Genesis 10:8 - Bible Ni Thothup

⁸ Min gargeleg be’ nib pagel ni fak Kush ni Nimrod fithingan me yan i par ni ir e bin th’abi som’on e girdi’ u fayleng nib falu’ ni i mael ngi i kol boch e nam.

Genesis 10:8 Iomraidhean Croise

Genesis 10:7

Pi’in owchen Kash e yad e girdi’ nu Seba, Havilah, Sabtah, Raamah ngu Sabteka. Pi’in owchen Raamah e yad e girdi’ nu Sheba ngu Dedan.

Genesis 10:9

Bochan e fal’egwa’ath rok SOMOL ngak, me par nri kub cheag ko mokol gamanman, aram fan ni tabanathin u langan e girdi’ ni yad ma ga’ar, “I SOMOL e nge ayuwegnem ngam mang be’ nib cheag ko mokol gamanman ni bod Nimrod!”

Genesis 2:13

Ma fithingan e pa’ ni migid ko yu pa’ i lul’ nem e Gihon; i yan nge liyeg e nam nu Kush.

1 Kronicles 1:10

(Me Kush e immoy be’ ni pumo’on ni fak ni Nimrod fithingan, ni ir e cha’ nth’abi som’on e girdi’ nu fayleng nib falu’ ko mael.)

Isaiah 18:2

Pi owchen reb e nam nga reb e nam ko fare binaw e rabad u lan e lul’ ni Nile ni yad be yan u fofot ni kan ngongliy ko ro’uy. Mu suled nga tabnaw ni papay, gimed e pi tafek thin! Mu feked e malwol i yan ko but’ romed ni nike th’eth’ab e pi lul’, ko nam romed nib gel ma ba ga’ lungun, nge girdi’ romed ni n’un’uw mab pachpach dowrad, ni yima rus ngorad u ga’ngin e fayleng.

Mikah 5:6

Miyad maruwel ko saydon rorad ngar koled e nam nu Assyria, nge nam rok Nimrod. Ma yad ra ayuwegdad u pa’ yu Assyria u nap’an ni yad ra yib ni ngar koled tafadad.