Genesis 13:18 - Bible Ni Thothup

¹⁸ Ma aram me pug Abram e pi tent rok nge yan i par nga bang nib chugur ko fa yu ke gek’iy ni oak ni bay u Mamre ni bangi n’en ni bay u Hebron, mu rom e ubung ba altar riy ni fan ngak SOMOL.

Genesis 13:18 Iomraidhean Croise

Genesis 13:4

nu rom e ubung fare altar riy ko som’on. Ma fa’ani taw ngay me liyor ngak SOMOL me meybil ngak.

Genesis 14:13

Machane bay be’ nib mo’on ni thay me yib i yog ngak Abram ni ba Hebrew nma par nib chugur nga yu ke gek’iy ni oak ni fi’in Mamre, ma cha’nem e ba Amorite, nib mo’on ni walagen Eshkol nge Aner, ni yad Abram nga baraba’.

Genesis 18:1

Me yib i m’ug SOMOL ngak Abraham u Mamre ko fa gin bay fa yu ke gek’iy ni oak riy, ke par Abraham nga but’ u langan e mab ko tent rok ko ngiyal’ nib gel e gowel riy e chirofen nem,

Genesis 22:9

Fa’an rtawgow ko fa gin’en ke weliy Got murung’agen ngak Abraham, me ubung Abraham ba altar riy, me gad e l’ud u daken ni bfel’ rogon. Me m’ag fare pagel ni fak nge tay nga daken fare altar, nike tay nga daken fapi l’ud.

Genesis 23:2

Me yim’ u Hebron u lan yu Kanaan, me kireban’ Abraham me mowawnag.

Genesis 26:25

Me toy Isak ba altar u rom ngi i liyor ngak SOMOL riy. Me n’uf e pi tent rok u rom, miki ker e pi tapigpig rok reb e luwed.

Genesis 35:27

Me yan Jakob ngak Isak ni chitmangin nga Memre, u charen yu Hebron, ni aram e gin i par Abraham nge Isak riy.

Genesis 37:14

Me ga’ar e chitamngin ngak, “Mman, ngam guy pi walagem ngam nang salprad ma ga nang ko kabfel’ rogon e gamanman fa danga’; ma ga sul ngamog ngog.” Ma aram me l’oeg e chitamngin Josef u lan e loway u Hebron nge yan. Fa’an ni taw nga Shekem,

Genesis 8:20

Me ubung Noah ba altar ni fan ngak SOMOL; mra bmit fapi gamanman nge arche’ nike duwgiliy Got ni ngu’un pi’ ni maligach, me fek reb u fithik’ nge li’ nge urfiy ni polo’ u daken fare altar, ni aram e ke pi’ ni maligach ngak Got.

2 Samuel 2:1

Tomuren e biney me fith David SOMOL ni ga’ar, “Gu ra yan gu par nga reb fapi binaw ni bay u lan yu Judah ngu’ug gagiyegnag, ma bfel’ fa danga’?” Me fulweg SOMOL ni ga’ar, “Bfel’.” Me fith David ni ga’ar, “Bin ngan?” Me ga’ar SOMOL, “Binaw nu Hebron.”

Psalms 16:8

Bay SOMOL u lanin’ug ni gubin ngiyal’; bay nrib chugur ngog, ma dariy ban’en nrayag ni nge rurgeg.

Numbers 13:22

Ranod nsom’on ngalan e yimuch ko fare nam marbad u rom nga Hebron, ko gin nma par fa yuke girdi’ ni Ahiman, nge Sheshai, nge Talmai riy, ni yad e pi’in owchen bmit i girdi’ nib n’un’uw ma ba tagiyet ni kanog e Anakim ngorad. (Hebron e sum ni unpar riy ni medlip e duw nga m’on mfin nnib ni par nge sum e binaw nu Zoan u Egypt.)

1 Timothy 2:8

Gubin yang ni yira mu’ulung ngay ma gub adag ni pumo’on e nge meybil riy, ni pumo’on ni kar pi’ed yad nga pa’ Got mrayag ni ngar puged pa’rad ngalang ngar meybilgad ndarir damumuwgad ara yad be tugthin.

Hebrews 11:9

Mu daken e michan’ rok ngak Got e ir e yag riy ni nge yan i par ko fare nam ni yog Got ni bayi pi’ ngak, ni gowa be par u lan ba nam ni gathi nam rok. I par u lan e tent ni yad Isak nge Jakob, ni ki yag ngorow e tin ni yog Got ngak nra pi’ ngak.

Joshua 14:13

Me yiblay Joshua i Kaleb nib mo’on ni fak Jefunneh me pi’ fare binaw ni Hebron ngak ni nge tafnay.

Joshua 15:13

Bang ko fare gi binaw rok Judah e ni pi’ ngak Kaleb nib mo’on ni fak Jefunneh, ni be’ ko fare ganong rok Judah, ya aray rogon ni yog SOMOL ngak Joshua ni nge rin’. I yag yu Hebron ngak, ni fare binaw nib milfan ngak Arba, ni chitamngin Anak.