Genesis 10:9 - Bible Ni Thothup

⁹ Bochan e fal’egwa’ath rok SOMOL ngak, me par nri kub cheag ko mokol gamanman, aram fan ni tabanathin u langan e girdi’ ni yad ma ga’ar, “I SOMOL e nge ayuwegnem ngam mang be’ nib cheag ko mokol gamanman ni bod Nimrod!”

Genesis 10:9 Iomraidhean Croise

Genesis 10:10

Mu’un yu Babylon ko gin ni i gagiyegnag ni som’on nge yu Erek ngu Akkad. Dalip yang i n’ey e bay u lan yu Babylonia.

Genesis 10:8

Min gargeleg be’ nib pagel ni fak Kush ni Nimrod fithingan me yan i par ni ir e bin th’abi som’on e girdi’ u fayleng nib falu’ ni i mael ngi i kol boch e nam.

Genesis 13:13

ma girdi’ ni yad ma par u lan yu Sodom e ba kireb e ngongol rorad, ni aram e yad ma denen nib togopluw ngak SOMOL.

Genesis 25:27

Me ilal fa gali pagel, me par Esau ni ir be’ nib cheag ko mokol gamanman, ni be’ ni ba’adag e yan u daken e flang i yan, machane Jakob e be’ nder ma non ma yug ma par u tabinaw.

Genesis 27:30

Me yibilay Isak Jakob, nge mu’ me yan Jakob ni kachingiyal’ nem; me taw Esau ni walagen nike sul ko mokol gamanman.

Genesis 6:11

Machane urngin e tin kabay e girdi’ e yad gubin ni yad ba kireb u p’eowchen Got, ma kireb rorad e ke wear nga gubin yang.

Genesis 6:4

Re ngiyal’ i n’em nge nga tomur riy e immoy e girdi’ ni n’un’uw ma tagyet u fayleng ni yad fa pi’in pifak fapi ppin nge pi chon e tharmiy. Yad e pi’in ur gelgad ko mael ma ba gilbuguwanrad kakrom.

2 Kronicles 28:22

Nap’an nri gel e gafgow nike yib ngak Ahaz ma aram mri mun daken e denen nib togopluw ngak SOMOL ni i rin’.

Psalms 52:7

“Muguyew, ba’aray facha’ nda i naf ngak Got ni nge ayuweg, ya i pagan’ nga feni yo’or bogi ban’en rok, ma fel’ rogon rok e ke mang yoror rok.”

Isaiah 18:2

Pi owchen reb e nam nga reb e nam ko fare binaw e rabad u lan e lul’ ni Nile ni yad be yan u fofot ni kan ngongliy ko ro’uy. Mu suled nga tabnaw ni papay, gimed e pi tafek thin! Mu feked e malwol i yan ko but’ romed ni nike th’eth’ab e pi lul’, ko nam romed nib gel ma ba ga’ lungun, nge girdi’ romed ni n’un’uw mab pachpach dowrad, ni yima rus ngorad u ga’ngin e fayleng.

Jeremiah 16:16

SOMOL e ga’ar, “Ku gu mol’og ni nge yib e pi tafita’ ni yad ba yo’or ni ngar koled e pi girdi’ ney. Ma bay gu l’oeg girdi’en e mun gamanman ni yad ba yo’or ngar gawegedyad ngan kolrad u daken gubin e pi burey nge yochi burey nge lan e yiy ngu fithik’ e war.

Ezekiel 13:18

ma gog e n’en ni be yog SOMOL ni Th’abi Tolang ngorad: “Gafgow gimed e pi ppin nir! Gimed be lifith yungi pachael nib machmach ni nge fanay gubin e girdi’ nge yung i hangkach nib machmach ni nge m’ag gubin e girdi’ nga lolugrad, ya nge gel gelngirad nga daken e yafos rok boch e girdi. Ma gimed ba’adag ni nge ying ba gelngin ngomed ni gelngin e yafos nge yam’ ngam maruwel gad ngay nggi i yag bogi ban’en riy ngomed.

Mikah 7:2

Dariy ta’abe’ nike magey u daken e re nam ney nder sasaliyeb, ma dariy be’ riy nib yul’yul’ ngak Got. Ya yad gubin ni karm’ad. Urngin e girdi’ nra be’ ma yugu be son ni gomanga yigi bung rogon nge thang e pogofan. Gubin e girdi’ nra be’ ma be guy rogon nge aw be’ ko wup rok, ni be’ ko nam rok.