Genesis 17:8 - Bible Ni Thothup

⁸ Bay gu pi’ ngom nge ngak e pi’in owchem e re nam ney ni ga be par riy e chiney ni gab milekag. Ma nam nu Kanaan ni ga’ngin e bayi par ni tafnam ndariy n’umngin nap’an, ma bay gu par ni gag e Got rok e pi’in owchem.”

Genesis 17:8 Iomraidhean Croise

Genesis 12:7

Me m’ug SOMOL ngak Abram me ga’ar ngak, “Irera’ fare nam ni bay gu pi’ ngak e pi’in ni owchem.” Me ubung Abram ba altar u rom ni fan ngak SOMOL nike yib i m’ug ngak.

Genesis 13:15

ya ga’angin e binaw ni ga be guy e bay gu pi’ ngom nge pi’in ni bay ra bad ni owchem, ma bayi par ni tafnam ndariy n’umngin nap’an.

Genesis 13:17

Ere mu fal’eg rogom ngam lekag daken e re nam ney, ya aram e nggu pi’ ngom ni ga’ngin.”

Genesis 23:4

“I gag e gub milekag ni gu be par u fithik’med; mu pi’ed bang e binaw ngog nggu chuw’iy nge yag ni gu chubgiliy le’engig riy.”

Genesis 26:24

Ma fa’ani nep’ riy me yib i m’ug SOMOL ngak me ga’ar, “I Gag e Got rok e chitmam i Abraham. Dab mu tamdag; ya gu bay rom. Bay ug tow’ath nigem mug yo’ornag e pi’in bayib ni owchem, ni bochan e arrogon ni gumcheg ngak Abraham ni tapigpig rog.”

Genesis 28:4

Me fal’eg wa’atham nge pi’in ni owchem ni bod rogon ni fal’eg wa’athan Abraham, ma ga tafnay e re nam ney ni ga be par riy, ni Got e pi’ ngak Abraham.”

Genesis 35:27

Me yan Jakob ngak Isak ni chitmangin nga Memre, u charen yu Hebron, ni aram e gin i par Abraham nge Isak riy.

Genesis 36:7

I chuw ni bochan e fare gi binaw ni yow be par Jakob riy e dab kur gaman gad riy; ya kay gi pag urngin e gamanman rorow ni dabkiyag e par rorad u ta’bang.

Genesis 37:1

Mi i par Jakob u lan e nam nu Kanaan ko gin ni i par e chitamngin riy.

Genesis 48:4

I ga’ar ngog, ‘Bay gu pi’ e bitir ngom ni pire’, nge par ni pi’in owchem e bay ra manged girdi’en bo’or e nam; ma bay gu pi’ e re nam ney ngak e pi’in owchem me par ni yad e taferad ni dariy n’umngin nap’an.’

2 Samuel 23:5

Irera’ rogon ni bay i ayuweg Got e pi’in owcheg, ya ke ngongliy ba m’ag u thilmow ndabi m’ay, ni urngin riy e be par ni ba yaram ma mmudugil. Kemus e n’en ni gu ba’adag; ni ir e bayi gel nigeg, ya Got e rib mudugil ni bayi gagiyegnag nge yib i m’ug ni aray rogon.

1 Kronicles 16:18

I ga’ar, “Bay gu pi ngom fare nam nu Kanaan, bayi par nike milfan ngom.”

Psalms 103:17

Machane pi’in yad ma liyor ngak SOMOL e bay ur pired ni yad ba t’uf rok ndariy n’umngin nap’an, ma fel’ngin ngorad e bay i par ni gubin e mfen,

Psalms 105:11

I ga’ar, “Bay gu pi’ ngom e nam nu Kanaan; me par nike mil suwon ngom.”

Psalms 105:9

Ra tay u gil’ e thin rorow Abraham, nge n’en ni micheg ngak Isak.

Exodus 13:11

“Bayi fekmed SOMOL ngalan fare binaw rok piyu Kanaan ni bod nike micheg ngomed nge pi chitamangimed ni kakrom. Nap’an nra pi’ ngomed,

Exodus 21:6

Ma aram ma nge fek e masta fare sib i yan nga mit Got u tagil’ e meybil. Me sak’iynag nga dow e ren u langan e mab nge kuruf tel. Ma aram e nge sib rok fare masta u n’umngin nap’an e yafos rok.

Exodus 29:45

Bay gu par u fithik’ e girdi’ nu Israel, ma bay gu mang Got rorad.

Exodus 32:13

Mu leamnag fapi tapigpig rom i Abraham, Isak, nge Jakob. Mu leamnag fare michmich ni mu tay ngorad ni bay mu pi’ ngorad e pi’in owcharad ni bod feni yo’or e t’uf u lanelang, ma bay mu pi’ ngak e pi’in owcherad e re nam ney ni ga’ngin ni ngar tafned ni dariy n’umngin nap’an.”

Exodus 40:15

Ma aram mag gapgep nagrad, ni bod ni mu gapgepnag e chitamangirad, ya nge yag nra pigpiggad ni prist rog. Re mathiy ney e ra tayrad ni yad e prist e chiney i yan nga ngaram.”

Exodus 6:4

Ku er rogon ni gu ngongliy e m’ag u thilmad, ni gu micheg ni nggu pi’ fare nam nu Kanaan ngorad, nre nam ni ba’aram ni ur pired riy ni bogi milekag ngaram.

Exodus 6:7

Bay gu taymed ni gimed girdi’eg, mu gu par ni kug mang Got romed. Ma bay mu nanged ni gag SOMOL ni Got romed ko ngiyal’ ni bay gu lufmed ko sib ni um ted u lan yu Egypt.

Jeremiah 25:5

Yad be yog ngomed ni ngam paged kanowo’med ni kireb nge pin’en ni kireb ni gimed be rin’, ya nge yag ni ku’um pired ko binaw ni pi’ SOMOL ngomed nge pi chitamangimed ni ngam tafned ni dariy n’umngin nap’an.

Jeremiah 31:1

Be ga’ar SOMOL, “Bay ba ngiyal’ ni be yib ni bay gu par ni kugmang Got rok urngin e pi ganong nu Israel, ma bay ra manged girdi’eg.

Ezekiel 11:20

Ma aram e bay ra folgad ko motochiyel rog miyad tay u gil’ gubin e tin gog. Bay ra manged girdi’eg, mu gu mang Got rorad.

Ezekiel 33:24

I ga’ar, “Fak e girdi’, pi’in yad be par u lan e pi binaw ni kan kirebnag ni bay u lan e nam nu Israel e be lungurad, ‘I Abraham e ta’abe’, me pi’ Got e re nam ney ngak ni ga’ngin. Ma gadad e gadad pire’, ere re nam ney e chiney e ke mil suwon ngodad.’

Levitikus 14:34

e pi gafal ni ba’aray ni murung’agen e pi naun nra yib e pthethaw ngay. (Pi gafal ney e nge maruwel piyu Israel ngay nnap’an ni yad ra thap ngalan fare nam nu Kanaan, ni bay i pi’ SOMOL ngorad ni ngar tafned.) Fa’anra pir’eg bigmed ni SOMOL e ke l’oeg e pthethaw ko naun rok, ma thingari yan i yog murung’agen ngak e prist.

Levitikus 16:34

Pi gafal ney e nge par ni ngu’un fol riy e chiney i yan ngaram. Ren’ey e ra reb e duw ma ta’ab yay ni ngan rin’, nge machalbognag e girdi’ nu Israel ko urngin e denen rorad. Me rin’ Moses ni bod nike yog SOMOL.

Levitikus 26:12

Bay gu par romed; nggu mang Got romed, ma bay mmanged girdi’eg.

Zekariah 8:8

bay gu fulwegrad u lan e ngek nge lan e ngal ngar pired u lan yu Jerusalem. Bay ra manged pi girdi’eg, ma bay gumang Got rorad, mug gagiyeg nagrad u fithik’ e yul’yul’ nge mat’aw.

Numbers 10:29

Me ga’ar Moses ngak Hobab nib mo’on ni fak Jethro nu Midian ma le’engin be’ ni bpin ni walagen Moses, “Chiney e aram e ke chugur ni nggu chuwgad u roy nggu warod ko fare gin’en nike yog SOMOL ni bayi pi’ ngomad. Ke micheg SOMOL nra tow’athnag yu Israel nge fel’ rograd, ere mu’un ngomad, ma tin nra fel’ rogomad riy e gamad ra pi’ boch ngom.”

Numbers 25:13

Ni ir nge pi’in bay yib ni owchen e ke duwgil ni yad e prist ndariy n’umngin nap’an, ni bochan e de k’adan’ ko togopluw ni yibe tay ngog, ni aram fan ni kan n’agfan e denen ko girdi’.”

Numbers 27:12

Me ga’ar SOMOL ngak Moses, “Mman nga daken e burey ni Abarim ngam sap nga daken fare nam ni bay gu pi’ ngak yu Israel.

Acts 7:5

Ma de pi’ Got bang riy ngak Abraham ni ngari mil suwon ngak, ni mus nga ta’reb e square foot e but’; machane yog Got ni bayi pi’ ngak nge tafnay nge pi’in owchen ni bay rabad nga tomuren. Ngiyal’ i n’en ni ba’aram ni yog Got e re bugithin ney ngak Abraham e dariy e bitir rok Abraham.

Deuteronomy 14:2

Ya ba milfamed ngak SOMOL ni Got romed; ke mel’egmed u fithik’ gubin e girdi’ nu fayleng ni ngam manged girdi’ rok.

Deuteronomy 26:18

Daba’ e ke taymed SOMOL ni kam manged girdi’ rok, ni bod nike micheg ngomed; ma be yog ngomed ni ngu’um folgad u urngin fapi motochiyel rok.

Deuteronomy 29:13

Ya nge yag ni taymed SOMOL e bin daba’ e rran ni gimed e tirok e girdi’, me par ni ir e Got romed ni bod ni micheg ngomed nge pi ga’ romed i Abraham nge Isak nge Jakob.

Deuteronomy 32:49

“Mman ko fare thal i burey ni Abarim ni bay u lan e nam nu Moab, ni ba’y u puluwon e binaw nu Jeriko; ma ga yan nga daken e burey ni Nebo ngam yaliy e nam nu Kanaan, ni aram e nggu pi’ ngak e girdi’ nu Israel.

Deuteronomy 32:8

En ni Th’abi Tolang e ir e pag e f’oth ko but’ nge pi’ ko pi nam; ir e duwgiliy e gin ngi i par e girdi’ riy. Ra reb e nam me l’oeg reb i chon e tharmiy ngay,

Deuteronomy 34:4

Me ga’ar SOMOL ngak Moses, “Irera’ fare nam ni gu micheg ngak Abraham nge Isak nge Jakob ni bay gu pi’ ngak e pi’in ni owcherad. Kug dag ngom, machane dab gu pagem ngam man ngay.”

Deuteronomy 4:37

Ba t’uf pi chitamangimed rok me mel’eg e pi’in ni owcherad u fithik’ e girdi’ ni nge mang e tirok e girdi’, ma gelngin nrib gel e maruwel ngay nge fekmed nga wuru’ yu Egypt,

Deuteronomy 9:5

Gathi bochan e gimed bfel’ ma gimed be rin’ e tin nib mat’aw e aram fan ni nge pagmed SOMOL ngam marod nga taferad. Bayi tulufrad ni bochan e yad ba kireb, ma ke leamnag ni nge tay u gil’ e tin ni micheg ngak pi chitamangimed ni kakrom, ni aram Abraham nge Isak nge Jakob.

Hebrews 9:15

Ireray fan ni Kristus e ir e ngongliy rogon e bin nib be’ech e m’ag, ni fan e pi’in ke piningrad Got e nge yag e fla’ab ndariy n’umngin nap’an ngorad nike yog Got nra pi’ ngorad. Ren’em e rayag ni fan e yam’ nike tay e ir e ke biyuliy e girdi’ ko pi kireb ni kar ngongliyed ko ngiyal’ ni ba’aram ni yad be par u tan e bin som’on e m’ag.

Joshua 1:2

“Tapigpig rog i Moses e ke yim’. Ere mfal’eg rogom e chiney, ni gur nge urngin e girdi’ nu Israel, ngam th’abed e lul’ ni Jordan ngam marod ngalan fare nam ni ir e nggu pi’ ngomed.

Revelation 21:7

En nra gel nde pag ir ko kireb e ba’aray e n’en gu ra pi’ ngak: gu ra mang Got rok, ma gu ra fakay.