ngam paged e ar’ar u fithik’ i dowmed nge mang ir e i gagiyeg nagmed. Machane rogon nib t’uf romed Kristus nge girdi’ e ir e nge gagiyeg nagmed nge bigimed mi i pigpig ngak bigimed.

Deuteronomy 32:14

Pi garbaw nge kaming rorad e u ra pi’ed e milik nib yo’or; tirorad e saf nge kaming nge garbaw e th’abi fel’ ni immoy, ma ku er i tay e wheat nge wayin rorad.

Revelation 3:20

Mmotoyil! Kug sak’iy nga langan e mab gu be tugtuguy; ma fa’anra rung’ag be’ lungug me bing e mab, mra gub ngalan e naun rok nggu un ngak ko abich, me un ngog ko abich.

Judges 13:15

Ma dawori nang Manoah ni ir fare engel rok SOMOL, me ga’ar ngak, “Wenig ngom, dab ka’a mman. Ya nggu lithew ba pifak e kaming ni fan ngom.” Machane me ga’ar fare engel ngak, “Fa’anra gu par, ma dab gu way e ggan romew. Machane fa’anra gimew ba’adag ni ngam ngongliyew rogon, me ere mu urfiyew nib maligach ngak SOMOL.”

Judges 5:25

I ning Sisera e ran, machane me pi’ e milik ngak, me fek e kirim i yib ngak nike tay ngalan baraba’ i dabiy ni bfel’ ya’an.