Genesis 17:16 - Bible Ni Thothup

¹⁶ Bay gu fal’eg wa’athan nge gargeleg bochi pagel ni fakam. Bay gu fal’eg wa’athan nge mang chitiningin bo’or e nam, ma pi’in ni bayra bad ni owchen e bay boch i yad ni bayi mang pilung.”

Genesis 17:16 Iomraidhean Croise

Genesis 1:28

me tow’ath nagrow ko re bugithin ni ba’aray ni yog ni ga’ar, “Mu diyen gow nge yo’or pifakmew, nge wear e pi’in owchemew nga gubin yang u fayleng ngar pired riy miyad suwey. Nggu ta’mew ni gimew e ngam suweyew e nig, nge arche’, nge urngin e gamanman ni malboch, ni tin gagang’ nge tin b’achig.”

Genesis 12:2

Bay gu gagiyeg nge yib owchem ni pire’ ni pire’, ni yad e bay ra manged girdi’en ba nam nib ga’. Bay gu fal’eg wa’atham mu gu gagiyeg nge gilbuguwan fithingam, me fel’ wa’athan e girdi’ ni bocham.

Genesis 15:4

Me rung’ag bayay laman SOMOL ni be ga’ar ngak, “Re sib rom nir e ga ra yim’ ma gathi ir e ra mil suwon urngin ban’en rom ngak; ya be’ nib mo’on nri fakam e ir e bayi mil suwon ngak.”

Genesis 17:15

Me ga’ar Got ngak Abraham, “Dab kum pining Sarai ngak le’engim; ya ke par fithingan e chiney ni Sarah.

Genesis 17:19

Machane me ga’ar Got, “Ga be oloboch; le’engim i Sarah e bayi gargeleg ba pagel ni fakam ma ngam tunguy fithingan ni Isak. Bay gu tay e m’ag rog u thilmow ngu thilin e pi’in owchen, ni bayi par nib m’ag ndabi math bi’id.

Genesis 17:6

Bay gu pi’ owchem ni pire’ ma boch i yad e bay ra pilunggad. Bayib owchem ni pire’ ni pire’ ngar manged girdi’en boch e nam.

Genesis 21:1

Me ayuweg SOMOL Sarah, ni bod rogon ni yog,

Genesis 24:60

Miyad yibilay Rebekah ni lungurad, “I gur walagmad e ngam mang chitiningin bo’or e biyu’ e girdi’. Ma pi’in ni owchem e ngar gelgad ngak e pi to’ogor rorad ngar feked e pi binaw rorad.”

Genesis 25:23

Me ga’ar SOMOL ngak fare pin, “L’agruw e nam ni bay u yal rom, ni gal raba’ i girdi’ nem ni bay mu gargeleg e bay ur tagenginggow ngorow; bagayow e bayi par nib gel ngak bagayow, ma en nib ilal e bayi par ni ir e tapigpig rok e en nib bitir.”

Genesis 35:11

Miki ga’ar Got ngak, “I Gag Got ni Gubin Ma Rayag rog. Bayi pire’ pifakam. Girdi’en e pi nam e gur e bay rabad rom, ma gur e bay mmang chitamngin e pi pilung.

Genesis 36:31

U m’on ni daworisum reb e pilung ni nge yog e thin u lan yu Israel, ma ba’aray e pi pilung ni ur gagiyeg niged e binaw nu Edom: Bala nib pagel ni fak Beor ko binaw nu Dinhabah Jobab nib pagel ni fak Zerah ko binaw nu Bozrah Husham ko nug nu Teman Hadad nib pagel ni fak Bedad ko binaw nu Avith (i gel rok pi Midanite ko mael u lan e nam nu Moab) Samlah ko binaw nu Masrekah Shaul ko binaw nu Rehoboth-u daken-fare Lul’ Baal Hanan nib pagel ni fak Achbor Hadad ko binaw nu Pau (le’engin e Mehetabel, ni be’ ni bpin ni fak Matred ma tutuw rok Mezahab)

Isaiah 49:23

Ra par e pi pilung ni yad e ra pofed gur, ma pi le’engirad e bay ur tathuth niged gur ni bod rogon e chitiningiy. Bay ra parawgad u p’eowchem ngar ted fam; ma bay ra ted fam u fithik’ e sobut’an’. Ma aram e bay mu nang ni Gag e SOMOL; dariy be’ ni be son nageg ni nggu ayuweg nra m’ingan’.”

Roma 9:9

Ya Got e micheg e pi thin ni ba’aray ni ga’ar: “Bay taw nga nap’an mu gu sul ma aram me gargeleg Sarah bochi pagel.”

Galatia 4:23

Bin ba’aram i fak ni gargeleg fare pin nib sib e ni gargeleg nrogon ni kayi ma gargel, machane bin ba’aram i fak ni gargeleg fare pin ni gathi ir e sib e ni gargeleg ni bochan e Got e yib i yog ni bay ni gargeleg.

1 Peter 3:6

I Sarah e aram rogon; i fol rok Abraham mi i pining Sarah Abraham ni ga’ar “Masta rog.” Gimed e chiney e kam manged bogi ppin ni pifak ni fa’anra um rin’ed e tin ni bfel’ ma damur tamdaggad nga ban’en.