Genesis 15:18 - Bible Ni Thothup

¹⁸ Chirofen nem e ngongliy SOMOL reb e m’ag u thilrow Abram, ni ga’ar, “Nggog ngom ni bay gu pi’ e re nam ney ni ga’ngin ngak e pi’in owchem, ni mus ko fare lul’ ni bay ko mathil u Egypt nge yan i mada’ ko fare lul’ ni ba ga’ ni Eufrates fithingan,

Genesis 15:18 Iomraidhean Croise

Genesis 12:7

Me m’ug SOMOL ngak Abram me ga’ar ngak, “Irera’ fare nam ni bay gu pi’ ngak e pi’in ni owchem.” Me ubung Abram ba altar u rom ni fan ngak SOMOL nike yib i m’ug ngak.

Genesis 13:15

ya ga’angin e binaw ni ga be guy e bay gu pi’ ngom nge pi’in ni bay ra bad ni owchem, ma bayi par ni tafnam ndariy n’umngin nap’an.

Genesis 2:14

Ma pa’ ni gaman e dalip ngay e Tigris fithingan, ni yan ko ngek u Assyria. Ma pa’ ni aningeg e Eufrates fithingan.

Genesis 24:7

I SOMOL, ni ir e Got nu tharmiy, e ir e fekeg u tabinaw rok e chitamag nge nam rok pi girdi’eg, me micheg ngog ni bayi pi’ e re nam ney ngak e pi’in bayib ni owcheg. I ir e bayi pi’ e engel rok nge m’on rom nge yag ni mfek be’ ni bpin u rom nge le’engiy fakag.

Genesis 26:4

Bay gu yo’ornag e pi’in bayib ni owchem ni bod rogon e t’uf u lanelang, mug pi’ ngorad ga’ngin e gi but’ ney. Ma urngin e nam nu fayleng ni bay ra ninged ngog ninggu fal’eg wa’athrad ni bod ni kug fal’eg wa’athan e pi’in owchem.

Genesis 28:4

Me fal’eg wa’atham nge pi’in ni owchem ni bod rogon ni fal’eg wa’athan Abraham, ma ga tafnay e re nam ney ni ga be par riy, ni Got e pi’ ngak Abraham.”

Genesis 35:12

Bay gu pi’ ngom fare gi binaw ni gu pi’ ngak Abraham nge Isak, ma ir e bay kug pi’ ngak e pi’in owchem ni bay kurbad nga tomrem.”

Genesis 50:24

Me ga’ar ngak pi walagen ni pumo’on, “Ke chugur ni bay gum’, machane Got e rib muduwgil ni bay i ayuwegmed, me fekmed nga wuru’ e re nam ney me pow’iymed ko fare nam ni fa’ani micheg ngak Abraham nge Isak nge Jakob ni bayi pi’ ngorad.”

2 Samuel 23:5

Irera’ rogon ni bay i ayuweg Got e pi’in owcheg, ya ke ngongliy ba m’ag u thilmow ndabi m’ay, ni urngin riy e be par ni ba yaram ma mmudugil. Kemus e n’en ni gu ba’adag; ni ir e bayi gel nigeg, ya Got e rib mudugil ni bayi gagiyegnag nge yib i m’ug ni aray rogon.

2 Samuel 8:3

Miki gel David ngak Hadadezer nib mo’on ni fak Rehob ni Pilung u Zobah, reb e binaw nu Syria, u nap’an ni be milekag Hadadezer i yan ni nge fulweg nga tanggin e gagiyeg rok bang e binaw ni bay nga pe’bugul e lul’ ni Eufrates.

1 Kings 4:21

Gagiyeg rok Solomon e bmu’un urngin e pi nam ni tabab ko fare Lul’ ni Eufrates nge mada’ nga Filistia nge fare mathil nu Egypt. U ra pi’ed e tax rorad ngak mu ur pired u tan pa’ ni n’umngin nap’an e yafos rok.

1 Kings 5:1

Hiram ni Pilung nu Tyre e i par ni yow fager David, ma fa’ani rung’ag nike yan Solomon nga luwan David ni chitamngin ke pilung, me l’oeg owchen e nam rok ngranod ra guyed.

1 Kronicles 16:16

fare m’ag ni ngongliy u thilrow Abraham, me mownag ngak Isak.

1 Kronicles 5:9

Immoy yu ran’ i gamanman ni fakrad nib yo’or u lan fare nam nu Gilead, ma aram mu’ur pired u rom ko fare binaw ni yan ko ngek nge mada’ ko fare gi ted ni dariy ban’en riy me k’iy u rom nge mada’ ko fare lul’ ni Eufrates.

2 Kronicles 7:8

Solomon nge urngin e girdi’ nu Israel e ra madnom niged fare Madnom ko Nochi Na’un ni medlip e rran. Immoy e girdi’ u rom nib yo’or nrabad nib orel ni bod feni orel e wo’ u thilin e burey’ nu Hamath ko lel’och nge mathil nu Egypt u lan e yimuch.

2 Kronicles 8:7

Pi’in nra magachgad ko girdi’ nu Hit, Amor, Periz, Hiv nge Jebus ni gathiyad piyu Israel nde thang piyu Israel e pogofan rorad aram ko somm’on,

2 Kronicles 9:26

Ir e re tagagiyeg ni th’abi sorok u fithik’ gubin e pilung nu lan fare gi nug ni tabab ko lul’ ni Eufrates nge yan nga Filistia nge taw ko mathil u Egypt.

Ezra 4:20

Pi pilung nib gel lungun e ur gagiyeggad u rom ma ur gagiyeggad u ga’ngin fare nam u ba’ ni ngal e Eufrates, ni ur kunuyed e tax.

Nehemiah 9:8

Mu nang ni be par nib yul’yul’ ngom, ma ga ngongliy ba m’ag u thilmew. Mmicheg ngak ni bay mpi’ e nam nu Kanaan ngak, ni nam rok e Hittite nge Amorite, nge nam rok e Perizzite, nge Jebusite, nge Girgashite nge par nib nam ni bayi par e pi’in ni owchen riy. Ma ga tay nga tagil’ e n’en ni mmicheg ngak, ya gab yul’yul’.

Psalms 105:11

I ga’ar, “Bay gu pi’ ngom e nam nu Kanaan; me par nike mil suwon ngom.”

Exodus 13:11

“Bayi fekmed SOMOL ngalan fare binaw rok piyu Kanaan ni bod nike micheg ngomed nge pi chitamangimed ni kakrom. Nap’an nra pi’ ngomed,

Exodus 2:24

me rung’ag lamrad ni yad be gowol, me leamnag fare m’ag u thilrad Abraham, Isak nge Jakob.

Exodus 23:23

Angel rog e bay i m’on romed nge fekmed i yan ngalan e nam rok piyu Amor, Hitt, Periz, Kanaan, Hiv, nge yu Jebus, ma bay gu thirif girdi’en e pi nam ney u but’.

Exodus 3:8

Ku gub nga but’ ni nggu chuwegrad u tan pa’ piyu Egypt, mu gu fekrad nga wuru’ yu Egypt nga ba nam nib manigil, ni ba madnom ma ba yong’ol e but’ riy ni girdi’ ni yad ma par riy e chiney e piyu Kanaan, nge Hitt, nge Amor, nge Periz, nge Hiv, nge Jebus.

Exodus 32:13

Mu leamnag fapi tapigpig rom i Abraham, Isak, nge Jakob. Mu leamnag fare michmich ni mu tay ngorad ni bay mu pi’ ngorad e pi’in owcharad ni bod feni yo’or e t’uf u lanelang, ma bay mu pi’ ngak e pi’in owcherad e re nam ney ni ga’ngin ni ngar tafned ni dariy n’umngin nap’an.”

Exodus 34:11

Um fol ko fapi motochiyel ni bay gu pi’ ngom e daba’. Bay gu m’on rom nggu tuluf piyu Amor, nge piyu Kanaan, nge piyu Hitt, nge piyu Perez, nge piyu Hiv nge piyu Jebus ngar chuwgad.

Exodus 34:24

Ma tomuren ni kug tuluf girdi’en e pi nam ni yad bay ko gin ni ga be sor ngay mu gu ga’nag e gin ngam tafnay, ma dariy be’ nra guy rogon ni nge kol e nam rom ko ngiyal’ ni ba’aram nra reb e duw ma dalip yay ni nga mub nga p’eowcheg i Gag SOMOL ni Got rom.

Exodus 6:4

Ku er rogon ni gu ngongliy e m’ag u thilmad, ni gu micheg ni nggu pi’ fare nam nu Kanaan ngorad, nre nam ni ba’aram ni ur pired riy ni bogi milekag ngaram.

Exodus 6:8

Bay gu fekmed ko fare nam ni gu micheg ni gu ra pi’ ngak Abraham, Isak, nge Jakob; bay gu pi’ ngomed nge milfan ngomed. I gag SOMOL.”

Isaiah 27:12

Rofen nem, e feng Got e girdi’ rok ni be’ nge be’ ni tabab u Eufrates ngeb ko mathil nu Egypt, ni bod e parde’ wheat nma ki’eg lemmun ko keru’.

Isaiah 55:3

“Gimed e girdi’ rog, mu telmed, mi gimed yib ngog; mired ngog, me yag e yafos ngomed! Bay gu ngongliy ba m’ag u thildad ni bay i par ni dariy n’umngin nap’an, mu gu pi’ ngomed e pi tow’ath ni gu micheg ngak David.

Jeremiah 32:22

Mag pi’ ngorad bbinaw ni bfel’ rogon mab yung’ol, ni bod ni mmicheg ko pi chitamangirad.

Jeremiah 32:40

Bay gu ngongliy ba m’ag ni dariy n’umngin nap’an u thilmad. Dariy bingyal’ ni gu ra tal i ngongliy e tin fel’ ni fan ngorad, ma bay gu gagiyeg nagrad nge yib madgug u polo’ i lanin’rad, ya nge dakuriy liben miyad pi’ keru’rad ngog.

Levitikus 26:42

ma aram e bay fin gu leamnag bayay fare m’ag ni gu ngongliy u thilmow Jakob, Isak, nge Abraham, mfin gu be’echnag bayay e tin gu micheg ni gu ra pi’ fare nam ngak e girdi’ rog.

Levitikus 26:45

Bay ku gu be’echnag fare m’ag ni gu ngongliy u thilmad e pi chitmangirad kakrom nnap’an ni gu dag gelngig ngak e pi nam ni gubin ni fa’an gu fek e girdi’ rog nga wuru’ yu Egypt, ni bochan e gag SOMOL e nggu mang Got rorad.”

Numbers 34:5

ni iraram gin ni cheal riy nge sor ko loway ko mathil nu Egypt nge yan i mus ko day ni Mediterranean.

Acts 7:5

Ma de pi’ Got bang riy ngak Abraham ni ngari mil suwon ngak, ni mus nga ta’reb e square foot e but’; machane yog Got ni bayi pi’ ngak nge tafnay nge pi’in owchen ni bay rabad nga tomuren. Ngiyal’ i n’en ni ba’aram ni yog Got e re bugithin ney ngak Abraham e dariy e bitir rok Abraham.

Deuteronomy 11:24

Gubin yang e but’ ni gimed ra yan u daken e go’ gimed ra tafnay. Tafenmed e bayi tabab ko yimuch u lan e ted ni desert me yan i taw ko fapi Burey nu Lebanon ni bay ko lel’och, me tabab ko fare lul’ ni Eufrates ni bay ko ngek nge mada’ ko fare gi day ni Mediterranean ni bay ko ngal.

Deuteronomy 12:20

“Fa’anra ga’nag SOMOL ni Got romed e gin tafenmed ni bod rogon nike micheg, mrayag ni ngam ked e ufin ko ngiyal’ ni gimed ba’adag.

Deuteronomy 19:8

“Ma fa’anra ga’nag SOMOL ni Got romed fa gin ke milsuwon ngomed, ni bod nike yog ngak e pi ga’ romed ni kakrom nra rin’; me pi’ urngin yang fapi binaw ngomed nike micheg,

Deuteronomy 34:4

Me ga’ar SOMOL ngak Moses, “Irera’ fare nam ni gu micheg ngak Abraham nge Isak nge Jakob ni bay gu pi’ ngak e pi’in ni owcherad. Kug dag ngom, machane dab gu pagem ngam man ngay.”

Deuteronomy 7:1

“SOMOL ni Got romed e bayi fekmed i yan ngalan fare nam ni ngam pired riy, me tuluf bo’or e nam ni bay riy ngar chuwgad u lan fare nam ni aram e pi Hittite, Girgashite, Amorite, Kanaanite, Perizzite, Hivite, nge pi Jebusite, ni medlip i nam ni yad ba ga’ ma yad ba gel ngomed.

Hebrews 13:20

I Got e ke faseg e Somol rodad i Jesus ko yam’, ni ir e en Ga’ ni Tagafiy e Saf ni bochan racha’en, ni ir fare m’ag ni bayi par ndariy n’umngin nap’an.

Joshua 13:3

ma ku errogon gubin yang e binaw rok yu Avvim ni bay ko yimuch. (Fare gi binaw ni tabab ko fa chipa’ i lul’ ni Shihor, ni bay ko mathil rok yu Egypt, me yan ko lel’och nib orel nge mada’ ko mathil u Ekron ni yima tay ni tafen piyu Kanaan; pi pilung rok yu Filistia e yad ma par u Gaza, ngu Ashdod, ngu Ashkelon, ngu Gath, ngu Ekron.)

Joshua 15:4

me yan u rom nga Azmon, me lek fachipa’ i lul’ ni bay ko mathil nu Egypt me yan i mus ko Day ni Mediterranean, ni aram e gin ni mus e fare mathil riy. Aram e mathil rok Judah ko yimuch.

Revelation 9:14

Me yog fare lam ngak fa bin nel’ e engel ni bay fare rappa rok ni ga’ar, “Mpag fa aningeg i engel ni kan m’agrad u to’oben fare lul’ ni ba ga’ ni Eufrates fithingan!”