Genesis 14:19 - Bible Ni Thothup

¹⁹ me yibilay ni ba’aray e thin ni yog, “I Got ni Th’abi Tolang, me ir e ngongliy e tharmiy nge but’, e nge fal’eg wa’athan Abram.

Genesis 14:19 Iomraidhean Croise

Genesis 14:22

Machane me ga’ar Abram, “Ri gu be yog ngom u p’eowchen SOMOL, ni ir fare Got ni Th’abi Tolang, ni ir e sunumeg e tharmiy nge but’,

Genesis 24:3

Gu ba’adag ni ngamog ngog u p’eowchen SOMOL, ni ir e Got nu tharmiy ngu but’, ndab mu fek be’ u roy u Kanaan, ko gin ni gu be par riy, ni nge le’ay fakag.

Genesis 27:4

Ma ga ngongliy rogon e ggan ni bfel’ lamen ni bod faram ni ga ma ngongliy ngam fek i yib ngog, ya nggu way, nge mu’ mu gu yibilayem u m’on ndawor gum’.”

Genesis 47:10

Me yibilay Jakob Farao, nge mu’ me yan.

Genesis 47:7

Me fek Josef Jakob ni chitamngin i yib ngak Farao. Me yibilay Jakob Farao ngak Got.

Genesis 49:28

Irera’ fa ragag nge l’agruw i ganong nu Israel, irera’ e n’en ni weliy e chitamangirad ngorad. I yibilayrad ngak Got, nra bagayad me yibilay nrogon nib m’ag ngak.

2 Samuel 2:5

me tay e thin nga l’ugun boch e pumo’on nge l’oegrad ngaram ni ngranod ra ga’argad ngak e girdi’ nu rom, “I SOMOL e nge fal’eg wa’athmed ni bochan e kam daged rogon fanmed yul’yul’ ngak e pilung romed ya kam k’eyged.

1 Kronicles 29:11

Ba gil bugwam ma ga ba gel, mab sorom, ma dariy thibngim ma gil’ilungum e ba polo’ u fayleng. Gubin ban’en nu tharmiy ngu fayleng ni go’ tirom, me gur e pilung, tagagiyeg ni th’abi tolang u gubin e gagiyeg.

2 Kronicles 31:8

Nap’an ni guy Hezekiah ni Pilung nge pi tolang ko salthaw rok urngin e pin’en ni kani pi’, miyad pining e sorok ngak SOMOL nge girdi’ rok ni piyu Israel.

Psalms 115:15

Mang e yigi fal’eg SOMOL wa’athmed, ni Ir e sunmiy e tharmiy nge but’!

Psalms 115:16

Tharmiy e kemus ni SOMOL e mmil suwon ngak, ma fayleng e ke pi’ ngodad e girdi’.

Psalms 24:1

Fayleng nge urngin ban’en ni bay riy e fen SOMOL, but’ nge urngin e girdi’ ni be par u daken e suwon.

Psalms 50:10

ya gubin e gamanman u loway e ba milfan ngog nge garbaw u daken yu biyu’ i burey.

Mikah 6:6

Mang e nggu fek i yib ngak SOMOL ni Got nu tharmiy ko ngiyal’ ni gu ra yib ni nggu liyor ngak? Gur nggu fek i yib e tin th’abi fel’ pifak e garbaw ngan urfiy ni maligach ngak?

Matthew 11:25

Ngiyal’ nem me ga’ar Jesus, “Chitamag, ni gur e Somol nu tharmiy ngu fayleng! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul.

Mark 10:16

Me kunuy Jesus fapi bitir ngak me tay pa’ nga dakenrad, ni aram e ke yibilayrad.

Luke 10:21

Ma ku errogon e re ngiyal’nem ni suguy e Kan Nthothup Jesus ko felfelan’ me ga’ar, “Chitamag ni gur e Somol u tharmiy ngu but’! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul. Chitamag, i gur e mu turguy ni nge yodoro’ nrogon nib m’agan’um ngay.

Acts 16:17

ni be lek tomuren Paul nge gamad, ni be tolul ni be ga’ar, “Pi cha’ney e tapigpig rok Got Nth’abi Tolang, ni yad be weliy ngomed rogon mi gimed thap ngak Got!”

Efesus 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya ke tow’ath nagdad u daken e ta’ab girdi’ ni kad ted Kristus, ni fan e ke pi’ ngodad urngin mit e tow’ath nu tharmiy.

Efesus 1:6

Ngad pininged e sorok ngak Got nga gelngin e runguy rok ngodad, ni bochan fare tow’ath nike pi’ ngodad u daken Fak nrib t’uf rok!

Deuteronomy 10:14

I SOMOL e mus ko yu thal ni th’abi tolang nga lanelang e pi tharmiy ma bmilfan ngak, ma ku arrogon e fayleng nge gubin ban’en riy.

Ruth 3:10

Me fulweg Boaz ni ga’ar, “Fakag, mang e yigi fal’eg SOMOL wa’atham. Ka mu dag feni ga’ e yul’yul’ rom ko tabnaw ko n’en ni ka mu rin’ e chiney ko tin ku’um rin’ ngak e chitiningin figirngim. Go nap’an e ngam changarnag be’ ni kab pagel, fa be’ ni bfel’ rogon ara ba gafgow, machane dam rin’ ni aram rogon.

1 Samuel 15:13

Me yan Samuel ngak Saul, me ga’ar Saul ngak, “Samuel, i SOMOL e ngi i tow’ath nagem! Kug fol ko tin ni yog ngog ni nggu rin’.”