Genesis 17:5 - Bible Ni Thothup

⁵ Ma fithingam e dabki par ni Abram, ya ke par ni Abraham, ya bay gu tem ni gur chitamngin bo’or e nam.

Genesis 17:5 Iomraidhean Croise

Genesis 17:15

Me ga’ar Got ngak Abraham, “Dab kum pining Sarai ngak le’engim; ya ke par fithingan e chiney ni Sarah.

Genesis 32:28

Me ga’ar fare mo’on, “Dabki par fithingam ni Jakob. Kam fathael ngak Got nge ngak e girdi’, ma kam gel; ere nge par fithingam ni Israel.

Genesis 32:29

Me ga’ar Jakob, “Wenig ngom, mog fithingam ngog.” Me ga’ar, “Mang ni ga be fith fithingag?” Ma aram me tay fa’anem Jakob ni ngi i fel’ wa’athan.

Genesis 35:10

I ga’ar Got ngak, “Fithingam e Jakob, machane chiney i yan ngaram e Israel.” Ma aram me tunguy Got fithingan ni Israel.

2 Samuel 12:25

me yog SOMOL ngak Nathan ni profet ni nge yan i tunguy Jedidiah ngak, ya ba t’uf rok SOMOL.

1 Kronicles 1:27

nge Abram (ni kuyi manang ni Abraham).

Nehemiah 9:7

Gur SOMOL ni Got e mmel’eg Abram, ma ga pow’iy nga wuru’ yu Ur ni bay u lan yu Babylonia; ma ga thiliyeg fithingan ngam tunguy Abraham ngak.

Isaiah 65:15

Ma girdi’ rog ni kug mel’eg e bay u rogned fithngamed nib yabo’. I Gag, fare SOMOL ni Th’abi Tolang, e bay gu thang e pogofan romed. Machane bay gu pi’ reb e ngachal nib be’ech ngak e pi’in yad ma fol rog.

Jeremiah 20:3

Me reb e rran riy ni kadbul u tomuren nike chuweg Pashur e chen rog, mu gga’ar ngak, “I SOMOL e de tunguy fithingam ni Pashur. Re ngachal nike pi’ ngom e ‘Marus u Gubin Yang.’

Jeremiah 23:6

Nap’an nra pilung, ma aram e dabki buch ban’en rok piyu Judah, ma aram e girdi’ nu Israel e bay ra pired u fithik’ e gapas. Ma cha’nem e bay nog fithingan ni ‘Ir SOMOL Nma Mat’aw Nagdad.”

Numbers 13:16

Irera’ e pi girdi’en e damit ni l’ograd Moses ni ngar lekged fare nam. Me thilyeg fithingan Hoshea nib mo’on ni fak Nun nge tunguy Joshua ngak.

John 1:42

Ma aram me fek Simon i yib ngak Jesus. Me changar Jesus ngak me ga’ar ngak, “I gur Simon, ni fak John gur. Nge par fithingam ni Kefas.” (Re ngachal ney e ta’reb rogon fan ko fare ngachal ni Peter.)

Roma 4:17

Ni bod rogon ni be yog e babyor nib thothup ni be ga’ar, “Kug ngongliyem kam mang chitamngin bo’or e nem.” Ere pi thin ney nike yog Got e bfel’ u p’eowchen Got, ni ir e re Got nib mich u wan’ Abraham — ni ir fare Got nma faseg e yam’ mra non me sum e tin nda immoy ban’en.

Revelation 2:17

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Fare manna nib mith e bay gu pi’ boch ngak e pi’in yad ra gel ndar paged yad ko kireb; ma ku bayi bagayad mu gu pi’ bangi malang nib wech ngak, ni kan yoloy reb e ngachal nib be’ech nga daken, ndariy be’ ni manang e binem e ngachal ya kemus ni en ni kan pi’ ngak e manang.”