Genesis 13:5 - Bible Ni Thothup

⁵ Mi Lot, ni be un ngak Abram ko milekag i yan, e ku er rogon ni bay e saf ni fak, nge kaming, nge garbaw, ma ku bay e girdi’ ni be un ngak yad be par u tent i yan.

Genesis 13:5 Iomraidhean Croise

Genesis 12:4

Nap’an ni gaman medlip i ragag nge lal e duw yangren Abram, me chuw ko fare binaw nu Haran, ni bod rogon ni yog SOMOL ngak ni nge rin’; me un Lot ngak.

Genesis 12:5

Me fek Abram Sarai ni le’engin, nge Lot ni fak be’ nib mo’on ni walagen, nge urngin ban’en ni immoy rorad nge urngin e sib ni yag ngorad u Haran, ma aram miyad yan ni yad be nameg e nam nu Kanaan. Fa’anra tawgad nga Kanaan,

Genesis 13:6

Binaw ni bay e pan riy ni tagil’ e abich rok e gamanman e dabi gaman e gamanman rorow riy ni fa’ani yow ra par u ta’bang; ya ra bagayow ma ke yo’or i yo’or e tirok e gamanman.

Genesis 25:27

Me ilal fa gali pagel, me par Esau ni ir be’ nib cheag ko mokol gamanman, ni be’ ni ba’adag e yan u daken e flang i yan, machane Jakob e be’ nder ma non ma yug ma par u tabinaw.

Genesis 4:20

Me gargeleg Adah Jabal, ni ir e mang chitamngin e pi’in ni ur chugol garbawgad ma pi tent e kemang naun ngorad.

Jeremiah 49:29

Ngan fek e tent rorad u pa’rad nge yu ran’ i gamanman rorad, nge pi kateng ko tent rorad nge gubin e chugom u lan e tent rorad. Min fek e kamel rorad min ga’ar ko girdi, ‘Marus e keyin’med nga longob!’