Genesis 15:16 - Bible Ni Thothup

¹⁶ Aningeg e mfen nra yan mfini sul e pi’in owchem ngaray, bay gu tuluf e pi girdi’ ni ba’aray ni kanog e Amorite ngorad ngar chuwgad ko ngiyal’ ni kar pired ni kari gel e kireb rorad ni dabisiy ni ngan gechig nagrad.”

Genesis 15:16 Iomraidhean Croise

Genesis 10:16

Jebusites, Amorites, Girgashites,

Genesis 15:13

Me ga’ar SOMOL ngak, “Pi’in ni bay rabad ni owchem e bay ra pired ni yad e milekag u lan ba nam ni gathi nam rorad; bay ra pired ni yad e sib u rom ma ba kireb e n’en ni bay un rin’ ngorad ni 400 e duw.

Genesis 48:21

Me ga’ar Israel ngak Josef, “Kam guy nike chugur ni nggum’, machane Got e bay i par rom, ma bayi fulwegnem ko nam rok e pi chitamam.

Genesis 50:24

Me ga’ar ngak pi walagen ni pumo’on, “Ke chugur ni bay gum’, machane Got e rib muduwgil ni bay i ayuwegmed, me fekmed nga wuru’ e re nam ney me pow’iymed ko fare nam ni fa’ani micheg ngak Abraham nge Isak nge Jakob ni bayi pi’ ngorad.”

1 Kings 21:26

Ya ke ngongliy e tin th’abi kireb e denen, be tayfan ma be meybil ko liyos ni bod e pi Amorite, fa’an ni tulufrad SOMOL ngar chuwgad me tafnay yu Israel taferad.)

2 Kings 21:11

“I Manasseh ni Pilung e ke rin’ e pin’ey nib sonogor, bogi ban’en nib pag fini kireb ko tin i rin’ piyu Kanaan; ma pi liyos rok e ke waliy e girdi’ nu Judah nga fithik’ e denen.

Psalms 105:43

Me fek e girdi’ rok ngranod nga wuru’ e nam ni yad be tang, ni girdi’ rok ni ir e mel’eg ngranod ni yad be tolulnag e felfelan’.

Exodus 12:40

Piyu Israel e ra pired u Egypt ni 430 e duw.

Exodus 13:3

Me ga’ar Moses ngak fapi girdi’, “Ngam ted u wun’med e rofen ney — irera’ e rofen nim chuwgad u lan yu Egypt ko gin um sibgad riy. Ya re rran ney e maruwel SOMOL nga gelngin nib gel nge fekmed nga wuru’ fare binaw. Dab mu koyed e flowa ni bay e is riy.

Exodus 13:4

Ngam chuwgad u Egypt e daba’ u lan e bin m’on e pul, ko pul ni Abib.

Daniel 8:23

“Nap’an nra chugur nga tungun e gagiyeg ni yad be tay, ma ke yan i par e ngongol rorad ni kari kireb ndabisiy ni ngan gechig nagrad, ma bay yib reb e pilung nga tomurrad nib gelan’, ma rib kireb, ma ba sabanban.

Levitikus 18:24

Dab mu rin’ed reb e pi ngongol ney ngam ta’ay niged gimed, ya er e pin’en ni i rin’ e pi’in dar nanged Got ngar ta’aygad, ni pi’in ur pired u daken fare binaw ni yad ba som’on romed ni yad e tulufrad SOMOL nga wuru’ fare binaw, ya nge yag nim marod nga langgin.

Deuteronomy 9:4

“Nap’an nra tulufrad SOMOL ni Got romed ngar chuwgad ni fan e ngam tafned e nam rorad, ma dab mu leam niged nike fekmed SOMOL i yan ngalan e re nam nem ni ngam tafned ni bochan e bay rogmed ni ngam tafned. Danga’, i SOMOL e bayi tuluf e pi girdi’ ney ngar chuwgad ni bochan e yad ba kireb.

Deuteronomy 9:5

Gathi bochan e gimed bfel’ ma gimed be rin’ e tin nib mat’aw e aram fan ni nge pagmed SOMOL ngam marod nga taferad. Bayi tulufrad ni bochan e yad ba kireb, ma ke leamnag ni nge tay u gil’ e tin ni micheg ngak pi chitamangimed ni kakrom, ni aram Abraham nge Isak nge Jakob.

1 Thessalonika 2:16

Ra guyed rogon ni ngar taleged gamad ni nge dab gu machib niged e thin rok Got ngak e pi’in gathi yad piyu Israel, ni ir e ra thapegrad ngak Got. Denen ni yad be ngongliy ni gubin ngiyal’ e ireray e re fol nike yan i mada’ ngay. Ere fini aray e ke taw e damumuw rok Got ngorad!