Filippi 4:12 - Bible Ni Thothup

¹² Ya gu manang rogon ni ba’aray ni kan gafgow u ban’en, nge rogon ni ba’aray nike pag urngin ban’en nike yag ngog. Kug nang rogon e ren’ey, ere demturug e gin’en ma demturug e re ngiyal’ i n’en, ma bfel’ u wun’ug ndemturug ko gub fos ara gub yam’ ko bilig, ma demturug ko pire’ ban’en ni bay rog ara rib lich.

Filippi 4:12 Iomraidhean Croise

Nehemiah 9:20

U mog ngorad e n’en ni ngar rin’ed ni bochan e gab gol; um durwi’iyrad ko manna mu’um pi’ e ran ni ngar unumed.

Isaiah 8:11

U gelngin SOMOL nib gel e yog ngog ni dab gu lek fare wo’ ni be lek e girdi’. I ga’ar,

Jeremiah 31:19

Gu pi’ed keru’mad ngom, machane de n’uw nap’an me pigan’mad ni nggu sulod ngom. U tomuren ni ka mu gechig nagmad, e gup’ed owchemad nga but’ u fithik’ e kireban’. Ya ku gu tamra’gad, nike m’ay famad, ya gu denengad ko ngiyal’ ni gamad bbitir.’

Matthew 11:29

Mfeked e mat’ rog ngam ted nga pomed, mi gimed folwok rog, ya gub munguy ma gub sobut’an’; mi gimed pir’eg e toffan.

Matthew 13:52

Ma aram me fulweg ni ga’ar, “Fan e ren’ey e gubin e tamchib ko Motochiyel ni kar filed murung’agen e gagiyeg ni yib u tharmiy kar manged pi gachalpeg e yad bod be’ ni bay e naun rok ni yan i fek e tin nib be’ech nge tin nib kakrom ban’en u lan e senggil rok nma cha’riy ban’en riy.”

2 Korinth 10:1

I gag Paul e gu be wenig ngomed — i gag fa’anem ni kanog nib sobut’an’ug ma gub gol ko ngiyal’ ni gu bay romed, machane dagur tamdag ni nggu non ngomed nib gel ko ngiyal’ ni gub mal’af romed. Gu be wenig ngomed ni bod feni munguy nge feni gol Kristus ni be lungug:

2 Korinth 10:10

Bay ga’ar be’, “Thin rok Paul u babyor e rib gel, machane ngiyal’ ni bay rodad e mme’waer ma thin rok e dariy rogon!”

2 Korinth 11:27

Ma kug maruwel nib gel e maruwel ni kug tay; oren ngiyal’ e dariy e mol; ma gu be yim’ ko bilig nge belel; ma ke yo’or yay ni kug gafgow ko ggan, nge naun, nge mad.

2 Korinth 11:7

Dariy ban’en ni gog ngomed ni ngam pi’ed ngog ko ngiyal’ ni ba’aram ni ug machibnag ngomed e Thin Ni Bfel’ ni yib rok Got; ya gu sobut’nag lanin’ug ni fan e nggu ayuwegmed ngam tolanggad. Ere gur ba kireb e ren’em ni gu rin’?

2 Korinth 11:9

Ma ngiyal’ ni ba’aram ni gu bay romed e da gog ngomed ni ngan ayuweged gag ko ngiyal’ ni nge yag e salpiy riy ngog; ni fan e pi walagdad ni girdi’en Kristus nrabad u Macedonia e ra feked i yib urngin e tin ni nge yag ngog. Rogon ko tin nike yan e rran nge tin ni kabay e rran ngam’on e dab mu gafgowgad u puluwog!

Deuteronomy 32:10

“I piri’egrad ni yad be yanyan u daken e ted ni desert, ni bangi ted nder par be’ riy ma ba gel e nifeng riy. Me par ni ir e ke mang yoror ngorad ma be ayuwegrad, ni bod feni t’uf lan mit rok.