Genesis 10:5 - Bible Ni Thothup

⁵ yad e pi chitamngin urngin e girdi’ ni yad be par u dap’el’ay nge daken e pidonguch. Yad e pi’in owchen Jafeth, nra bagayad ma nam rok nge ganong rok nge birok e thin.

Genesis 10:5 Iomraidhean Croise

Genesis 10:20

Irera’ e pi’in owchen Ham nra bagyad ma nam rok nge ganong rok nge birok e thin.

Genesis 10:25

L’agruw e pagel ni fak Eber: Reb e ni tunguy Peleg ngak ni bochan e ngiyal’nem e yibe ki’eg e girdi’ u fayleng; ma bagyow e ni tunguy fithingan ni Joktan.

Genesis 10:32

Pi girdi’ ney e yad e pi’in owchen Noah nra bagyad ma rogon tha’an nib ul ul i yib nge nam rok. Ma urngin e girdi’ u fayleng e yib rok pifak Noah u tomuren ni tharey e ran e fayleng.

Genesis 10:4

Ma pi pumo’on ni pifak Javan e yad e girdi’ ni owchen fa yuke girdi’ nu Elishah, Spain, Syprus ngu Rhodes;

Genesis 10:6

Pifak Ham ni pumo’on e Kash, Egypt, Lybia nge Kanaan, irera’ e pi ngachal nni tunguy ko pi ganong ni yib ni owcharad.

Genesis 9:19

Dalip i pumo’on ney ni fak Noah e yad e chitamngin urngin e girdi’ nu fayleng.

Ester 10:1

I Xerxes ni Pilung e pag lungun nga daken gubin e girdi’ ni yad bay u tan gil’ilungun ko pi nam ni bay u charen e day nge tin bay nga arow nge yog e pin’en ni thingar rin’ed.

Psalms 72:10

Pi pilung nu Spain nge pi donguch e bay ur pi’ed e tow’ath ngak; gal pilung nu Sheba ngu Seba e bay ur pi’ew e maligach ngak.

Isaiah 11:11

Rofen nem, e ra maruwel Somol nga gelngin nge fulweg e girdi’ rok nga tabinaw, ni pi’in nra magachgad u Assyria ngu Egypt, u lan fare nam nu Pathros ngu Sudan, ngu Elam, ngu Babylonia, ngu Hamath, nge pi binaw u charen e day nge pi donguch u lan e day.

Isaiah 24:15

ma pi’in yad bay ko ngek e bay ra pininged e sorok ngak. Girdi’ nma par u pel’ay e bay ra pininged e sorok ngak SOMOL, ni Got rok yu Israel.

Isaiah 40:15

U p’eowchen SOMOL e pi nam e yad bod ba wa’angachal u lan ba pakit, ara bod ba tabyu’ u daken e thabthabel, ma pi donguch nib orel e bod feni ba’ud ba ab.

Isaiah 41:5

“Girdi’ ko pi nam ni yad bmal’af e ka ra guyed e pin’en ni ku gu ngongliy; ka ra tamdaggad ni yad be t’on ko marus. Ka ra mu’ulunggad ni yad gubin karbad.

Isaiah 42:10

Mon’ed ba tang nib be’ech ngak SOMOL; fayleng ni polo’, mu tanggad ni gimed be pining e sorok ngak! Gimed e pi’in gimed be milekag u lan e day, mpininged e sorok ngak; gimed urngin e yafos nu maday, mpininged e sorok ngak! Gimed e pi nam ni gimed bmal’af nge girdi’ ni be par riy e ngam tanggad!

Isaiah 42:4

Dabi mulan’ ma dabi pag ir, ma tin nib yal’uw e bayi tay nga fayleng. Pi nam nib mal’af e ri yad be sonnag e machib rok.”

Isaiah 49:1

Mu telmed ngog e pi nam nib mal’af, ni gimed e girdi’ ni mal’af! Dawor ni gargel nigeg ma ke mel’egeg SOMOL, me turguyeg ni nggu mang tapigpig rok.

Isaiah 51:5

Bay gub nib papey nggu aywegrad; ngiyal’ ni nggu gel e ke chugur. I gag rog e bay gu gagiyegnag e pi nam. Tin nib palog e nam e be son nigeg ni nggu taw; ni yad be son nike lagan’rad ngog ni nggu aywegrad.

Isaiah 59:18

Bayi gechignag e pi to’ogor rok u rogon e n’en ni ka ra ngongliyed, ni mus ngak e pi’in nib palog e gin yad ma par riy.

Isaiah 60:9

Yad bogi barkow ni karbad ko pi nam nib orel, Ni yad be fulweg e girdi’ rok Got nga taferad. Ka ra feked e silber nge gol i yib, Ni ngar ted fan fithingan SOMOL ngay, Ni fare Got nib thothup nu Israel, Ni ir e ke gagiyegnag urngin e nam yad be tay fan e girdi’ rok.

Jeremiah 2:10

Mmarod ko ngal ko fare donguch nu Cyprus ngam guyed; mpi’ed e girdi’ ngranod ko ngek nga Kedar ngar fal’eged i yaliy: gur bay ban’en ni ara’ rogon ni ka’a yib i m’ug kafaram?

Ezekiel 26:15

Fare SOMOL ni Th’abi Tolang e ba’aray e n’en ni yog ko fare binaw nu Tyre: “Nap’an ni bay ni kolem, ma girdi’ ni yad ma par u dap’elay e bay ra digowgad nga laman e gogo’ ko pi’in ni yibe thang e fan rorad.”

Ezekiel 26:18

Machane chiney nike mogoth yu Tyre, e pi donguch u maday e be durru’, e girdi’ riy e kar ngatgad ko binem e riya’. yad be dada’ ko marus.”

Daniel 11:18

Ma bayi m’ag e mael ngak e pi nam ni bay u charen e day me kol bo’or riy. Machane bay ba tolang u reb e nam ni bayi gel ngak me taleg ndabkiyag ni ngi i ufanthin.

Zefaniah 2:11

Bayi k’aring SOMOL e marus ngorad. Bayi sobut’eg e pi got nu fayleng nge m’ayfarad, ma aram e gubin e nam ni bay ra meybilgad ngak, ko gin’en ni yad bay riy.

Deuteronomy 32:8

En ni Th’abi Tolang e ir e pag e f’oth ko but’ nge pi’ ko pi nam; ir e duwgiliy e gin ngi i par e girdi’ riy. Ra reb e nam me l’oeg reb i chon e tharmiy ngay,