Genesis 18:21 - Bible Ni Thothup

²¹ Thingar gu wan ngaram nga p’ening ngug guy ko tin kanog ngog nib togopluw ngorad e riyul’ fa de riyul’. Bay gu wan mu gu nang.”

Genesis 18:21 Iomraidhean Croise

Genesis 11:5

Me yib SOMOL nga but’ nge yib i guy fare binaw ni pire’ e naun riy nge fare wulyang nike ngongliy fapi girdi’,

Genesis 11:7

Darod nga but’ ngad athkuyed e thin rorad nge bagayad ma dabki nangfan e thin ni be yog bagayad.”

Genesis 18:17

Me ga’ar SOMOL u wan’, “Dabiyag ni gu mithag rok Abraham e n’en ni bay gu rin’.

Genesis 6:12

Me par Got nge guy e girdi’ nu fayleng me guy ni yad ba kireb, ya kari yan i par e girdi’ ni kari kireb.

BABYOR NI JOB 34:22

Dariy ba lumor nrayag ni mithag ba tadenen rok Got.

Psalms 14:2

I SOMOL e be changar ngak e girdi’ u tharmiy nga but’ ni nge guy ko bay bochi yad nib gonop, ni yad be meybil ma yad be liyor ngak Got fa dariy.

Psalms 90:8

Kam tay e denen romad nga p’eowchem, pi denen romad nib mith e ka mu tay ko gin ga ra guy riy.

Exodus 3:8

Ku gub nga but’ ni nggu chuwegrad u tan pa’ piyu Egypt, mu gu fekrad nga wuru’ yu Egypt nga ba nam nib manigil, ni ba madnom ma ba yong’ol e but’ riy ni girdi’ ni yad ma par riy e chiney e piyu Kanaan, nge Hitt, nge Amor, nge Periz, nge Hiv, nge Jebus.

Exodus 33:5

Me yog SOMOL ngak Moses ni nge yog ngak fapi girdi’ ni nge ga’ar, “Gimed bogi girdi’ nib gelan’. Fa’an gu ra un ngomed ma dabi n’uw nap’an mu gu thang owchamed. Ere mu lufed e nunuw romed, mu gu leamnag ko mang e nggu rin’ ngomed.”

Jeremiah 17:1

SOMOL e ga’ar, “Girdi’ nu Judah, denen romed e kan yoloy ko pen ni wasay; ma kan ker ngab p’ebgul e diamond nga lanin’med nge nga daken e pi tabthung ko pi altar romed.

Jeremiah 17:10

I Gag SOMOL e gu ma wurgiy lanin’uy gu ma sikengnag gumircha’en e girdi’. Rogon e par rok bagyad e aram rogon labgen ni gu ra pi’ ngak, nib paluw nga rogon e ngongol rorad.”

Jonah 1:2

Ni ga’ar, “Man nga Nineveh, ni fare binaw nib ga’, ngam welthin nib togopluw ngay; gub na’ab nga feni kireb e girdi’ riy.”

Mikah 1:3

I SOMOL e ke chuw u tagil’ nib thothup; bay yib nga but’, ngi i yan u p’ebugul e pi burey.

Zefaniah 1:12

“Ngiyal’nem e bay gu fek ba magal ngug magow u Jerusalem. Mu gu gechignag e pi’in ke pagan’rad ngorad ni yad be leamnag nikar thog naged e tin nge yag ngorad. Yad be ga’ar u lanin’rad, ‘Demturug rogon ma SOMOL e dabi rin’ ban’en.’

Luke 16:15

Me ga’ar Jesus ngorad, “Gimed e pi’in gimed be dake moding niged gimed u p’eowchen e girdi’, machane Got e manang lanin’med. Ya n’en nma tafinaynag e girdi’ ni ir e th’abi ga’ fan e ban’en ndariyfan u p’eowchen Got.

John 6:38

Ya ku gub u tharmiy nga but’ ni nggu rin’ e tin ni be finey e en nike l’oegeg ku gub, machane gathi nggu rin’ e tin ni gu be finey.

2 Korinth 11:11

Gur mang ni kugog e re bugithin ney? Gur bochan e da mu t’ufgad rog? I Got e manang ni gimed ba t’uf rog!

Deuteronomy 13:3

ma dab mu telmed ngak, ya SOMOL ni Got romed e be maruwel ngak ni nge sikeng nagmed, nge guy ko rib t’uf SOMOL romed u polo’ i gumircha’med fa dangay.

Deuteronomy 8:2

Mu tafnay niged rogon ni i pow’iymed SOMOL ni Got romed u daken e ted i yan ni aningeg i ragag e duw ni ba milekag nib n’uw wo’en, ma be pi’ bogi n’en nib mo’maw’ be yib ngomed ni be sikeng nagmed, ya nge guy e n’en ni gimed ra rin’ ko gimed ra fol ko tin keyog ni ngu’um rin’ed fa dangay.

1 Thessalonika 4:16

Bay nrung’ag ba lam ni ba ga’, min rung’ag laman pilungen e engel, min rung’ag laman e rappa rok Got, ma aram me yib Somol u tharmiy nga but’! Ma pi’in karm’ad nib mich Jesus u wun’rad e bay ni fasegrad ko yam’ ni som’on;

Hebrews 4:13

Dariy ban’en nrayag ni ngan mithag rok Got. Ya urngin ban’en ni kem’ay i sunumeg rok e be par u p’eowchen ndariy e upong u daken; mi ir e ri gadad ra weliy e pin’en ni ud rin’ed ngak.

Joshua 22:22

“En th’abi gel gelngin e Got! I ir fare SOMOL! En th’abi gel gelngin e Got! I ir fare SOMOL! Ir e manang ko mangfan ni kug rin’ed e ren’ey, ma kagmad ba’adag ni ngkum nanged! Fa’anra kug togopluwgad ndaki mich u wan’mad SOMOL, me ere mu thanged e pogofan romad!