Genesis 14:5 - Bible Ni Thothup

⁵ Me yan ngalan e bin ragag nge aningeg e duw me yib Kedorlaomer nge pi pilung ni kar chaggad ngak nge salthaw rorad ngar gelgad ngak piyu Refaim ni bay u lan yu Ashterothkarnaim, nge piyu Zuzim ni bay u lan yu Ham, nge piyu Emim ni bay u daken bangi binaw nib tagapas ni kanog yu Kiriathaim ngay,

Genesis 14:5 Iomraidhean Croise

Genesis 14:4

Ya yad be par u tan pa’ Kedorlaomer nike gaman ragag nge l’agruw e duw nap’an, machane fa’an ni yan ngalan e bin ragag nge dalip e duw miyad togopluw ngak.

Genesis 15:20

nge Hittite, nge Perizzite, nge Refaim,

2 Samuel 23:13

Ke chugur ni nge tabab e ngiyal’ ni yima t’ar wom’ngin e woldug riy ma dalip ko “Fare Guyey” e yan nga pe’ning ko yiy rok Adullam, ko gin ni immoy David riy, ma ngiyal’nem e bay ba ulung i Filistine ni yad be par u lan e Loway nu Refaim.

2 Samuel 5:18

Me yib e pi Filistine ko loway nu Refaim ngarbad ra pired ngay.

2 Samuel 5:22

Me yib e pi Filistine ra pired bayay ngalan fare loway nu Refaim.

1 Kronicles 11:15

Me yan i reb e rran me yan dalip ko fa guyey i salthaw ni yad ba cheag ngranod nga ba war ko gin i par David riy u charen fare yiy nu Adullam, nnap’an ni bay ba ulung i girdi’ nu Filistia ni karbad ra pired ngalan fare Loway ni Refaim.

1 Kronicles 14:9

Me taw piyu Filistia ngalan fare Loway ni Refaim miyad tabab i giliwnag.

1 Kronicles 4:40

Miyad pir’eg nib yo’or e tin nib dammal nra kay e pi saf rorad u rom u lan bang i tafelfel’ nib mocha’ ma ba gapas. Girdi’ ko Hamite e ur pired u rom ko som’on.

Psalms 105:23

Me yan Jakob nga Egypt, me par ko re nam nem.

Psalms 105:27

Ra ngongliyew bogi ban’en ni Got e be ngongliy u pa’row, ur ngongliyew e maang’ang u lan yu Egypt.

Psalms 106:22

Rib th’ab feni manigil e pin’en ni i ngongliy u rom! Ginan’uy ko pin’en ni i rin’ ko fagi day ni fithingan e Red Sea!

Psalms 78:51

Me thang owchen e tin nganni’ i fakay ni pumo’on u gubin e tabnaw nu Egypt.

Isaiah 17:5

Ra par yu Israel ni bod bangi milay’ ni kan th’ab e grain riy ka ni t’ar wom’ngin, ni bod feni kireb e milay’ ko loway nu Refaim nap’an ni kan t’ar wom’ngin kem’ay.

Jeremiah 48:1

Irera’ e n’en ni yog SOMOL ni Gubin ma Rayag Rok u murung’agen yu Moab: “Nge kireban’uy ngak e girdi’ nu Nebo — ya yochi binaw rorad e ke mogothgoth! Yu Kiriathaim e kan kol, yoror riy nib gel ni fan ko mael e kan buthug nga but’, ma girdi’ riy e kan tamra’nag;

Jeremiah 48:23

Kiriathaim, Bethgamul, Bethmeon,

Numbers 32:37

Ma birok Ruben e ganong e ku ra fal’eged fapi binaw nu Heshbon, Elealeh, Kiriathaim,

Deuteronomy 1:4

Weliy ngorad u tomuren nike mael SOMOL ke gel ngak Sihon ni Pilung ko Amorite. Mi Sihon e ma par u lan e binaw nu Heshbon ngi i gagiyeg. Ma ku er rogon Og ni Pilung nu Bashan, ni i gagiyeg u lan e binaw nu Ashtaroth ngu Edrei.

Deuteronomy 3:11

I Og ni Pilung nu Bashan e ir e magey ko girdi’ ni Refaim. Kahol rok e ni ngongliy ko malang ni nel’ e fit radan ma ba chugur ni nge gaman e ragag nge aningeg e fit n’umngin, nrogon ni kan turguy ko fol e ngiyal’nem. Ku rayag ni ngan guy e chiney u lan e binaw nu Rabbah ni tafen e pi Ammonite.)

Deuteronomy 3:13

Mu gu pi’ e gin kabay u Gilead ngak balay e ganong rok Manasseh nge ga’ngin yang yu Bashan, ni i gagiyeg Og riy, ni aram ga’ngin yang e nug nu Argob.” (Bashan e yimnang ni binaw ko Refaim.

Deuteronomy 3:20

Mu ayweged e tin kabay e girdi’ nu Israel nge taw ko ngiyal’ ni kar pired ko fare binaw ni nge pi’ SOMOL ngorad u ba’ ni ngal e lul’ ni Jordan. Ni aram e ke taw ko ngiyal’ nike tayrad SOMOL u rom ni ngar pired u fithik’ e gapas, ni bod nike rin’ u ba’ ney e lul’ ni fan ngomed. Ma aram e fin rayag ni ngam sulod ko re but’ ney ni kug pi’ ngomed.’

Deuteronomy 3:22

Dab mu rusgad ngorad, ya SOMOL ni Got romed e bayi cham ni pa’med.’

Joshua 12:4

Ku ra gelgad ngak Og ni Pilung nu Bashan, ni ir reb e tin tomur ko pi Refaim ni magach; ni i gagiyegnag yu Ashtaroth nge yu Edrei.

Joshua 13:12

Bmu’un e gin ni gil’ilungun Og ni Pilung ngay, ni ir e en tomur ni magach ko pi Refaim, niki i gagiyegnag yu Ashtaroth ngu Edrei. I Moses e ke gel ngak e pi girdi’ ney ke tulufrad nga wuru’ e re gi but’ ney.

Joshua 13:19

Kiriathaim, Sibmah, Zereth Shahar ni bay u daken e ted ko fare loway,

Joshua 13:31

Bmu’un baley yu Gilead ngay, ma ku arrogon yu Ashtaroth ngu Edrei, ni aram fa gal binaw ntochuch u lan e gin nma gagyegnag Og u Bashan. Ga’ngin yang e gin’ey nni pi’ ngak baley ko pi tabnaw ni pi’in owchen Makir nib mo’on ni fak Manasseh.

Joshua 9:10

nge n’en nike rin’ ko fa gali Pilung nu Amor ko ngek u Jordan ni Sihon ni Pilung nu Heshbon nge Og ni Pilung nu Bashan, ni yow ma par u Ashtaroth.