Genesis 13:9 - Bible Ni Thothup

⁹ Ere ngad weargow. Gur e ngamog e gin ni gab adag e binaw ni ngam man ngay mag pageg. Ngam sor ngabang mu gu sor ngabang.”

Genesis 13:9 Iomraidhean Croise

Genesis 13:10

Me chachangar Lot me guy nre loway ni ba’aram ni bay e lul’ ni Jordan riy nge yan nge mada’ nga Zoar, e bpire’ e ran ni bay riy ni bod fa gi woldug rok SOMOL, fa bod e nam nu Egypt. (Fa ngiyal’nem ndawori kirebnag SOMOL fa gali binaw nu Sodom ngu Gomorrah.)

Genesis 13:8

Me ga’ar Abram ngak Lot, “Gadow tabnaw, ere tirom e girdi’ nge tirog e girdi’ e susun e dab ur malu’ag thingad.

Genesis 20:15

Me ga’ar ngak Abraham, “Ba’aray e binaw ni tafnag. Are mu guy e gin ga ba’adag ni ngam par ngay.”

Genesis 34:10

Ma aram me yag ni ngam pired romad u roy ko binaw romad; me yag ni ngam mel’eged e gin ngam pired riy ni gimed ba’adag, mu um falchuway’gad nib puf rogmed me milsuwon bang e binaw ngomed.”

Psalms 120:7

Nap’an ni gu ra weliy murung’agen e gapas, ma mael e yad ba’adag.

Jeremiah 40:4

Chiney, e nggu luf e chain u tungun pa’am nggu pagem. Fa’anra ga ba’adag ni ngam un ngog nga Babylon, ma rayag, ya gu ra aywegem. Machane fa’anra dabum, ma dab mu’un. Go’ ku bay gubin yang ni ga ra mel’eg, ma ga yan ko gin ga be finey.”

Roma 12:18

Mu rin’ed urngin e tin nrayag romed ngam pired ni ba aw e gapas u thilmed nge urngin e girdi’.

1 Korinth 6:7

Ren’en ni be’er ni gimed be malu’ag thin u fithik’med ma gimed be yan nga tafen e pufthin e be dag ni kam mulgad u rarogon girdi’en Kristus. Gathi kabfel’ ni yira ngongliy e kireb ngomed? Gathi kabfel’ ni yira fek e tiromed ban’en?

Hebrews 12:14

Mu guyed rogon ngu’um pired nib aw e gapas u thilmed urngin e girdi’, mi gimed guy rogon nge par pangimed nib thothup, ya dariy be’ nrayag ni nge guy Somol ni fa’anra de thothup pangin.