Genesis 10:6 - Bible Ni Thothup

⁶ Pifak Ham ni pumo’on e Kash, Egypt, Lybia nge Kanaan, irera’ e pi ngachal nni tunguy ko pi ganong ni yib ni owcharad.

Genesis 10:6 Iomraidhean Croise

Genesis 10:5

yad e pi chitamngin urngin e girdi’ ni yad be par u dap’el’ay nge daken e pidonguch. Yad e pi’in owchen Jafeth, nra bagayad ma nam rok nge ganong rok nge birok e thin.

Genesis 2:13

Ma fithingan e pa’ ni migid ko yu pa’ i lul’ nem e Gihon; i yan nge liyeg e nam nu Kush.

Genesis 5:32

Ma fa’an ni gaman 500 e duw rok Noah, me fakay dalip i pagel, ni aram Shem, Ham nge Jafeth.

Genesis 9:18

Fapi pumo’on ni fak Noah ni rabad u lan fare barkow nga but’ e aram Shem nge Ham nge Jafeth (Ham e chitamngin Kanaan).

Genesis 9:22

I Ham, ni chitamngin Kanaan, e fa’ani guy e chitamngin ni dariy e mad u daken, me yan nge weliy ngak fa gali pumo’on ni walagen.

1 Kronicles 4:40

Miyad pir’eg nib yo’or e tin nib dammal nra kay e pi saf rorad u rom u lan bang i tafelfel’ nib mocha’ ma ba gapas. Girdi’ ko Hamite e ur pired u rom ko som’on.

Psalms 105:23

Me yan Jakob nga Egypt, me par ko re nam nem.

Psalms 105:27

Ra ngongliyew bogi ban’en ni Got e be ngongliy u pa’row, ur ngongliyew e maang’ang u lan yu Egypt.

Psalms 106:22

Rib th’ab feni manigil e pin’en ni i ngongliy u rom! Ginan’uy ko pin’en ni i rin’ ko fagi day ni fithingan e Red Sea!

Psalms 78:51

Me thang owchen e tin nganni’ i fakay ni pumo’on u gubin e tabnaw nu Egypt.

Isaiah 11:11

Rofen nem, e ra maruwel Somol nga gelngin nge fulweg e girdi’ rok nga tabinaw, ni pi’in nra magachgad u Assyria ngu Egypt, u lan fare nam nu Pathros ngu Sudan, ngu Elam, ngu Babylonia, ngu Hamath, nge pi binaw u charen e day nge pi donguch u lan e day.

Jeremiah 46:9

Mu non ko pi’ os rom ni ngranod nge pi chariot ngar mithmithgad! Mu pi’ e salthaw rom ngranod: ni pumo’on nu Ethiopia ngu Libya, ni ngar feked e shield rorad nge pumo’on nu Lydia ni cheag ko mun gat’ing.’”

Ezekiel 27:10

“Salthaw nu Persia, ngu Lydia ngu Libya e yad be maruwel ni salthaw rom. Tafen e salthaw rom e kar the’ed riy ngalang e shield nge urwach rorad. Er e picha’ ni ka ra gil naged bugwam.

Ezekiel 38:5

Yu raba’ i salthaw nu Persia, Ethiopia, ngu Libya e yad mu’un ngak, ni yad gubin ni bay e shield rorad nge helmet.