Genesis 11:7 - Bible Ni Thothup

⁷ Darod nga but’ ngad athkuyed e thin rorad nge bagayad ma dabki nangfan e thin ni be yog bagayad.”

Genesis 11:7 Iomraidhean Croise

Genesis 1:26

Me ga’ar Got, “Aram e chiney e ngad ngongliyed e girdi’; girdi’ e bay ra boded gadad miyad bod ya’adad. Ma girdi’ e nge suwey e nig, nge arche’, nge gamanman nib mongmor, nge urngin e gamanman ni malboch, ni tin gagang’ nge tin b’achig.”

Genesis 10:20

Irera’ e pi’in owchen Ham nra bagyad ma nam rok nge ganong rok nge birok e thin.

Genesis 10:32

Pi girdi’ ney e yad e pi’in owchen Noah nra bagyad ma rogon tha’an nib ul ul i yib nge nam rok. Ma urngin e girdi’ u fayleng e yib rok pifak Noah u tomuren ni tharey e ran e fayleng.

Genesis 10:5

yad e pi chitamngin urngin e girdi’ ni yad be par u dap’el’ay nge daken e pidonguch. Yad e pi’in owchen Jafeth, nra bagayad ma nam rok nge ganong rok nge birok e thin.

Genesis 11:5

Me yib SOMOL nga but’ nge yib i guy fare binaw ni pire’ e naun riy nge fare wulyang nike ngongliy fapi girdi’,

Genesis 3:22

Ma aram me ga’ar SOMOL ni Got, “Girdi’ e chiney e ke bod bagamad, ya kenang e n’en ni bfel’ nge n’en nib kireb. Thingar ri dab ni pag nge kay wom’ngin fare ke gek’iy nma pi’ e yafos, ya ra par ni dabki yim’.”

Genesis 42:23

Ma be nang Josef fan e n’en ni yad be yog, machane dar nanged, ya ur nonod ngak ni bay be’ ni be afweg e thin rorad.

BABYOR NI JOB 12:20

Ma th’abgulungan e pi’in nib pagan’uy ngorad, mma chuweg e gonop rok e pi’in pi’lal.

Psalms 2:4

I SOMOL e bay u tagil’ u tharmiy ni be minmin ngorad ma be moningnag e yochi makath rorad.

Psalms 33:10

I SOMOL e ma kirebnag e tanom ko pi nam, ma tel ni dabiyag e tin ka ra puruy’ niged.

Psalms 55:9

A Somol, mu balyangnag e welthin ko pi to’ogor rog! Gu be guy e cham nge wagagay u lan e binaw,

Exodus 4:11

Me ga’ar SOMOL ngak, “I mini’ e pi’ l’ugun e girdi’? I mini’ e ma gagiyegnag e girdi’ nge par nike baling ara dabkiyag ni nge non? I mini’ e ke tay e girdi’ ni nge guy ban’en, ara tay nib malmit? I gag SOMOL.

Isaiah 33:19

Ma dab kum guyed girdi’en yugu boch e nam ni yad ba uf ma ba thil e thin rorad ni yad ra non ma dab mu nanged fan!

Isaiah 6:8

Mu gu rung’ag laman SOMOL ni be ga’ar, “I mini’ e nggu l’oeg nge yan? I mini’ e nggu tay e thin nga l’ugun nge fek e thin romad nge yan?” Mu gu fulweg ni lungug, “Bay gu wan! Mu l’oegeg!”

Jeremiah 5:15

Gimed e girdi’ nu Israel, I SOMOL e be pining ba nam nib orel ni nge cham ngomed. Ba nam nib gel ma ba kakrom, ni ba nam ni da mananged lungun.

1 Korinth 14:23

Ere susun e errogon mi gimed mu’ulung girdi’en e galesiya ni urngin ma gimed gubin mi gimed tabab ko welthin nthin ndawor ni rung’ag ma da nnang fan, ma fa’anra yib yugu boch e girdi’ ngomed ara girdi’ ndawori mich Kristus u wun’rad, ma gathi yad ra yog ni kam aliliygad?

Deuteronomy 28:49

Bayi pag SOMOL ba nam nrib palog nga taban e fayleng nge togopluw ngomed, ba nam ndam nanged fan lungurad. Bay rab ra garpowgad nga dakenmed ni bod e manuw.