Genesis 17:10 - Bible Ni Thothup

¹⁰ Ba’aray e n’en ni gur nge pi’in bay rabad ni owchem e thingar mu turguyed u wun’med ni ngam rin’ed ni aram e gubin e pumo’on u fithik’med nthingar ni maad’ad nagrad.

Genesis 17:10 Iomraidhean Croise

Genesis 17:11

Chiney i yan ngaram e thingar mu maad’adgad ngak urngin pifakmed ni pumo’on ko ngiyal’ ni meruk e rran yangren, nib mu’un e pi’in ni yibe gargeleg u lan e tabinaw romed ngay ni yad e sib nge pi’in ni sib nchuw’iyrad u reb e nam. Irera’ e ren’en ni bayi mang pow riy ni bay ba m’ag u thilmed nge gag.

Genesis 17:23

Ka chirofen nem me maad’adnag Abraham i Ishmael ni bochi pagel ni fak nge urngin e pumo’on ni sib rok, ni pi’in nni gargelegrad u tabinaw rok nge pi’in ni chuw’iyrad, ni urngin e pumo’on ni bay u lan e tabinaw rok, ni bod rogon nike weliy Got ngak.

Genesis 17:27

nib mu’un urngin e pumo’on ni sib rok ngay.

Genesis 21:4

ma nap’an ni nga meruk e rran yangren, me maad’adnag Abraham fachi tir ni bod ni yog e motochiyel rok Moses, ni bod rogon nike yog Got ngak ni nge rin’.

Genesis 34:15

Ra fel’ u wun’mad ni kemus ni fa’anra gimed ra bod gamad ni ngan maad’adnag urngin e pumo’on romed.

Genesis 34:22

Ma pi pumo’on ney e ra fel u wun’rad ni ngar pired u fithik’dad miyad ta’ab girdi’ ngodad ni kemus ni fa’anra ni maad’adnag gubin e pumo’on rodad, ni bod yad.

Exodus 12:48

machane dariy reb e pumo’on ndawor ni maad’adnag nrayag ni nge kay boch fapi ggan. Fa’anra mang e bay be’ u reb e nam ni yad ma par chon e tabnaw rok u fithik’med, ni ba’adag ni nge un i madnomnag e Paluk’af nge liyor ngak SOMOL, ma th’abi som’on e ngam maad’ad niged urngin e pumo’on ni yad bay u lan e tabnaw rok. Ma aram e fin rayag ni nge un ko fare madnom ni bod be’ nni gargeleg u Israel.

Exodus 4:25

Ma aram me fek Zipporah bangi malang nib m’uth, me circumcise nag fak ni pumo’on, me fek fare gi biyach nge matheg nga rifrifen ay Moses, me ga’ar Zipporah, “Ri gur e pumo’on rog u daken e racha’.” Ma aram ma daki thang SOMOL e pogofan rok Moses.

Jeremiah 4:4

Mu ted u tagil’ e m’ag u thildad, I Gag SOMOL romed, mi gimed og nagmed ngog, gimed e girdi’ nu Judah ngu Jerusalem. Fa’anra dab mu rin’ed, ma damumuw rog e ra yik ni bod e nifiy ni bochan ngongolmed nib kireb. Ra daramram ma dariy be’ nra thang.”

John 7:22

Bochan e Moses e yog ngomed ni ngam maad’adniged pifakmed ni pumo’on (machane gathi Moses ya pi chitamangimed ni kakrom e ra tababgad ngay), ere bay n’en mi gimed maad’ad ngak bochi tir nib pagel ko chirofen ni Sabbath.

Acts 7:8

Ma aram me weliy Got ngak Abraham rogon e maad’ad ni ngan tay ngak nge urngin e pi’in owchen, ni nge mang ba pow ko fare m’ag rok Got. Nap’an nni gargeleg Isak ma ta’reb e wik nga tomuren me maad’ad Abraham ngak; me maad’ad Isak ngak Jakob ni fak, me maad’ad Jakob ngak fare ragag nge l’agruw i pifak ni pi chitamngin piyu Israel.

Roma 2:28

Mini’ e cha’ nriyul’ ni be’ u Israel, ma riyul’ ni kan maad’ad ngak? Gathi cha’ ni be’ u Israel ko pow ni bay u wuru’ i downgin, ni maad’ad ni kan tay ngak e kan tay nga downgin.

Roma 3:25

I pi’ Got Kristus Jesus ni racha’en ni map’ u kuruth e ir e nge yag ni nge n’ag Got fan e denen ko girdi’ riy, ni yira n’ag u daken e michan’ rorad ngak Kristus. I pi’ Got Kristus ni fan e nge yag ni dag Got rogon nib mat’aw nge rogon nma mat’awnag e girdi’ ngak. Kakrom e gum’an’nag Got ir, ngi i fek owchen ko denen rok e girdi’;

Roma 3:28

Ya kad pir’eged nra mat’awnag Got be’ ngak ni kemus ni fa’anra mich Jesus u wan’ fa’anem, ma gathi bochan e be rin’ fa’anem e tin ni be yog fare Motochiyel.

Roma 3:30

Ya Got e ri ta’reb ni bay, mra mat’awnag piyu Israel ngak u daken e michan’ rorad ngak Jesus, ma ku errogon e pi’in gathi yad piyu Israel nu daken e michan’ rorad ngak Jesus e ra mat’awnagrad Got riy ngak.

Galatia 3:28

Ere ta’reb rogon piyu Israel nge pi’in gathi yad piyu Israel, ma ku errogon e pi’in yad e sib nge pi’in gathi yad e sib, ma ku errogon e pi’in pumo’on nge ppin, ni bochan e gimed gubin ma kam ta’ab girdi’gad Kristus.

Galatia 6:12

Pi’in yad be finey ni nganog e sorok ngorad ma yad be yog ni yad e ba sororad u murung’agen i wuru’ i dowey e ireram e picha’ ni yad be guy rogon ni ngar gel niged yad ngomed ngan maad’ad ngomed. Machane yad be rin’ ni kemus ni fan e nge dabiyag nni gafgow nagrad ni bochan e kuruth rok Kristus.

Efesus 2:11

Gimed e pi’in nni gargel nagmed ni gathi gimed yu Israel — nma yog yu Israel ni gimed e girdi’ ndanir maad’ad ngomed, ma yad e karogned yad ni yad e pi’in ni yima maad’ad ngorad (ni ren’ey e be yip’ fan e n’en nma rin’ e girdi’ nga dowrad) — mu tafinay niged rogomed kakrom.

Deuteronomy 10:16

Ere chiney i yan nga m’on e ngu’um folgad rok SOMOL ma ngam paged e gelan’.

Deuteronomy 30:6

SOMOL ni Got romed e bay i gagiyegnag lanin’med nge laniyan’ e pi’in ni owchemed ngu’um folgad, ya ngu’um pired ni kari t’uf SOMOL romed u polo’ i gum’ircha’med ngu polo’ i lanin’med nge n’uw nap’med ni mu pired.

Filippi 3:3

Ya gathi yad e picha’ nike yag e bin riyul’ e maad’ad ko dowef ngorad, ya gadad, ni bochan e gadad ma liyor ngak Got ma gadad ma meybil ngak u daken e Kan Nthothup rok, ma gadad be felfelan’ ko yafos ni yag ngodad u daken Kristus Jesus. Dabi pagan’dad nga yalen e tin yibe ngongliy nga wuru’ i dowdad.

Joshua 5:2

Me ga’ar SOMOL ngak Joshua, “Mfek e malang nib el ngam ngongliy boch e yar riy ngam maad’adnag piyu Israel ko yay ni l’agruw.”

Joshua 5:4

I rin’ e ren’em ni bochan e urngin e pumo’on ni kar ilalgad ni yad ra bung ko mael ko ngiyal’ ni rchuwgad u Egypt e karm’ad u kanawo’ u daken e ted ko ngiyal’ ni yad be milekag.