Genesis 15:13 - Bible Ni Thothup

¹³ Me ga’ar SOMOL ngak, “Pi’in ni bay rabad ni owchem e bay ra pired ni yad e milekag u lan ba nam ni gathi nam rorad; bay ra pired ni yad e sib u rom ma ba kireb e n’en ni bay un rin’ ngorad ni 400 e duw.

Genesis 15:13 Iomraidhean Croise

Genesis 15:16

Aningeg e mfen nra yan mfini sul e pi’in owchem ngaray, bay gu tuluf e pi girdi’ ni ba’aray ni kanog e Amorite ngorad ngar chuwgad ko ngiyal’ ni kar pired ni kari gel e kireb rorad ni dabisiy ni ngan gechig nagrad.”

Genesis 17:8

Bay gu pi’ ngom nge ngak e pi’in owchem e re nam ney ni ga be par riy e chiney ni gab milekag. Ma nam nu Kanaan ni ga’ngin e bayi par ni tafnam ndariy n’umngin nap’an, ma bay gu par ni gag e Got rok e pi’in owchem.”

Genesis 47:4

Kugbad ni nggu pired u lan e biney e nam, ni bochan e lan e nam nu Kanaan e rib gel e uyongol nike yib riy, ya dariy e pan riy nra kay e yu ran’ i saf nge kaming romad. Ere wenig ngom, mu guy rogon nggu pired u lan e nug nu Goshen.”

Psalms 105:42

Thin rok nib thothup ni micheg ngak Abraham ni tapigpig rok e de pag talin.

Exodus 1:11

Ma aram miyad tay e girdi’ ni ngi i gelnag e thin ngorad ngar maruwelgad nib gel ya ngar magaergad; me toy piyu Israel e naun u lan e binaw nu Pithom ngu Rameses ni fan ngak Farao, ni aram e gin nge mang tafen e ggan ko fare pilung.

Exodus 1:13

miyad gelnag e gafgow ngorad ko maruwel ni almarin ni yad be sib. Miyad tayrad ngu’ur toyed e naun rorad miyad be maruwel u lan e yungi flang rorad, ni danir runguyrad.

Exodus 2:24

me rung’ag lamrad ni yad be gowol, me leamnag fare m’ag u thilrad Abraham, Isak nge Jakob.

Exodus 22:21

“Dab mu gafgow niged ara kireb pa’med nga ba milekag ni be par u fithik’med; ya gimed e ku’um moyed ni gimed bogi milekag u lan fare nam nu Egypt.

Exodus 23:9

“Dab mu gafgow niged ba milekag; gimed manang fan laniyan’ be’ nib milekag, ya um moyed ni gimed e milekag u lan yu Egypt.

Exodus 3:10

Ere chiney e nggol’igem ngam man ngak Farao ngam fek piyu Israel ni girdi’ rog nga wuru’ e nam nu Egypt.”

Exodus 3:17

Ma kug turguy ni nggu fekrad nga wuru’ yu Egypt, ni ireram e gin yibe gafgow nagrad riy, nggu fekrad nga ba nam nib madnom ma ba yong’ol e but’ riy — ni fare nam rok yu Kanaan, ngu Hitt, ngu Amor, ngu Periz, ngu Hiv, nge yu Jebus.

Exodus 3:8

Ku gub nga but’ ni nggu chuwegrad u tan pa’ piyu Egypt, mu gu fekrad nga wuru’ yu Egypt nga ba nam nib manigil, ni ba madnom ma ba yong’ol e but’ riy ni girdi’ ni yad ma par riy e chiney e piyu Kanaan, nge Hitt, nge Amor, nge Periz, nge Hiv, nge Jebus.

Levitikus 19:34

Ngongol romed ngorad e nge bod rogon e ngongol romed ngak e girdi’ nu Israel, ngar t’ufgad romed ni bod fanmed t’uf romed. Dab mu paged talin ni um pired u Egypt ni gimed girdi’en yugu reb e nam. I Gag fare SOMOL ni Got romed.

Numbers 20:15

nge rogon ni yan e pi ga’ romad nga Egypt, ma gamad par u rom ni pire’ e duw. Mi i gafgownag yu Egypt epi ga’ romad nge gamad,

Acts 7:17

“Ma fa’ani chugur ko fare ngiyal’ i n’em ni nge rin’ Got fare bugithin ni yog ngak Abraham ni bay rin’ ngak, ma aram e ke yo’or e girdi’ rodad ni bay u Egypt.

Galatia 3:17

Ba’aray e ren’en ni gu be yip’ fan, i Got e ngongliy ba m’ag u thilin e girdi’ nge ir me ga’ar e bayi par ni bod rogon nike yog. Ma fare Motochiyel ni fini pi’ Got ni aningeg mir’ay nge guyey e duw nga tomuren e re m’ag ney, e dabiyag ni nge th’ab e re m’ag nem me thang e tin nike ognag Got ni bayi pi’.

Deuteronomy 10:19

Ere nge t’uf romed e girdi’ u yugu boch e nam ni bay u fithik’med, ya um pired u Egypt ni gimed e milekag.

Deuteronomy 5:15

Ngi i par u wun’med ni um moyed ni gimed e sib u Egypt, me Gag SOMOL ni Got romed e gu lagmed u gelngig nib ga’ mab gel. Aram fan ni kug taychilen ngomed ni ngam tedfan e re rran ney ni Sabbath.